<
சென்னை கேளம்பாக்கத்தில் மோட்டார் சைக்கிள் மீது வேன் மோதி ஒருவர் சாவு; மற்றொருவர் படுகாயம்
மோட்டார் சைக்கிள் மீது வேன் மோதி ஒருவர் இறந்தார். மற்றொருவர் படுகாயம் அடைந்தார்.
திருப்போரூர்,
காஞ்சீபுரம் மாவட்டம் கூடுவாஞ்சேரி, வினோபா தெருவை சேர்ந்தவர் பிரபாகரன் (வயது 25). அம்பேத்கர் தெருவை சேர்ந்தவர் ராஜேஷ் (25). நண்பர்களான இவர்கள் இருவரும் நேற்று முன்தினம் ஒரு மோட்டார் சைக்கிளில் கோவளம் கடற்கரைக்கு வந்தனர். இரவு 8 மணியளவில் கோவளத்தில் இருந்து புறப்பட்டு கேளம்பாக்கம் வழியாக வீட்டுக்கு சென்றுகொண்டிருந்தனர்.
கேளம்பாக்கம் மதுபான கடைக்கு எதிரே சென்றபோது அவர்கள் மீது ஒரு வேன் நேருக்கு நேர் மோதியது. இதில் பிரபாகரன் சம்பவ இடத்திலேயே உடல் நசுங்கி ரத்தவெள்ளத்தில் பரிதாபமாக இறந்தார். ராஜேஷ் படுகாயம் அடைந்தார்.
போலீஸ் விசாரணை
கேளம்பாக்கம் போலீசார் ராஜேஷை மீட்டு செங்கல்பட்டு அரசு மருத்துவமனைக்கு அனுப்பிவைத்தனர். பின்னர் அவர் மேல்சிகிச்சைக்காக சென்னை அரசு பொது மருத்துவமனையில் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்படுகிறது.
விபத்தில் இறந்த பிரபாகரனுக்கு திருமணமாகி 2 ஆண்டுகள் ஆகிறது. அவருக்கு சந்தியா என்ற மனைவியும், 10 மாத குழந்தையும் உள்ளனர். இந்த விபத்து குறித்து கேளம்பாக்கம் போலீஸ் இன்ஸ்பெக்டர் பாண்டியன் வழக்கு பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
