கும்மிடிப்பூண்டி அருகே பெண்ணிடம் நகை பறிப்பு

கும்மிடிப்பூண்டி,

கும்மிடிப்பூண்டியை அடுத்த எலாவூர் அருகே உள்ள தலையாரிப்பாளையம் கிராமத்தை சேர்ந்தவர் செல்வம். இவரது மனைவி தமிழ்செல்வி (வயது 32). இவர் நேற்று இரவு கும்மிடிப்பூண்டியில் இருந்து எலாவூர் நோக்கி மொபட்டில் சென்று கொண்டிருந்தார். சின்னஓபுளாபுரம் என்ற இடத்தில் செல்லும்போது மோட்டார் சைக்கிளில் வந்த மர்மநபர்கள் அவர் அணிந்திருந்த 4½ பவுன் தங்கசங்கிலியை பறித்து சென்றனர்.

இது குறித்து கும்மிடிப்பூண்டி போலீசார் விசாரித்து வருகின்றனர்.