<
காரில் கடத்தி வரப்பட்ட மதுபாட்டில்கள் பறிமுதல்
கோட்டக்குப்பம் அருகே காரில் கடத்தி வரப்பட்ட மதுபாட்டில்கள் பறிமுதல் செய்யப்பட்டன. இதுதொடர்பாக 2 பேரை போலீசார் கைது செய்தனர்.
விழுப்புரம்,
கோட்டக்குப்பத்தை அடுத்த பட்டானூர் சோதனைச்சாவடியில் நேற்று காலை போலீசார் தீவிர வாகன சோதனையில் ஈடுபட்டனர். அப்போது அந்த வழியாக புதுச்சேரி மார்க்கத்தில் இருந்து வேகமாக வந்த ஒரு காரை போலீசார் சந்தேகத்தின்பேரில் வழிமறித்து சோதனை செய்ததில் அந்த காரினுள் 384 மதுபாட்டில்கள் இருந்தது கண்டுபிடிக்கப்பட்டது.
இதையடுத்து அந்த காரில் இருந்த 2 பேரை பிடித்து போலீசார் விசாரணை நடத்தினர். விசாரணையில் அவர்கள் சேலம் மாவட்டம் சூரமங்கலத்தை சேர்ந்த வெங்கட்ராஜ் (வயது 32), நாமக்கல் மாவட்டம் அக்கரப்பட்டியை சேர்ந்த அல்லிமுத்து (35) என்பதும், புதுச்சேரியில் இருந்து சேலத்திற்கு மதுபாட்டில்களை கடத்தி சென்றபோது, பிடிபட்டதும் தெரியவந்தது.
இதனை தொடர்ந்து வெங்கட்ராஜ், அல்லிமுத்து ஆகிய இருவரையும் போலீசார் கைது செய்து அவர்களிடமிருந்த ரூ.70 ஆயிரம் மதிப்புள்ள மதுபாட்டில்களையும், கடத்தலுக்கு பயன்படுத்தப்பட்ட ரூ.4 லட்சம் மதிப்புள்ள காரையும் பறிமுதல் செய்து கோட்டக்குப்பம் மதுவிலக்கு அமல்பிரிவு போலீசில் ஒப்படைத்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
