மாவட்ட செய்திகள்

ஸ்ரீலட்சுமிபுரத்தில் வசிப்பவர்களுக்கு இலவச வீட்டுமனை பட்டா வழங்க வேண்டும் ஊர்மக்கள் மனு + "||" + The petitioners have to provide free house patta for residents of SriLankummipuram

ஸ்ரீலட்சுமிபுரத்தில் வசிப்பவர்களுக்கு இலவச வீட்டுமனை பட்டா வழங்க வேண்டும் ஊர்மக்கள் மனு

ஸ்ரீலட்சுமிபுரத்தில் வசிப்பவர்களுக்கு இலவச வீட்டுமனை பட்டா வழங்க வேண்டும் ஊர்மக்கள் மனு
அஞ்சுகிராமம் ஸ்ரீலட்சுமிபுரத்தில் வசிப்பவர்களுக்கு இலவச வீட்டுமனை பட்டா வழங்க வேண்டும் என்று கோரி கலெக்டர் பிரசாந்த் வடநேரேவிடம் ஊர்மக்கள் மனு அளித்தனர்.
நாகர்கோவில்,

நாகர்கோவிலில் உள்ள மாவட்ட கலெக்டர் அலுவலகத்தில் வாரந்தோறும் திங்கட்கிழமை அன்று மக்கள் குறைதீர்க்கும் கூட்டம் நடப்பது வழக்கம். இதே போல நேற்றும் மக்கள் குறைதீர்க்கும் கூட்டம் கலெக்டர் அலுவலகத்தில் நடந்தது. கூட்டத்துக்கு கலெக்டர் பிரசாந்த் வடநேரே தலைமை தாங்கி பொதுமக்களிடம் இருந்து மனுக்களை பெற்றுக் கொண்டார்.


கூட்டத்தில் பங்கேற்று கோரிக்கை மனு அளிப்பதற்காக ஏராளமானோர் கலெக்டர் அலுவலகத்தில் திரண்டனர். பின்னர் இவர்கள் நீண்ட வரிசையில் நின்று மனுக்களை அளித்தனர். அப்போது அஞ்சுகிராமம் ஸ்ரீலட்சுமிபுரத்தை சேர்ந்த ஏராளமான பெண்கள் ஒரு மனு அளித்தனர். அந்த மனுவில் ‘நாங்கள் அஞ்சுகிராமம் ஸ்ரீலட்சுமிபுரத்தில் வசித்து வருகிறோம். எங்களுக்கு வீடோ, நிலமோ சொந்தமாக இல்லை. மிகவும் ஏழ்மை நிலையில் குடும்பம் நடத்துகிறோம். எனவே நாங்கள் வீடு கட்டிக்கொள்வதற்கு இலவச வீட்டுமனை பட்டா வழங்க வேண்டும்‘ என்று கூறப்பட்டுள்ளது.

தமிழ்நாடு ஆதிதிராவிடர் முன்னேற்ற இயக்கத்தின் நிறுவன தலைவர் ஜாண் விக்டர் தாஸ் தலைமையில் ஏராளமான பெண்கள் கூட்டாக வந்து ஒரு மனு அளித்தனர். அந்த மனுவில் கூறப்பட்டு இருப்பதாவது:-

குமரி மாவட்டத்தில் மகாத்மா காந்தி தேசிய ஊரக வேலைவாய்ப்பு உறுதி திட்டத்தின் கீழ் ஆயிரக்கணக்கான பெண்கள் வேலை பார்த்து வருகிறார்கள். இவர்களில் பலருக்கு சம்பளம் முறையாக வழங்கப்படவில்லை என்று குற்றம் சட்டப்பட்டுள்ளது. 3 முதல் 9 மாதம் வரை சம்பளம் பெறாமல் பணியாற்றுவதாக தெரிகிறது. குறிப்பாக தோவாளை தாலுகா நாவல்காடு அண்ணா காலனியை சேர்ந்த வசந்தா (வயது 55) என்பவருக்கு 37 நாட்களுக்கான சம்பளம் இன்னும் வழங்கப்படவில்லை.

இதுதொடர்பாக தோவாளை வட்டார வளர்ச்சி அலுவலகத்தில் புகார் தெரிவித்தோம். எனினும் வசந்தா வேலை செய்த நாட்களுக்கு சம்பளம் அளிக்கப்படவில்லை. இதை எல்லாம் பார்க்கும் போது அரசு பணி முடங்கி உள்ளது போன்றும், பணம் கையாடல் செய்யப்பட்டிருப்பது போன்றும் தெரிகிறது. எனவே இதுதொடர்பாக நடவடிக்கை எடுக்க வேண்டும். மேலும் மகாத்மா காந்தி தேசிய ஊரக வேலைவாய்ப்பு உறுதி திட்டத்தின் கீழ் பணியாற்றும் பெண்களுக்கு முறையாக சம்பளம் வழங்க வேண்டும்.

இவ்வாறு அதில் கூறப்பட்டுள்ளது. 

தொடர்புடைய செய்திகள்

1. இலங்கை கடற்படை அத்துமீறிய தாக்குதலில் பலியான ராமேசுவரம் மீனவர் உடலை யாழ்ப்பாணத்தில் இருந்து மீட்க வேண்டும் மீன்வளத்துறை அதிகாரியிடம், மகள் மனு
இலங்கை கடற்படையினரின் அத்துமீறிய தாக்குதலால் பலியான மீனவரின் உடலை யாழ்ப்பாணத்தில் இருந்து மீட்க வேண்டும் என்று அவருடைய மகள், மீன்வளத்துறை அதிகாரியிடம் மனு அளித்தார்.
2. ஐகோர்ட்டு உத்தரவுப்படி அருப்புக்கோட்டையில் ஊருணி ஆக்கிரமிப்புகள் அகற்றப்படாத நிலை; மாவட்ட நிர்வாகத்திடம் மனு கொடுத்தும் நடவடிக்கை இல்லை
அருப்புக்கோட்டையில் பொதுமக்கள் பயன்பாட்டில் இருந்த வன்னியர் ஊருணியில் ஆக்கிரமிப்புகளை அகற்றி மீண்டும் அதனை பொதுமக்கள் பயன்பாட்டிற்கு கொண்டு வர வேண்டும் என ஐகோர்ட்டு உத்தரவிட்ட பின்னரும், அதற்கான நடவடிக்கை ஏதும் எடுக்கப்படாத நிலை தொடர்கிறது.
3. படைப்புழு தாக்கிய பருத்தி செடிக்கு இழப்பீடு கேட்டு விவசாயிகள் கலெக்டரிடம் மனு
படைப்புழு தாக்கிய பருத்தி செடிகளுக்கு இழப்பீடு கேட்டு விவசாயிகள் மாவட்ட கலெக்டர் விஜயலட்சுமியிடம் மனு கொடுத்தனர்.
4. அன்னமங்கலம் கிராமத்தில் ஜல்லிக்கட்டு நடத்த அனுமதி கேட்டு இளைஞர்கள் கலெக்டரிடம் மனு
அன்னமங்கலம் கிராமத்தில் ஜல்லிக்கட்டு நடத்த அனுமதி கேட்டு இளைஞர்கள் கலெக்டரிடம் மனு அளித்தனர்.
5. குறைதீர்க்கும் நாள் கூட்டம்: குடிநீர் கேட்டு கலெக்டரிடம் பொதுமக்கள் மனு
கரூரில் நடந்த குறைதீர்க்கும் நாள் கூட்டத்தில் குடிநீர் கேட்டு கலெக்டரிடம் பொதுமக்கள் மனு கொடுத்தனர்.