மாவட்ட செய்திகள்

மின் தகன மேடையில் மூதாட்டி உடலை எரிக்க தாமதமானதால் உடலை நடுரோட்டில் வைத்து உறவினர்கள் சாலை மறியல் + "||" + Due to the delay in burning the body of the brain on the e-fire platform, the relatives stir the road

மின் தகன மேடையில் மூதாட்டி உடலை எரிக்க தாமதமானதால் உடலை நடுரோட்டில் வைத்து உறவினர்கள் சாலை மறியல்

மின் தகன மேடையில் மூதாட்டி உடலை எரிக்க தாமதமானதால் உடலை நடுரோட்டில் வைத்து உறவினர்கள் சாலை மறியல்
திருப்பத்தூரில் மின் தகன மேடையில் மூதாட்டி உடலை எரிக்க தாமதமானதால் உடலை நடுரோட்டில் வைத்து உறவினர்கள் சாலை மறியலில் ஈடுபட்டனர்.
திருப்பத்தூர்,

திருப்பத்தூர் காமராஜர் நகர் பகுதியை சேர்ந்தவர் தங்கவேல். இவரது மனைவி கமலம்மாள் (வயது 55). இவர், நேற்று முன்தினம் இறந்துவிட்டார். அவரது உடலை பெரியார் நகர் பகுதியில் உள்ள நகராட்சி மின் தகன மேடையில் எரிக்க முடிவு செய்யப்பட்டது. அதற்காக ரூ.3 ஆயிரம் நகராட்சிக்கு கட்டணம் செலுத்தப்பட்டது.

அதைத்தொடர்ந்து நேற்று பிற்பகல் 2 மணிக்கு கமலம்மாள் உடல் மின் தகன மேடைக்கு கொண்டு செல்லப்பட்டது. அங்கு பணியில் இருந்தவர்கள் உடலை எரிக்காமல் காலம் தாழ்த்தி வந்தனர். இதுகுறித்து பணியில் இருந்தவர்களிடம் கேட்டபோது மின்சாரம் இல்லை என்றும், குறைந்த அழுத்த மின்சாரம் இருப்பதாகவும் கூறி காலம் கடத்தி வந்தனர். இரவு நேரமாகியும் உடலை எரிக்காததால் ஆத்திரம் அடைந்த உறிவினர்கள் கமலம்மாளின் உடலை கிருஷ்ணகிரி சாலைக்கு எடுத்து வந்து சாலையின் நடுவே வைத்து சாலை மறியல் போராட்டத்தில் ஈடுபட்டனர்.

இதுகுறித்து தகவல் அறிந்ததும் திருப்பத்தூர் டவுன் போலீஸ் இன்ஸ்பெக்டர் கவிதா, சப்–இன்ஸ்பெக்டர் அமர்நாத் மற்றும் போலீசார் அங்கு வந்து மறியலில் ஈடுபட்டவர்களிடம பேச்சுவார்த்தை நடத்தினர். அப்போது அவர்கள், தாசில்தார் மற்றும் நகராட்சி ஆணையாளர் வரும் வரை உடலை எடுக்க மாட்டோம் என கூறி தொடர்ந்து போராட்டத்தில் ஈடுபட்டனர்.

அதைத்தொடர்ந்து தாசில்தார் சத்தயமூர்த்தி, நகராட்சி ஆணையாளர் (பொறுப்பு) அசோக்குமார், துப்புரவு அலுவலர் விவேக் ஆகியோர் அங்கு வந்து பேச்சுவார்த்தை நடத்தினர். இதனையடுத்து போராட்டம் கைவிடப்பட்டது. பின்னர் கமலம்மாள் உடலை அந்த பகுதியில் உள்ள சுடுகாட்டில் எரிக்கப்பட்டது.

இந்த சம்பவத்தால் அந்த பகுதியில் பரபரப்பு ஏற்பட்டது.



தொடர்புடைய செய்திகள்

1. தாம்பரம் தனியார் கல்லூரியில் கூடைப்பந்து விளையாடிய மாணவி மயங்கி விழுந்து சாவு; மாணவ–மாணவிகள் உள்ளிருப்பு போராட்டம்
தாம்பரத்தில் தனியார் கல்லூரியில் கூடைப்பந்து விளையாடிய மாணவி மயங்கி விழுந்து இறந்தார். அதனை தொடர்ந்து மாணவ–மாணவிகள் கல்லூரிக்குள் உள்ளிருப்பு போராட்டம் நடத்தியதால் பரபரப்பு ஏற்பட்டது.
2. ஈரோடு கலெக்டர் வீட்டுக்கு இறந்த சிறுமியின் உடலை கொண்டு செல்ல முயன்றவர் கைது
இறந்த சிறுமியின் உடலை ஈரோடு கலெக்டர் வீட்டுக்கு கொண்டு செல்ல முயன்றவர் கைது செய்யப்பட்டார். போலீஸ் சோதனையை மீறி மோட்டார் சைக்கிளில் எடுத்து சென்றதால் பரபரப்பு ஏற்பட்டது.
3. ராமநாதபுரம் ஆஸ்பத்திரியில் இருந்து தப்பி ஓடிய கைதி குறித்து பரபரப்பு தகவல்; பல்வேறு வழக்குகளில் தொடர்புடையவர்
ராமநாதபுரத்தில் ஆஸ்பத்திரியில் சிகிச்சை பெற்று வந்த கைதி தப்பி ஓடினார். அவர் பல்வேறு பகுதிகளில் திருட்டு, வழிப்பறியில் ஈடுபட்ட திடுக்கிடும் தகவல் தெரியவந்துள்ளது.
4. கடத்தப்பட்ட நடிகர் பவர் ஸ்டார் சீனிவாசன் மனைவி ஊட்டியில் மீட்பு; 7 பேர் கைது
நடிகர் பவர் ஸ்டார் சீனிவாசனின் மனைவி கடத்தப்பட்டு, ஊட்டியில் சிறைவைக்கப்பட்டார். அவரை போலீசார் மீட்டனர். இதுதொடர்பாக 7 பேர் கைது செய்யப்பட்டனர்.
5. மோட்டார் சைக்கிளை போலீசார் பறிமுதல் செய்ததால் ஆத்திரம்: போலீஸ் நிலையம் முன்பு வாலிபர் தீக்குளிக்க முயன்றதால் பரபரப்பு
மதுபோதையில் தகராறில் ஈடுபட்டதால் போலீசார் வாலிபரின் மோட்டார் சைக்கிளை பறிமுதல் செய்தனர். இதனால் ஆத்திரம் அடைந்த அவர் விருகம்பாக்கம் போலீஸ் நிலையம் முன்பு தீக்குளிக்க முயன்றார்.