தாடிக்கொம்பு சவுந்தரராஜ பெருமாள் கோவிலில் தேய்பிறை அஷ்டமி சொர்ண ஆகர்ஷண பைரவர் பூஜை: இளையராஜா சாமி தரிசனம்

தாடிக்கொம்பு, 

தாடிக்கொம்பு சவுந்தரராஜ பெருமாள் கோவிலில் பரிவார மூர்த்திகளில் ஒருவராக சொர்ண ஆகர்ஷண பைரவர் எழுந்தருளி உள்ளார். இவருக்கு ஒவ்வொரு மாதமும் தேய்பிறை அஷ்டமியில் 5 கால சிறப்பு பூஜைகள் நடத்தப்படுகின்றன. அதன்படி இந்த மாத தேய்பிறை அஷ்டமி சிறப்பு பூஜை நேற்று நடந்தது. பூஜையொட்டி சாமிக்கு சந்தனம், மஞ்சள், தேன், இளநீர், திருமஞ்சனப்பொடி, பால் உள்ளிட்ட அபிஷேகங்கள் செய்யப்பட்டது. இதன் பின்னர் ராஜ அலங்காரத்தில் சொர்ண ஆகர்ஷண பைரவர் எழுந்தருளினார். அப்போது பக்தர்கள் கோவிந்தா, கோவிந்தா என கோஷமிட்டப்படி சாமி தரிசனம் செய்தனர். இந்த சிறப்பு பூஜையில் இசை அமைப்பாளர் இளையராஜா மற்றும் தொழில் அதிபர்கள் உள்பட ஏராளமானவர்கள் கலந்துகொண்டனர்.