அடையாளம் தெரியாத வாகனம் மோதி வாலிபர் பலி

திருமானூர்,

அரியலூர் மாவட்டம் திருமானூர் அருகே உள்ள கரைவெட்டி பரதூரை சேர்ந்தவர் அய்யனார் (வயது 27). இவர் நேற்று முன்தினம் இரவு திருமானூர் அரசு ஆரம்ப சுகாதார நிலையம் முன்பு அரியலூர்-தஞ்சாவூர் தேசிய நெடுஞ்சாலையில் நடந்து சென்று கொண்டிருந்தார். அப்போது அந்த வழியாக வந்த அடையாளம் தெரியாத வாகனம் அய்யனார் மீது மோதியதில் அவர் படுகாயமடைந்தார். இதைப்பார்த்த அருகில் இருந்தவர்கள் அவரை மீட்டு சிகிச்சைக்காக திருவையாறு அரசு மருத்துவமனையில் அனுமதித்தனர். அங்கு அவரை பரிசோதித்த டாக்டர்கள் அவர் இறந்து விட்டதாக தெரிவித்தனர். இதுகுறித்து திருமானூர் போலீசார் வழக்குப்பதிவு செய்து விசாரணை நடத்தி வருகின்றனர்.