பி.எஸ்.என்.எல். ஊழியர்கள் வேலைநிறுத்தம்

கோவில்பட்டி,

பி.எஸ்.என்.எல். ஊழியர்களுக்கு, கடந்த 1.1.2017 முதல் வழங்க வேண்டிய ஊதிய உயர்வை வழங்க வேண்டும். செல்போன் கோபுரங்களை தனியார் மயமாக்கும் முடிவை கைவிட வேண்டும் என்று வலியுறுத்தி, ஊழியர்கள் 2 நாட்கள் வேலைநிறுத்த போராட்டத்தை நேற்று தொடங்கினர். அதன்படி கோவில்பட்டி பி.எஸ்.என்.எல். நிறுவனத்தில் ஊழியர்கள் யாரும் பணிக்கு செல்லவில்லை. கோரிக்கைகளை வலியுறுத்தி, அந்த நிறுவனத்தின் முன்பாக ஊழியர்கள் ஆர்ப்பாட்டத்தில் ஈடுபட்டனர். தொடர்ந்து இன்றும் (புதன்கிழமை) அந்த ஊழியர்கள் வேலைநிறுத்த போராட்டத்தில் ஈடுபடுகின்றனர்.