பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம்

மும்பை,

மத்திய ரெயில்வே வழித்தடமான தானே– கல்யாண் இடையே இன்று(ஞாயிற்றுக்கிழமை) காலை 10.30 மணி முதல் பிற்பகல் 3.30 மணி வரை பராமரிப்பு பணிகள் நடைபெற உள்ளது. எனவே காலை 9.25 மணி முதல் பிற்பகல் 2.54 மணி வரை சி.எஸ்.எம்.டி.யில் இருந்து புறப்படும் விரைவு ரெயில்கள் காட்கோபர், விக்ரோலி, பாண்டுப், முல்லுண்டு மற்றும் வழக்கமாக நிற்கும் ரெயில் நிலையங்களில் நின்று செல்லும்.

தானேக்கு பிறகு இந்த ரெயில்கள் கல்யாண் வரை ஸ்லோ வழித்தடத்தில் இயக்கப்படும்.

துறைமுக வழித்தடத்தில் இன்று காலை 11.10 மணி முதல் மாலை 4.10 மணி வரை குர்லா– வாஷி இடையே பராமரிப்பு பணிகள் நடைபெறுகிறது. எனவே காலை 10.34 மணி முதல் பிற்பகல் 3.39 மணி வரை சி.எஸ்.எம்.டி.யில் இருந்து பன்வெல், பேலாப்பூர், வாஷிக்கு மின்சார ரெயில்சேவை இருக்காது.

இதேபோல காலை 10.21 மணி முதல் பிற்பகல் 3.41 மணி வரை பன்வெல், பேலாப்பூர் மற்றும் வாஷியில் இருந்து சி.எஸ்.எம்.டி.க்கு ரெயில்கள் இயக்கப்படாது. எனினும் பராமரிப்பு பணிகள் நடைபெறும் நேரத்தில் சி.எஸ்.எம்.டி.– குர்லா, வாஷி– பன்வெல் இடையே சிறப்பு ரெயில்கள் இயக்கப்படும்.

இந்த தகவல் மத்திய ரெயில்வே வெளியிட்டுள்ள அறிக்கையில் தெரிவிக்கப்பட்டுள்ளது.