மாவட்ட செய்திகள்

ஓடும் ரெயிலில் பயணியிடம் பணம் திருடிய 2 பெண்கள் கைது + "||" + Two girls arrested for stealing money

ஓடும் ரெயிலில் பயணியிடம் பணம் திருடிய 2 பெண்கள் கைது

ஓடும் ரெயிலில் பயணியிடம் பணம் திருடிய 2 பெண்கள் கைது
ஜோலார்பேட்டையில் ஓடும் ரெயிலில் பயணியிடம் பணம் திருடிய 2 பெண்களை போலீசார் கைது செய்தனர்.
ஜோலார்பேட்டை,

கர்நாடக மாநிலம் பெங்களூரு யஸ்வந்த்பூர் பகுதியை சேர்ந்தவர் சையத்சாதிக். இவரது மனைவி நையும்முனிசா (வயது 38). இவர் நேற்று காக்கிநாடா - பெங்களூரு நோக்கி செல்லும் காக்கிநாடா எக்ஸ்பிரஸ் ரெயிலில் குடியாத்தம் ரெயில் நிலையத்தில் 2-வது பொது பெட்டியில் ஏறி பெங்களூரு நோக்கி புறப்பட்டார்.


அந்த ரெயில் வாணியம்பாடி ரெயில் நிலையம் அருகே செல்லும்போது, அதே பெட்டியில் பயணம் செய்த 2 பெண்கள் நையும்முனிசா வைத்திருந்த கை பையை நைசாக திறந்து, அதிலிருந்த பணத்தை திருடினர். உடனடியாக நையும்முனிசா கூச்சலிடவே, சக பயணிகள் சுற்றி வளைத்து அந்த 2 பெண்களையும் பிடித்து ஜோலார்பேட்டை ரெயில்வே போலீஸ் நிலையத்தில் ஒப்படைத்தனர்.

அந்த பெண்களிடம் போலீசார் விசாரணை நடத்தியதில், கர்நாடக மாநிலம் பெங்களூரு யஸ்வந்த்பூரை சேர்ந்த கணேசன் மனைவி கவுதமி (40), அதே பகுதியை சேர்ந்த ஜெய் மனைவி ஆஷா (50) என தெரியவந்தது.

இதுகுறித்து ஜோலார்பேட்டை ரெயில்வே போலீசார் வழக்குப்பதிவு செய்து, கவுதமி, ஆஷா ஆகிய 2 பேரையும் கைது செய்து, திருப்பத்தூர் கோர்ட்டில் ஆஜர்படுத்தி சிறையில் அடைத்தனர். 


தொடர்புடைய செய்திகள்

1. கோவில் பூட்டை உடைத்து உண்டியல் பணம்-நகைகள் கொள்ளை மர்ம நபர்களுக்கு வலைவீச்சு
நீடாமங்கலம் அருகே கோவில் பூட்டை உடைத்து உண்டியல் பணம் மற்றும் நகையை கொள்ளையடித்து சென்ற மர்ம நபர்களை போலீசார் வலைவீசி தேடி வருகிறார்கள்.
2. தூத்துக்குடியில் குடோன் ஷட்டரை உடைத்து ரூ.46 லட்சம் முந்திரிக்கொட்டை திருட்டு ; மர்மநபர்களுக்கு வலைவீச்சு
தூத்துக்குடியில் குடோன் ஷட்டரை உடைத்து ரூ.46 லட்சம் மதிப்புள்ள முந்திரிக்கொட்டைகளை திருடி சென்ற மர்மநபர்களை போலீசார் வலைவீசி தேடி வருகின்றனர்.
3. தொப்பூர் அருகே பட்டப்பகலில் துணிகரம்: கூலித்தொழிலாளி வீட்டில் நகை, பணம் திருட்டு
தொப்பூர் அருகே பட்டப்பகலில் கூலித்தொழிலாளி வீட்டில் மர்ம நபர்கள் புகுந்து அங்கிருந்த நகை, பணத்தை திருடிச்சென்றனர்.
4. மளிகை கடையின் ஓட்டை பிரித்து பணம், பொருட்கள் திருட்டு மர்ம நபர்களுக்கு வலைவீச்சு
நீடாமங்கலம் அருகே மளிகைகடையின் ஓட்டை பிரித்து பணம் மற்றும் பொருட்களை திருடி சென்ற மர்ம நபர் களை போலீசார் வலைவீசி தேடி வருகின்றனர்.
5. பணம் திருடியதாக தாய் கண்டிப்பு: தற்கொலைக்கு முயன்ற இளம்பெண் கிணற்றுக்குள் உயிருக்கு போராட்டம்
ராஜாக்கமங்கலம் அருகே பணம் திருடியதாக தாய் கண்டித்ததால் கிணற்றில் குதித்து இளம்பெண் தற்கொலைக்கு முயன்றார். காயங்களுடன் உயிருக்கு போராடிய அவர் 2 நாட்களுக்கு பிறகு மீட்கப்பட்டார்.