பெண் போலீசுக்கு ஆபாச குறுந்தகவல் அனுப்பி தொல்லை

புனே,

மும்பை போலீசின் பாதுகாப்பு படை பிரிவில் பணி புரிந்து வந்தவர் நிலேஷ்(வயது28). இவர் கடந்த சில தினங்களுக்கு முன் பயிற்சிக்காக புனேயில் உள்ள வான்வாடி குற்றப்பிரிவு பயிற்சி மையத்திற்கு சென்று இருந்தார். அப்போது, அவருக்கு அங்கு பணிபுரிந்து வரும் பெண் போலீஸ் ஒருவருடன் பழக்கம் ஏற்பட்டது.

இதன் மூலம் நிலேஷ் அந்த பெண் போலீசின் செல்போன் எண்ணை பெற்றுக் கொண்டார். பின்னர் அவரின் செல்போன் எண்ணிற்கு ஆபாச குறுந்தகவல்களை அனுப்பி உள்ளார்.

இது தொடர்பாக பெண் போலீஸ் நிலேசை கண்டித்து உள்ளார். இதனால் ஆத்திரம் அடைந்த நிலேஷ் பெண் போலீசை தகாத வார்த்தைகளால் திட்டியுள்ளார். இதனால் மனவேதனை அடைந்த பெண் போலீஸ், சம்பவம் குறித்து வான்வாடி போலீஸ் நிலையத்தில் புகார் அளித்தார். இந்த புகாரின்பேரில் போலீசார் வழக்கு பதிவு செய்து, நிலேசை அதிரடியாக கைது செய்தனர்.

பின்னர் அவரை நேற்று முன்தினம் கோர்ட்டில் ஆஜர்படுத்தி, நீதிமன்ற காவலில் வைத்து விசாரணை நடத்தி வருகின்றனர்.