மாவட்ட செய்திகள்

ரூ.8¼ லட்சம் கடத்தல் தங்கம் பறிமுதல் மலேசிய பெண் சிக்கினார் + "||" + Malaysian woman trapped gold smuggling worth Rs 8 lakh

ரூ.8¼ லட்சம் கடத்தல் தங்கம் பறிமுதல் மலேசிய பெண் சிக்கினார்

ரூ.8¼ லட்சம் கடத்தல் தங்கம் பறிமுதல் மலேசிய பெண் சிக்கினார்
திருச்சி விமான நிலையத்தில் ரூ.8 ¼ லட்சம் கடத்தல் தங்கம் பறிமுதல் செய்யப்பட்டது. இதுதொடர்பாக மலேசிய பெண்ணிடம் அதிகாரிகள் விசாரணை நடத்தி வருகின்றனர்.
செம்பட்டு,

திருச்சி விமான நிலையத்தில் இருந்து மலேசியா, கொழும்பு, சென்னை போன்ற முக்கிய நகரங்களுக்கு விமானங்கள் இயக்கப்பட்டு வருகிறது. அவ்வாறு இயக்கப்படும் விமானங்களில் ஒரு சிலர் தங்கம், வெளிநாட்டு கரன்சிகள் போன்றவற்றை கடத்தி வருகின்றனர். இதனால், விமான நிலைய வான் நுண்ணறிவு பிரிவு அதிகாரிகள் பயணிகளை தீவிரமாக சோதனை செய்த பிறகே வெளியே செல்ல அனுமதிக்கின்றனர்.


அந்த வகையில் கடந்த சில நாட்களுக்கு முன்பு அமெரிக்க டாலர் கடத்தி வரப்பட்டது கண்டுபிடிக்கப்பட்டது. மேலும், ரூ.80 லட்சம் மதிப்புள்ள தங்கம் கடத்தி வந்ததாக மலேசிய பெண் உள்பட 2 பேர் சிக்கினர்.

இந்நிலையில், மலேசியாவிலிருந்து நேற்று காலை திருச்சி வந்த தனியார் விமானம் ஒன்றில் வந்த பயணிகளை சுங்கத்துறை வான் நுண்ணறிவு பிரிவு அதிகாரிகள் சோதனை செய்தனர். அப்போது மலேசியாவை சேர்ந்த தேவசுபத்ரா என்ற பெண் தனது உள்ளாடையில் மறைத்து 268 கிராம் தங்கத்தை கடத்தி வந்தது தெரிய வந்தது. அதன் மதிப்பு ரூ.8¼ லட்சம் இருக்கும் என்று அதிகாரிகள் தெரிவித்தனர். அந்த பெண்ணிடம் அதிகாரிகள் தொடர்ந்து விசாரணை நடத்தி வருகின்றனர். 


தொடர்புடைய செய்திகள்

1. குவைத், மலேசியாவில் இருந்து சென்னைக்கு கடத்தி வரப்பட்ட 3 கிலோ தங்கம் பறிமுதல்; ஒருவர் கைது
குவைத், மலேசியாவில் இருந்து சென்னைக்கு கடத்தி வரப்பட்ட 3 கிலோ தங்கத்தை சுங்க இலாகா அதிகாரிகள் பறிமுதல் செய்தனர். இது தொடர்பாக ஒருவரை கைது செய்தும் மற்ற 3 பேரிடம் விசாரணையும் நடத்தி வருகின்றனர்.
2. பனைக்குளம் நதிப்பாலத்தில் பெண்ணிடம் 9 பவுன் நகை பறிப்பு; தடுக்க முயன்ற கணவருக்கு அரிவாள் வெட்டு
பனைக்குளம் நதிப்பாலத்தில் மர்மநபர்கள் பெண்ணிடம் 9 பவுன் நகையை மர்மநபர்கள் பறித்துச்சென்றுவிட்டனர். தடுக்க முயன்ற கணவரை அரிவாளால் வெட்டிவிட்டு தப்பி ஓடிவிட்டனர்.
3. வனவிலங்குகளை வேட்டையாட முயன்றவர் கைது நாட்டுத்துப்பாக்கி பறிமுதல்
அஞ்செட்டி அருகே வனவிலங்குகளை வேட்டையாட முயன்றவரை வனத்துறையினர் கைது செய்தனர். அவரிடம் இருந்து நாட்டுத்துப்பாக்கி பறிமுதல் செய்யப்பட்டது.
4. பாரா ஆசிய விளையாட்டு போட்டி: கடைசி நாளில் இந்தியாவுக்கு மேலும் 2 தங்கம்
பாரா ஆசிய விளையாட்டு போட்டியில் கடைசி நாளான நேற்று இந்தியா மேலும் 2 தங்கப்பதக்கம் வென்றது.
5. நம்பியூர் பகுதி கடைகளில் அதிகாரிகள் ஆய்வு தடைசெய்யப்பட்ட பிளாஸ்டிக் பொருட்கள் பறிமுதல்
நம்பியூர் பகுதி கடைகளில் அதிகாரிகள் நடத்திய ஆய்வில், தடைசெய்யப்பட்ட பிளாஸ்டிக் பொருட்கள் கண்டுபிடிக்கப்பட்டு பறிமுதல் செய்யப்பட்டன.