மாவட்ட செய்திகள்

சேலம் அரசு கலைக்கல்லூரியில் 8 நாட்களில் 3,600 விண்ணப்பங்கள் வினியோகம் + "||" + Salem Government Arts College 3,600 applications are supplied in 8 days

சேலம் அரசு கலைக்கல்லூரியில் 8 நாட்களில் 3,600 விண்ணப்பங்கள் வினியோகம்

சேலம் அரசு கலைக்கல்லூரியில் 8 நாட்களில் 3,600 விண்ணப்பங்கள் வினியோகம்
சேலம் அரசு கலைக்கல்லூரியில் கடந்த 8 நாட்களில் 3,600 விண்ணப்பங்கள் வினியோகம் செய்யப்பட்டன.
சேலம்,

சேலம் அரசு கலைக்கல்லூரியில் பி.ஏ. தமிழ், ஆங்கிலம், வரலாறு, பி.எஸ்.சி. கணிதம், இயற்பியல், வேதியியல், தாவரவியல், விலங்கியல், புவியமைப்பியல், புவியியல், கணினிபொறி அறிவியல், பி.காம். வணிகவியல், பி.பி.ஏ., உள்ளிட்ட 19 இளங்கலை பட்டப்படிப்புகள் உள்ளன. இந்த பாடப்பிரிவுகளில் 1,538 இடங்கள் உள்ளன.


2018-2019-ம் கல்வியாண்டிற்கு இளங்கலை பட்டப்படிப்பு மாணவர் சேர்க்கைக்கான விண்ணப்ப வினியோகம் கடந்த 10-ந் தேதி முதல் தொடங்கி நடைபெற்று வருகிறது. கல்லூரி வேலை நாட்களில் காலை 10.30 மணி முதல் மாலை 4 மணி வரை விண்ணப்பங்கள் வினியோகம் செய்யப்படுகிறது.

இந்தநிலையில் நேற்று முன்தினம் தமிழகத்தில் பிளஸ்-2 தேர்வு முடிவுகள் வெளியிடப்பட்டன. இதையடுத்து மாணவ, மாணவிகள் தங்களுடைய மதிப்பெண் அடிப்படையில் எந்த பாடத்தை தேர்வு செய்து படிக்கலாம் என்பதை முடிவு செய்தனர். இதனால் வழக்கமான நாட்களை விட தேர்வு முடிவுகள் வெளி வந்தபின்பு கல்லூரியில் விண்ணப்பங்கள் வாங்குவதற்காக மாணவர்கள் குவிந்தனர். இதையடுத்து அவர்கள் வரிசையில் நின்று ஆர்வமாக விண்ணப்பங்களை வாங்கி சென்றனர்.

இதுகுறித்து கல்லூரி நிர்வாகத்தினர் கூறுகையில், இளங்கலை பாடபிரிவுகளுக்கான விண்ணப்ப வினியோகம் தொடங்கி நடைபெற்று வருகிறது. இந்த விண்ணப்பங்கள் வருகிற 30-ந் தேதி விடுமுறை நாட்கள் தவிர்த்து வழங்கப்படும். கடந்த 8 நாட்களில் 3 ஆயிரத்து 600 விண்ணப்பங்கள் வினியோகம் செய்யப்பட்டுள்ளன. ஜூன் 6-ந் தேதி தொடங்கி 13-ந் தேதி வரை ஒவ்வொரு பிரிவுகளுக்கும் தனித்தனியாக கலந்தாய்வு நடைபெறும் என்றனர்.

தொடர்புடைய செய்திகள்

1. சேலம் கோட்டைபெண்கள் மேல்நிலைப்பள்ளியில் ரூ.30½ லட்சத்தில் கூடுதல் வகுப்பறை கட்டிடம் வக்கீல் ராஜேந்திரன் எம்.எல்.ஏ. திறந்து வைத்தார்
சேலம் வடக்கு சட்டமன்ற தொகுதி உறுப்பினர் நிதியில் இருந்து ரூ.54¼ லட்சம் மதிப்பில் தொகுதிக்குட்பட்ட பகுதியில் பல்வேறு திட்டப்பணிகள் தொடங்கப்பட்டு நிறைவடைந்துள்ளன.
2. சேலம்: ஆம்னி பேருந்து கவிழ்ந்து விபத்து ஒருவர் பலி - பலர் காயம்
சேலம் அருகே ஆம்னி பேருந்து கவிழ்ந்து விபத்துக்குள்ளானதில் ஒருவர் பலியானதுடன் பலர் காயம் அடைந்தனர்.
3. சேலத்தில், ரூ.5 லட்சத்தில் மகளிருக்கான நடமாடும் கழிவறை வாகனம் - மாநகராட்சி ஆணையாளர் தொடங்கி வைத்தார்
சேலத்தில் ரூ.5 லட்சத்தில் மகளிருக்கான நடமாடும் கழிவறை வாகனத்தை மாநகராட்சி ஆணையாளர் சதீஷ் தொடங்கி வைத்தார்.
4. சேலத்தில் தனியார் நிறுவன ஊழியர் வீட்டில் நகை, வெள்ளி பொருட்கள் திருட்டு - 2 ஆண்டுகளுக்கு பிறகு போலீசில் புகார்
சேலத்தில் தனியார் நிறுவன ஊழியர் வீட்டில் நகை, வெள்ளி பொருட்கள் கடந்த 2 ஆண்டுகளுக்கு முன்பு திருட்டு போனது. இது குறித்து தற்போது புகார் கொடுக்கப்பட்டதன் பேரில் போலீசார் விசாரணை நடத்தி வருகின்றனர்.
5. சேலம் அண்ணாபூங்கா மணிமண்டபத்தில் உள்ள எம்.ஜி.ஆர். சிலைக்கு மாலை அணிவித்து மரியாதை கலெக்டர், எம்.பி., எம்.எல்.ஏ.க்கள் பங்கேற்பு
சேலம் அண்ணாபூங்கா மணிமண்டபத்தில் உள்ள எம்.ஜி.ஆர். சிலைக்கு மாலை அணிவித்து மரியாதை செலுத்தப்பட்டது. இதில் கலெக்டர், எம்.பி., எம்.எல்.ஏ.க்கள் பங்கேற்றனர்.

ஆசிரியரின் தேர்வுகள்...