<
மோட்டார் சைக்கிள் மீது லாரி மோதல்: எலெக்ட்ரிக்கல் கடை மேலாளர் பலி
பல்லடம் அருகே மோட்டார் சைக்கிள் மீது லாரி மோதிய விபத்தில் எலெக்ட்ரிக்கல் கடை மேலாளர் பலியானார்.
பல்லடம்,
திருப்பூர் மாவட்டம் பொங்கலூர் சக்திநகரை சேர்ந்தவர் ஆனந்தன் (வயது 32). இவர் சக்திநகரில் உள்ள ஒரு எலெக்ட்ரிக்கல் கடையில் மேலாளராக பணியாற்றி வந்தார். மேலும் புதியதாக கட்டப்படும் வீடுகளுக்கு ஒப்பந்தம் எடுத்து எலெக்ட்ரிக்கல் வேலைகளையும் செய்து வந்தார்.
இந்த நிலையில் சம்பவத்தன்று ஆனந்தன் ஒரு மோட்டார்சைக்கிளில் பல்லடம் அருகே உள்ள கோடங்கிபாளையம் பிரிவில் சென்று கொண்டிருந்தார். அப்போது எதிரே வந்த டேங்கர் லாரி ஆனந்தன் ஓட்டி வந்த மோட்டார்சைக்கிளில் மோதியது.
இதில் தூக்கி வீசப்பட்டு சம்பவ இடத்திலேயே ஆனந்தன் பரிதாபமாக இறந்தார். இந்த விபத்து குறித்து தகவல் அறிந்த பல்லடம் போலீசார் சம்பவ இடத்திற்கு விரைந்து வந்து ஆனந்தனின் உடலை மீட்டு பிரேத பரிசோதனைக்காக பல்லடம் அரசு ஆஸ்பத்திரிக்கு அனுப்பி வைத்தனர். மேலும் விபத்து குறித்து வழக்குப்பதிவு செய்து விசாரணை நடத்தி வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
