தர்மபுரி வந்த ரெயிலில் இறந்து கிடந்த பெண் போலீசார் விசாரணை

தர்மபுரி,

பெங்களூருவில் இருந்து காரைக்கால் செல்லும் ரெயில் நேற்று தர்மபுரி ரெயில் நிலையத்திற்கு வந்தது. இந்த ரெயிலில் வந்த சுமார் 55 வயது மதிக்கத்தக்க பெண் ரெயிலுக்குள் இறந்து கிடந்தார். இதுபற்றி தகவல் அறிந்த தர்மபுரி ரெயில்வே போலீஸ் சப்–இன்ஸ்பெக்டர் கோதண்டபாணி மற்றும் போலீசார், சம்பவ இடத்திற்கு சென்று இறந்த பெண்ணின் உடலை கைப்பற்றி விசாரணை நடத்தினார்கள். இறந்தவர் யார்? எந்த ஊரைச் சேர்ந்தவர் என்ற விவரங்கள் உடனடியாக தெரியவில்லை. அவருடைய உடல் பிரேத பரிசோதனைக்காக தர்மபுரி அரசு ஆஸ்பத்திரிக்கு அனுப்பி வைக்கப்பட்டது.