மாவட்ட செய்திகள்

குடிநீர் கேட்டு ஊராட்சி அலுவலகத்தை முற்றுகையிட்ட பொதுமக்கள் + "||" + The people who stormed the Panchayat office for drinking water

குடிநீர் கேட்டு ஊராட்சி அலுவலகத்தை முற்றுகையிட்ட பொதுமக்கள்

குடிநீர் கேட்டு ஊராட்சி அலுவலகத்தை முற்றுகையிட்ட பொதுமக்கள்
ஆண்டிப்பட்டி அருகே குடிநீர் கேட்டு ஊராட்சி அலுவலகத்தை பொதுமக்கள் முற்றுகையிட்டதால் பரபரப்பு ஏற்பட்டது.
ஆண்டிப்பட்டி

ஆண்டிப்பட்டி ஊராட்சி ஒன்றியத்துக்கு உட்பட்ட ஏத்தகோவில் ஊராட்சியில் 500-க்கும் மேற்பட்ட குடும்பங்கள் வசித்து வருகின்றன. இந்த கிராமத்துக்கு கடந்த சில மாதங்களாக முறையாக குடிநீர் வினியோகம் செய்யப்படவில்லை என்று கூறப்படுகிறது. இதுகுறித்து சம்பந்தப்பட்ட அதிகாரிகளிடம் பலமுறை கோரிக்கை விடுத்தும் எந்த நடவடிக்கையும் எடுக்கப்படவில்லை. இதனால் இந்த கிராமத்தை சேர்ந்த மக்கள் தண்ணீரை தேடி அலையும் சூழ்நிலை ஏற்பட்டுள்ளது. மேலும் தண்ணீரை விலைக்கு வாங்கி பயன்படுத்தும் நிலைக்கு தள்ளப்பட்டனர்.

இந்நிலையில் ஏத்தகோவில் கிராமத்துக்கு சீராக குடிநீர் வினியோகம் செய்ய வேண்டும், வைகை அணையில்- சேடப்பட்டி கூட்டுக்குடிநீர் திட்டத்தில் ஏத்த கோவில் கிராமத்தையும் சேர்க்க வேண்டும், குன்னூர் வைகை ஆறு கூட்டுக்குடிநீர் திட்டத்தில் ஏத்தகோவில் கிராமத்துக்கு நிரந்தரமாக குடிநீர் வழங்க வேண்டும், ஏத்தகோவில் ஊராட்சியில் உள்ள கண்மாய் மற்றும் குளங்களை தூர்வார வேண்டும் என்பது உள்ளிட்ட பல்வேறு கோரிக்கைகளை வலியுறுத்தி நூற்றுக்கணக் கான பொதுமக்கள் ஏத்தக்கோவில் ஊராட்சி அலுவலகத்தை முற்றுகையிட்டனர்.

இதுகுறித்து தகவல் கிடைத்ததும் ஊரக வளர்ச்சித்துறை அதிகாரிகள் மற்றும் ஒன்றிய அதிகாரிகள் விரைந்து வந்து பொதுமக்களிடம் பேச்சுவார்த்தை நடத்தினர். அப்போது ஏத்தக்கோவில் கிராமத்திற்கு முறையாக குடிநீர் வினியோகம் செய்ய நடவவிக்கை எடுக்கப்படும் என்று அதிகாரிகள் உறுதியளித்ததை தொடர்ந்து போராட்டத்தில் ஈடுபட்ட பொதுமக்கள் கலைந்து சென்றனர்.

அதிகாரிகள் அறிவித்தபடி குடிநீர் வினியோகம் செய்யாவிடில் போராட்டத்தை தீவிரப்படுத்துவோம் என்று பொதுமக்கள் அறிவித்துள்ளனர்.


தொடர்புடைய செய்திகள்

1. கீழையூரில் பழுதடைந்த வெள்ளையாற்று பாலம் சீரமைக்கப்படுமா? பொதுமக்கள் எதிர்பார்ப்பு
கீழையூரில் பழுதடைந்த வெள்ளையாற்று பாலத்தை சீரமைக்க வேண்டும் என பொதுமக்கள், வாகன ஓட்டிகள் எதிர்பார்த்துள்ளனர்.
2. வண்டலூர் பூங்காவில் பொதுமக்கள் பார்வைக்காக 7 வகை பறவையினங்கள்
வண்டலூர் பூங்காவில் பொதுமக்களின் பார்வைக்கு புதிதாக 7 வகை பறவையினங்கள் விடப்பட்டுள்ளன.
3. முதல்-அமைச்சர் அறிவித்தபடி திருச்சி கொட்டப்பட்டில் பஸ் நிலையம் அமைக்கப்படாதது ஏன்? பொதுமக்கள் கேள்வி
திருச்சி கொட்டப்பட்டில் ஒருங்கிணைந்த பஸ் நிலையம் அமைக்கப் படும் என்ற முதல்- அமைச்சரின் அறிவிப்பு ஒரு ஆண்டாகியும் செயல்படுத்தப்படவில்லை. இதனால் இந்த திட்டம் கைவிடப்பட்டதா? என்று பொதுமக்கள் கேள்வி எழுப்பி உள்ளனர்.
4. கும்மிடிப்பூண்டி பஜாரில் மதுக்கடையை மூடக்கோரி பொதுமக்கள் மீண்டும் முற்றுகை
கும்மிடிப்பூண்டி பஜாரில் புதிதாக திறக்கப்பட்ட மதுக்கடையை மூடக்கோரி பொதுமக்கள் மீண்டும் முற்றுகை போராட்டத்தில் ஈடுபட்டனர்.
5. கூட்டு குடிநீர் குழாய் உடைந்து வீணாகும் தண்ணீர் நடவடிக்கை எடுக்க பொதுமக்கள் கோரிக்கை
வாய்மேடு அருகே கூட்டு குடிநீர் குழாய் உடைந்து வீணாக செல்லும் தண்ணீரை உடனே சீரமைக்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.