தானேயில் 5 வயது சிறுமி கடத்தி கற்பழிப்பு மர்மஆசாமிக்கு வலைவீச்சு

தானே,

தானேயில் 5 வயது சிறுமியை கடத்தி கற்பழித்த மர்ம ஆசாமியை போலீசார் வலைவீசி தேடி வருகின்றனர்.

சிறுமி கற்பழிப்பு

தானே, கபூர்பாவ்டி பகுதியில் உள்ள பாழடைந்த கட்டிடத்தில் நேற்று முன்தினம் மதியவேலையில் 5 வயது சிறுமி ஒருவள் அழுது கொண்டு இருந்தாள். சத்தம் கேட்டு அங்கு வந்த ஒருவர் சிறுமியை மீட்டு போலீசில் ஒப்படைத்தார். போலீசார் சிறுமியை மருத்துவ பரிசோதனைக்கு அனுப்பினர். அப்போது அவள் கற்பழிக்கப்பட்டது தெரியவந்தது.

மர்மஆசாமிக்கு வலைவீச்சு

இதையடுத்து போலீசார் நடத்திய விசாரணையில், சிறுமி மும்பை பாண்டுப் பகுதியை சேர்ந்தவள் என்பது தெரியவந்தது. அவளை சம்பவத்தன்று மர்மஆசாமி பாண்டுப்பில் இருந்து தானேக்கு கடத்தி சென்றதும், அவர் கபூர்பாவ்டி பகுதியில் உள்ள பாழடைந்த கட்டிடத்தில் வைத்து சிறுமியை கற்பழித்துவிட்டு தப்பி சென்றதும் தெரியவந்தது.

இந்த சம்பவம் குறித்து வழக்குப்பதிவு செய்த போலீசார் சிறுமியின் பெற்றோர் யார்? என்பது குறித்து தீவிர விசாரணை நடத்தி வருகின்றனர். மேலும் சிறுமியை கடத்தி கற்பழித்த மர்மஆசாமியை வலைவீசி தேடி வருகின்றனர்.