மாவட்ட செய்திகள்

கிரானைட் குவாரிகளை நிரந்தரமாக மூட வேண்டும் கலெக்டரிடம் பொதுமக்கள் மனு + "||" + Public petition to the Collector to permanently close the granite quarries

கிரானைட் குவாரிகளை நிரந்தரமாக மூட வேண்டும் கலெக்டரிடம் பொதுமக்கள் மனு

கிரானைட் குவாரிகளை நிரந்தரமாக மூட வேண்டும் கலெக்டரிடம் பொதுமக்கள் மனு
சித்தம்பூண்டி பகுதியில் உள்ள கிரானைட் குவாரிகளை நிரந்தரமாக மூட வேண்டும் என வலியுறுத்தி அப்பகுதி பொதுமக்கள், கலெக்டரிடம் மனு கொடுத்தனர்.
நாமக்கல்,

பரமத்திவேலூர் தாலுகா சித்தம்பூண்டி, சுள்ளிப்பாளையம், சிறுப்பூலாம்பாளையம் உள்ளிட்ட கிராமங்களை சேர்ந்த பொதுமக்கள் நேற்று நாமக்கல் மாவட்ட கலெக்டர் அலுவலகம் திரண்டு வந்து, குறைதீர்க்கும் நாள் கூட்டத்தில் கலெக்டர் ஆசியா மரியத்திடம் கோரிக்கை மனு ஒன்றை கொடுத்தனர். அதில் அவர்கள் கூறியிருப்பதாவது:-


சுள்ளிப்பாளையம் கிராமத்தில் ஒரு கிரானைட் குவாரியும், அருகில் உள்ள சித்தம்பூண்டி கிராமத்தில் 3 கிரானைட் குவாரிகளும் உள்ளன. மேலும் பல குவாரிகள் புதிதாக தொடங்க விண்ணப்பம் செய்யப்பட்டு இருப்பதாக அறிகிறோம். இக்குவாரிகள் எங்களின் வாழ்வாதாரமான குடிநீர் மற்றும் விவசாயத்ை-யும், நிலத்தடி நீரையும் முற்றிலுமாக அழித்து விட்டன. இந்த குவாரிகளால் அங்குள்ள குடிநீரை குடிக்கும் மக்களுக்கும், கால்நடைகளுக்கும் பல்வேறு உடல்நல கோளாறுகள் ஏற்படுகிறது.

மேலும் கிரானைட் குவாரிகளில் வைக்கப்படும் சக்திவாய்ந்த வெடிகளால் அருகில் உள்ள எங்கள் வீடுகளில் விரிசல்கள் ஏற்பட்டு விட்டன. கிரானைட் குவாரிகளில் கற்களை வெடி வைத்து எடுப்பதால், அதன் மருந்துகள் நிலத்தடிநீரில் கலந்து நிலத்தடி நீரை மாசுப்படுத்தி விட்டது. எனவே இயற்கை வளங்களையும், எங்கள் ஊர் மக்களையும் காக்க அரசு எங்கள் பகுதிகளில் செயல்படும் கிரானைட் குவாரிகளை நிரந்தரமாக மூட வேண்டும். மேலும் புதிதாக குவாரிகள் தொடங்க அனுமதி அளிக்கக்கூடாது.

இவ்வாறு அந்த மனுவில் கூறி இருந்தனர். 


தொடர்புடைய செய்திகள்

1. கலெக்டர் அலுவலகம் முன்பு அவல் தயாரித்து விவசாயிகள் நூதன போராட்டம் நெல் கொள்முதல் செய்ய வலியுறுத்தல்
நெல் கொள்முதல் செய்ய வலியுறுத்தி தஞ்சை கலெக்டர் அலுவலகம் முன்பு அவல் தயாரித்து விவசாயிகள் நூதன போராட்டத்தில் ஈடுபட்டனர்.
2. இதய கோளாறால் அவதிப்படும் மாணவிக்கு உதவிக்கரம் நீட்டப்படுமா? கலெக்டர் அலுவலகத்தில் பெற்றோர் மனு
இதய கோளாறால் அவதிப்படும் 6-ம் வகுப்பு படிக்கும் தனது மகளுக்கு மாவட்ட நிர்வாகம் உதவிக்கரம் நீட்ட வேண்டும் என கரூர் கலெக்டர் அலுவலகத்தில் பெற்றோர் மனு கொடுத்தனர்.
3. தூத்தூர் ஊராட்சியில் முறையான அறிவிப்பு கொடுத்து கிராமசபை கூட்டத்தை நடத்த வேண்டும் பொதுமக்கள் மனு
தூத்தூர் ஊராட்சியில் முறையான அறிவிப்பு கொடுத்து கிராமசபை கூட்டத்தை நடத்த வேண்டும் என்று கலெக்டரிடம் பொதுமக்கள் மனு கொடுத்தனர்.
4. மாட்டு வண்டிகளில் மணல் எடுக்க தனி குவாரி கலெக்டரிடம், தொழிற் சங்கத்தினர் கோரிக்கை
மாட்டு வண்டிகளில் மணல் எடுக்க தனி குவாரி அமைத்து தரவேண்டும் என்று இந்திய தொழிற் சங்க மையம் சார்பில் மாவட்ட கலெக்டரிடம் கோரிக்கை விடுக்கப்பட்டுள்ளது.
5. குறைதீர்க்கும் நாள் கூட்டம்: வேங்கிடக்குளத்தில் தொடர்ந்து டாஸ்மாக் கடையை இயக்க கோரி பொதுமக்கள் மனு
புதுக்கோட்டையில் நடைபெற்ற மக்கள் குறைதீர்க்கும் நாள் கூட்டத்தில், வேங்கிடக்குளத்தில் தொடர்ந்து டாஸ்மாக் கடையை இயக்க கோரி பொதுமக்கள் மனு கொடுத்தனர்.