மாவட்ட செய்திகள்

சிகரெட் வாங்குவது போல் நடித்து பெண்ணிடம் 7½ பவுன் நகை பறிப்பு + "||" + 7½ pound jewelry flush to the girl acting as buying cigarettes

சிகரெட் வாங்குவது போல் நடித்து பெண்ணிடம் 7½ பவுன் நகை பறிப்பு

சிகரெட் வாங்குவது போல் நடித்து பெண்ணிடம் 7½ பவுன் நகை பறிப்பு
இரணியல் அருகே சிகரெட் வாங்குவது போல் நடித்து பெண்ணிடம் 7½ பவுன் நகையை மர்ம நபர் பறித்து சென்றார். இதுபோல், முளகுமூட்டில் வீட்டில் தூங்கி கொண்டிருந்த குழந்தையிடம் இருந்து 2 பவுன் தங்க சங்கிலியை மர்ம நபர் திருடி சென்றுள்ளார்.
அழகியமண்டபம்,

இரணியல்  அருகே உள்ள மாங்குழி பகுதியை சேர்ந்தவர் சார்லஸ் சேவியர். இவரது மனைவி சசிகலா (வயது 36). இவர் அந்த பகுதியில் பெட்டி கடை நடத்தி வருகிறார். சம்பவத்தன்று இரவு கடையில் அமர்ந்து வியாபாரம் செய்து கொண்டிருந்தார். அப்போது, ஒரு வாலிபர் மோட்டார் சைக்கிளில் வந்து சசிகலாவிடம் சிகரெட் வேண்டுமென்று கேட்டார்.


சசிகலா அதை எடுத்து கொடுத்த போது, அந்த நபர் திடீரென சசிகலாவின் கழுத்தில் கிடந்த 7½ பவுன் தங்க சங்கிலியை பறித்தார்.

 உடனே, சசிகலா ‘திருடன்... திருடன்...’ என கூச்சலிட்டார். அவரது சத்தம் கேட்டு அக்கம் பக்கத்தினர் ஓடி வந்தனர். அதற்குள் மர்ம நபர், மோட்டார் சைக்கிளில் ஏறி தப்பி சென்றுவிட்டார்.

இதுகுறித்து சசிகலா இரணியல் போலீஸ் நிலையத்தில் புகார் செய்தார். அந்த புகாரின் அடிப்படையில் போலீசார் வழக்குப்பதிவு செய்து சிகரெட் வாங்குவது போல் நடித்து நகை பறித்த மர்ம நபரை தேடி வருகிறார்கள்.

தக்கலை அருகே உள்ள முளகுமூடு தேரிவிளையை சேர்ந்தவர் பிராங்கிளின் ஜெஸ்டஸ் (வயது 45). இவர் தனது வீட்டில் குடும்பத்தினருடன் தூங்கி கொண்டிருந்தார். அப்போது, மர்ம நபர் ஒருவர் வீட்டின் பின்புற கதவை உடைத்து உள்ளே புகுந்தார். அவர் படுக்கை அறையில் தூங்கி கொண்டிருந்த குழந்தையின் கழுத்தில் கிடந்த 2 பவுன் தங்க சங்கிலியை திருடினார்.

அப்போது, திடீரென பிராங்கிளின் ஜெஸ்டஸ் கண் விழித்தார். அவர் மர்ம நபரை பார்த்து சத்தம் போட்டார். உடனே, அந்த நபர் தப்பி ஓடிவிட்டார்.

இதுகுறித்து பிராங்கிளின் ஜெஸ்டஸ் தக்கலை போலீஸ் நிலையத்தில் புகார் செய்தார். அந்த புகாரின்பேரில் போலீசார் வழக்குப்பதிவு செய்து மர்ம நபரை தேடி வருகிறார்கள்.

தொடர்புடைய செய்திகள்

1. கோவை அருகே ரூ.98 லட்சம் நகையை கொள்ளையடித்த கும்பல் அடையாளம் தெரிந்தது
ரூ.98 லட்சம் நகையை காருடன் கொள்ளையடித்த வழக்கில் கொள்ளை கும்பல் அடையாளம் தெரிந்தது. கொள்ளையர்கள் தப்பிச்செல்ல பயன்படுத்திய கார் மீட்கப்பட்டது. 5 பேரை பிடித்து போலீசார் விசாரணை நடத்தி வருகிறார்கள்.
2. ராசிபுரத்தில் தலைமை ஆசிரியர் வீட்டில் நகை, பணம் திருட்டு துணை போலீஸ் சூப்பிரண்டு விசாரணை
ராசிபுரத்தில் தலைமை ஆசிரியர் வீட்டில் 6 பவுன் நகை, ரூ.30 ஆயிரம் திருட்டு போனது. இது தொடர்பாக ராசிபுரம் துணை போலீஸ் சூப்பிரண்டு விஜயராகவன் நேரில் விசாரணை நடத்தினார்.
3. கிருஷ்ணகிரியில் பட்டப்பகலில் துணிகரம்: தலைமை ஆசிரியர் வீட்டில் ரூ.8 லட்சம் நகை, பணம் கொள்ளை
கிருஷ்ணகிரியில் அரசு பள்ளி தலைமை ஆசிரியர் வீட்டில் ரூ.8 லட்சம் மதிப்புள்ள நகை, பணத்தை மர்ம ஆசாமிகள் கொள்ளையடித்து சென்றனர். இது தொடர்பாக போலீசார் விசாரணை நடத்தி வருகிறார்கள்.
4. ஸ்கூட்டரில் சென்ற பெண்ணை தாக்கி 7 பவுன் நகை பறிப்பு 3 பேர் கும்பலுக்கு போலீஸ் வலைவீச்சு
ஈத்தாமொழி அருகே ஸ்கூட்டரில் சென்ற பெண்ணை தாக்கி 7 பவுன் நகையை பறித்து சென்ற 3 பேர் கும்பலை போலீசார் வலைவீசி தேடி வருகிறார்கள்.
5. காவேரிப்பட்டணம் அருகே 4 வீடுகளில் நகை, பணம் கொள்ளை
காவேரிப்பட்டணம் அருகே 4 வீடுகளில் நகை, பணத்தை மர்ம நபர்கள் கொள்ளையடித்து சென்றனர்.