மாவட்ட செய்திகள்

பால்வள துணைப்பதிவாளர் அலுவலகம் முற்றுகை பூட்டு போட்டதால் பரபரப்பு + "||" + The office of the Palavala Sub Inspector's office locked the lock

பால்வள துணைப்பதிவாளர் அலுவலகம் முற்றுகை பூட்டு போட்டதால் பரபரப்பு

பால்வள துணைப்பதிவாளர் அலுவலகம் முற்றுகை பூட்டு போட்டதால் பரபரப்பு
பொய்கை பால்வள துணைப்பதிவாளர் அலுவலகத்தை கறவை மாட்டின் உரிமையாளர்கள் முற்றுகையிட்டு பூட்டு போட்டதால் பரபரப்பு ஏற்பட்டது.
அணைக்கட்டு,

அணைக்கட்டு ஒன்றியத்துக்கு உட்பட்ட கீழ்கொத்தூரில் பால் உற்பத்தியாளர்கள் கூட்டுறவு சங்கம் உள்ளது. இதில் 200 பேர் உறுப்பினர்களாக உள்ளனர். இந்த சங்கத்தில் இருந்து நாள் ஒன்றுக்கு 2 ஆயிரம் லிட்டர் பால் ஆவினுக்கு அனுப்பப்படுகிறது.


வாரத்துக்கு ஒருமுறை பில் பணம் வழங்கவேண்டும். ஆனால் 9 வாரங்களாக பில் பணம் வழங்கப்படவில்லை. ஆவினில் இருந்து ரூ.30 லட்சத்துக்கு பில் பணம் பாக்கி வரவேண்டியுள்ளது. கூட்டுறவு பால் சங்கத்துக்கு 2-ம் கட்டத் தேர்தல் நடந்தது. அப்போது தலைவராக வேலு என்பவர் தேர்வு செய்யப்பட்டார்.

தலைவர் பெயரிலோ அல்லது கூட்டுறவு சங்க தனி அலுவலர் பெயரிலோ 1½ மாதமாக பில் வழங்கப்படவில்லை. கறவை மாடுகள் வளர்ப்பவர்களோ பில் பணம் எங்கே என்று தலைவர் மற்றும் செயலாளரிடம் கேட்டு வந்தனர். அவர்களோ இன்னும் மேலிடத்தில் இருந்து பணம் வரவில்லை என்று கூறி வந்தனர்.

இதனால் ஆத்திரமடைந்த கறவை மாடு வளர்ப்பவர்கள் கீழ்கொத்தூர் பால் உற்பத்தியாளர்கள் கூட்டுறவு சங்கத்தை நேற்று முன்தினம் முற்றுகையிட்டு ஆர்ப்பாட்டம் செய்தனர்.

அதைத்தொடர்ந்து நேற்று காலை 10 மணிக்கு கறவை மாட்டின் உரிமையாளர்கள் சுமார் 200 பேர் பொய்கை பகுதியில் உள்ள பால்வள துணைப்பதிவாளர் அலுவலகத்தை முற்றுகையிட்டு போராட்டதில் ஈடுபட்டனர்.

அப்போது பால்வள துணைப்பதிவாளர் விஷ்வேஸ்வரன் அலுவலகத்தில் இல்லாததால் ஆத்திரமடைந்த கறவை மாட்டின் உரிமையாளர்கள் அலுவலகத்தை பூட்டி ஆர்ப்பாட்டத்தில் ஈடுபட்டனர். இதனால் அங்கு பரபரப்பு ஏற்பட்டது.

அப்போது அலுவலகத்தில் இருந்த மற்ற ஊழியர்கள் அதிகாரி இன்று விடுப்பில் சென்றுள்ளார் என்றனர்.

அதற்கு மாட்டின் உரிமையாளர்கள் எங்களை ஏமாற்ற வேண்டும் என்பதற்காகவே அவர் அலுவலகத்திற்கு வரவில்லை. இன்னும் 2 நாட்களில் எங்களுக்கு சேர வேண்டிய ரூ.30 லட்சத்தை வழங்கவில்லை என்றால் கறவைமாடுகளுடன் பொய்கை தேசிய நெடுஞ்சாலையில் அமர்ந்து சாலை மறியல் செய்வோம் என்று எச்சரிக்கை விடுத்தனர். அதன்பிறகு அனைவரும் கலைந்து சென்றனர்.



தொடர்புடைய செய்திகள்

1. நூற்பாலையில் வேலை செய்த இளம்பெண் திடீர் சாவு; உடலை வாங்க உறவினர்கள் மறுத்ததால் பரபரப்பு
நூற்பாலையில் வேலை செய்த இளம் பெண் திடீரென இறந்தார். அவருடைய உடலை வாங்க உறவினர்கள் மறுத்ததால் பரபரப்பு ஏற்பட்டது.
2. போலீசார் தடியடி நடத்தியதை கண்டித்து கேரளாவில் முழு அடைப்பு போராட்டம்; கல்வீச்சில் 30 பஸ்கள் சேதம்
போலீசார் தடியடி நடத்தியதை கண்டித்து கேரளாவில் முழு அடைப்பு போராட்டம் நடைபெற்றது. போராட்டக்காரர்கள் கல்வீசி தாக்கியதில் 30 அரசு பஸ்கள் சேதம் அடைந்தன. மர்ம ஆசாமிகள் கர்ப்பிணியை தாக்கியதால் பரபரப்பு ஏற்பட்டது.
3. கவர்னரின் காரை வழிமறித்து மாணவர்கள் திடீர் போராட்டம்; சட்டக்கல்லூரியில் பரபரப்பு
புதுவை சட்டக்கல்லூரியில் கவர்னரின் காரை வழிமறித்து மாணவர்கள் திடீர் போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது.
4. தனியார் நிதி நிறுவன ஊழியரை தாக்கி பணம் பறிப்பு: 4 முகமூடி கொள்ளையர்கள் கைது
தனியார் நிதி நிறுவன ஊழியரை தாக்கி கொள்ளையடித்த பரபரப்பு சம்பவம் கண்காணிப்பு கேமராவில் சினிமா காட்சி போல் பதிவாகி இருந்தன. இதுதொடர்பாக முகமூடி கொள்ளையர்கள் 4 பேரை போலீசார் கைது செய்தனர்.
5. பயணிகளை மிரட்டி கீழே இறக்கிவிட்டு ஓடும் பஸ்சில் கல்லூரி மாணவருக்கு சரமாரி அரிவாள் வெட்டு
காளையார்கோவில் அருகே ஓடும் பஸ்சை மறித்து நிறுத்தி பயணிகளை கீழே இறக்கி விட்டு, கல்லூரி மாணவர் ஒருவரை சரமாரியாக வெட்டிய மர்ம கும்பலை போலீசார் தேடி வருகின்றனர்.