<
சேலையூர் அருகே சைக்கிள் மீது கார் மோதல்; கணவர் பலி மனைவி படுகாயம்
சேலையூர் அருகே கார் மோதியதில் சைக்கிளில் சென்ற கணவர், அதே இடத்தில் பரிதாபமாக இறந்தார். அவருடைய மனைவி படுகாயம் அடைந்தார்.
தாம்பரம்,
சென்னையை அடுத்த மேடவாக்கம், ரங்கநாதபுரம், ஏரிக்கரை தெருவைச் சேர்ந்தவர் தம்புரான் (வயது 50). இவருடைய மனைவி சரோஜா(45). இவர்கள் இருவரும் சேலையூர் அடுத்த காமராஜபுரம் பகுதியில் வீட்டு வேலை செய்து வருகின்றனர்.
நேற்று அதிகாலை வழக்கம்போல கணவன்-மனைவி இருவரும் மேடவாக்கத்தில் இருந்து காமராஜபுரத்துக்கு சைக்கிளில் வேலைக்கு வந்து கொண்டிருந்தனர்.
காமராஜபுரம் சிக்னல் அருகில் தாம்பரம்-வேளச்சேரி பிரதான சாலையை கடக்க முயற்சி செய்த போது தாம்பரத்தில் இருந்து மேடவாக்கம் நோக்கி அதிவேகமாக சென்ற கார் ஒன்று அவர்கள் மீது மோதி விட்டு நிற்காமல் சென்று விட்டது.
கணவர் பலி
இதில் கணவன்-மனைவி இருவரும் தூக்கி வீசப்பட்டனர். இதில் படுகாயம் அடைந்த தம்புரான், சம்பவ இடத்திலேயே ரத்த வெள்ளத்தில் பரிதாபமாக இறந்தார்.
பலத்த காயங்களுடன் உயிருக்கு போராடிய சரோஜாவை அக்கம் பக்கத்தினர் மீட்டு குரோம்பேட்டை அரசு மருத்துவமனையில் சேர்த்தனர். அங்கு அவர் தீவிர சிகிச்சை பெற்று வருகிறார்.
இந்த விபத்து குறித்து தகவல் அறிந்து வந்த குரோம்பேட்டை போக்குவரத்து புலனாய்வு பிரிவு போலீசார் பலியான தம்புரானின் உடலை மீட்டு பிரேத பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்தனர்.
மேலும் சம்பவம் தொடர்பாக போலீசார் வழக்குப்பதிவு செய்து விபத்து ஏற்படுத்தி விட்டு நிற்காமல் சென்ற கார் டிரைவரை தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
