திருவள்ளூர் அருகே வீட்டின் பூட்டை உடைத்து நகை– பணம் திருட்டு

திருவள்ளூர்,

திருவள்ளூரை அடுத்த வேப்பம்பட்டு சக்திஅவென்யூவை சேர்ந்தவர் சிவபிரகாசம் (வயது 60). தனியார் நிறுவன ஊழியர். இவர் கடந்த 26–ந் தேதியன்று தனது குடும்பத்தினருடன் வீட்டை பூட்டிவிட்டு சென்னையில் உள்ள உறவினர் வீட்டிற்கு சென்றார். நேற்று முன்தினம் அவர் வீட்டுக்கு வந்து பார்த்தபோது வீட்டின் பூட்டு உடைக்கப்பட்டிருப்பதை கண்டு அதிர்ச்சியடைந்தார். உள்ளே சென்று பார்த்தபோதுபீரோ உடைக்கப்பட்டு அதில் இருந்த 10 பவுன் தங்கநகை, 2 கிலோ வெள்ளிப்பொருட்கள், ரூ.30 ஆயிரம் திருடப்பட்டிருப்பது தெரியவந்தது.

இது குறித்து சிவபிரகாசம் செவ்வாப்பேட்டை போலீசில் புகார் செய்தார். போலீசார் வழக்குப்பதிவு செய்து வீட்டின் பூட்டை உடைத்து திருடிய மர்ம நபர்களை தேடி வருகின்றனர்.