மாவட்ட செய்திகள்

பிளஸ்-2 தேர்வு முடிவுகள் வெளியீடு மாவட்டத்தில் 83.35 சதவீதம் பேர் தேர்ச்சி + "||" + Plus -2 exam results output The district has 83.35 percent pass

பிளஸ்-2 தேர்வு முடிவுகள் வெளியீடு மாவட்டத்தில் 83.35 சதவீதம் பேர் தேர்ச்சி

பிளஸ்-2 தேர்வு முடிவுகள் வெளியீடு
மாவட்டத்தில் 83.35 சதவீதம் பேர் தேர்ச்சி
பிளஸ்-2 தேர்வில் விழுப்புரம் மாவட்டத்தில் 83.35 சதவீதம் பேர் தேர்ச்சி பெற்றனர்.
விழுப்புரம்

தமிழகத்தில் பிளஸ்-2 பொதுத்தேர்வு முடிவுகள் நேற்று வெளியானது. விழுப்புரம் மாவட்டத்தில் தேர்வு எழுதிய 39 ஆயிரத்து 539 மாணவ-மாணவிகளில் 32 ஆயிரத்து 955 பேர் தேர்ச்சி பெற்றனர். இது 83.35 சதவீத தேர்ச்சியாகும்.

கல்வி மாவட்ட வாரியாக தேர்ச்சி விகிதத்தை பார்க்கையில், திண்டிவனம் கல்வி மாவட்டத்தில் தேர்வு எழுதிய 7 ஆயிரத்து 160 மாணவர்கள் மற்றும் 7 ஆயிரத்து 691 மாணவிகளில் 5 ஆயிரத்து 307 மாணவர்களும், 6 ஆயிரத்து 781 மாணவிகளும் தேர்ச்சி பெற்றனர். இது 81.04 சதவீத தேர்ச்சி ஆகும்.

விழுப்புரம் கல்வி மாவட்டத்தில் 5 ஆயிரத்து 630 மாணவர்களும், 6 ஆயிரத்து 307 மாணவிகளும் ஆக மொத்தம் 11 ஆயிரத்து 937 மாணவ-மாணவிகள் தேர்வு எழுதினர். இவர்களில் 4 ஆயிரத்து 208 மாணவர்களும், 5 ஆயிரத்து 488 மாணவிகளும் என மொத்தம் 9 ஆயிரத்து 696 பேர் தேர்ச்சி பெற்றனர். இதன் தேர்ச்சி சதவீதம் 81.23 ஆகும்.

கள்ளக்குறிச்சி கல்வி மாவட்டத்தில் 6 ஆயிரத்து 601 மாணவர்களும், 6 ஆயிரத்து 150 மாணவிகளும் ஆக மொத்தம் 12 ஆயிரத்து 751 மாணவ- மாணவிகள் தேர்வு எழுதினர். இவர்களில் 5 ஆயிரத்து 614 மாணவர்களும், 5 ஆயிரத்து 557 மாணவிகளும் என மொத்தம் 11 ஆயிரத்து 171 பேர் தேர்ச்சி பெற்றனர். இதன் தேர்ச்சி சதவீதம் 87.61 ஆகும்.

முந்தைய கல்வி ஆண்டில் விழுப்புரம் மாவட்டத்தில் பிளஸ்-2 தேர்ச்சி விகிதம் 86.36 ஆக இருந்தது. ஆனால் இந்த கல்வி ஆண்டில் தேர்ச்சி விகிதமானது 83.35 ஆக குறைந்து உள்ளது. இது முந்தைய கல்வி ஆண்டுடன் ஒப்பிடுகையில் 3.01 சதவீதம் குறைவாகும். இதனால் மாநில தரவரிசை பட்டியலில் விழுப்புரம் மாவட்டம் கடைசி இடத்துக்கு தள்ளப்பட்டது.

கடந்த சில ஆண்டுகளாக பிளஸ்-2 பொதுத்தேர்வில் தேர்ச்சி சதவீதம் 1 முதல் 5 சதவீதம் வரை உயர்ந்து கொண்டே வந்தது. ஆனால் இந்த ஆண்டு தேர்ச்சி விகிதம் 3.01 சதவீதம் குறைந்துள்ளது பெற்றோர்கள் மத்தியில் பெரும் கவலையை ஏற்படுத்தி உள்ளது.


தொடர்புடைய செய்திகள்

1. பெரம்பலூர் மாவட்டத்தில் பிளஸ்-2 துணைத் தேர்வு எழுத தனித்தேர்வர்கள் இன்று முதல் விண்ணப்பிக்கலாம்
பெரம்பலூர் மாவட்டத்தில் பிளஸ்-2 துணைத்தேர்வு எழுத தனித்தேர்வர்கள் இன்று முதல் விண்ணப்பிக்கலாம்.
2. பிளஸ்-2வில் குறைந்த மதிப்பெண் பெற்றவர்கள் என்ன படிப்புகளை தேர்வு செய்யலாம்?
போட்டிகள் மிகுந்த இந்த உலகில், குறைந்த மதிப்பெண் பெறுவதை பல மாணவ மாணவிகள் அவமானமாக கருதுகிறார்கள். சிலர் விபரீத முடிவைத் தேடிக் கொள்கிறார்கள். அது தவறாகும்.
3. பிளஸ்-2 அரசு பொதுத்தேர்வில் தேனி மாவட்டத்தில் 95.41 சதவீதம் தேர்ச்சி
பிளஸ்-2 அரசு பொதுத்தேர்வில், தேனி மாவட்டத்தில் 95.41 சதவீதம் மாணவ-மாணவிகள் தேர்ச்சி பெற்று உள்ளனர். தமிழக அளவில் தேனி மாவட்டம் 9-வது இடத்தை தக்க வைத்துள்ளது.
4. பிளஸ்-2 தேர்வு முடிவு: மாவட்டத்தில் 30 பள்ளிகள் 100 சதவீதம் தேர்ச்சி
கடலூர் மாவட்டத்தில் பிளஸ்-2 பொதுத்தேர்வில் 30 பள்ளிகள் 100 சதவீதம் தேர்ச்சி பெற்றுள்ளது.