<
திருவொற்றியூர் மாநகராட்சி பள்ளியில் வகுப்பு அறையில் மின்விசிறி கழன்று விழுந்து மாணவன்-மாணவி படுகாயம்
திருவொற்றியூர் சத்தியமூர்த்தி நகரில் மாநகராட்சி நடுநிலைப்பள்ளியில் வகுப்பு அறையில் மின்விசிறி திடீரென கழன்று கீழே விழுந்தது.
திருவொற்றியூர்,
திருவொற்றியூர் சத்தியமூர்த்தி நகரில் மாநகராட்சி நடுநிலைப்பள்ளி உள்ளது. இங்கு 200-க்கும் மேற்பட்ட மாணவ-மாணவிகள் படித்து வருகின்றனர். நேற்று காலை 10 மணியளவில் 1-ம் வகுப்பு அறையில் ஆசிரியர் பாடம் நடத்திக்கொண்டு இருந்தார். சுமார் 20 மாணவ-மாணவிகள் வகுப்பில் இருந்தனர்.
அப்போது வகுப்பு அறையில் இருந்த மின்விசிறி திடீரென கழன்று கீழே விழுந்தது. வேகமாக சுற்றியபடி மின் விசிறி விழுந்ததால் அதன் இறக்கைகள் கீழே அமர்ந்து இருந்த மாணவ-மாணவிகள் மீது வெட்டியது. இதில் மாணவி மோனிஷா, மாணவன் கணேஷ் ஆகிய இருவருக்கும் பலத்த காயம் ஏற்பட்டது. மற்ற மாணவ-மாணவிகள் லேசான காயத்துடன் அதிர்ஷ்டவசமாக தப்பினர்.
காயம் அடைந்த 2 பேரையும் உடனடியாக அருகில் உள்ள தனியார் ஆஸ்பத்திரியில் சேர்த்தனர். அங்கு மாணவி மோனிஷாவுக்கு கன்னத்தில் தையல் போடப்பட்டது.
இதுபற்றி அறிந்ததும் மாணவ-மாணவிகளின் பெற்றோர் ஏராளமானோர் பள்ளிக்கு திரண்டு வந்து ஆசிரியர்களுடன் வாக்குவாதம் செய்தனர். இதனால் பள்ளியில் பரபரப்பு ஏற்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
