மாவட்ட செய்திகள்

வேலூர் கோர்ட்டில் 145 கண்காணிப்பு கேமராக்கள் பொருத்தம் + "||" + 145 surveillance cameras in Vellore court

வேலூர் கோர்ட்டில் 145 கண்காணிப்பு கேமராக்கள் பொருத்தம்

வேலூர் கோர்ட்டில் 145 கண்காணிப்பு கேமராக்கள் பொருத்தம்
வேலூர் மாவட்டத்தில் உள்ள கோர்ட்டுகளில் 500 கண்காணிப்பு கேமராக்கள் பொருத்தப்படுகிறது. முதல் கட்டமாக வேலூர் கோர்ட்டில் 145 கேமராக்கள் பொருத்தும் பணி நடைபெற்று வருகிறது.
வேலூர்,

பாதுகாப்பு காரணங்களுக்காக தமிழ்நாட்டில் உள்ள அனைத்து கோர்ட்டுகளிலும் கண்காணிப்பு கேமராக்கள் பொருத்த ஐகோர்ட்டு உத்தரவிட்டுள்ளது. அதன்பேரில் அனைத்து கோர்ட்டுகளிலும் கண்காணிப்பு கேமராக்கள் பொருத்த நடவடிக்கை எடுக்கப்பட்டுள்ளது.


முதல் கட்டமாக சேலம் மாவட்டத்தில் உள்ள அனைத்து கோர்ட்டுகளிலும் கண்காணிப்பு கேமராக்கள் பொருத்தப்பட்டு நடைமுறைக்கு கொண்டு வரப்பட்டுள்ளது.

அதைத்தொடர்ந்து தற்போது வேலூர் மாவட்டத்தில் உள்ள கோர்ட்டுகளிலும் கண்காணிப்பு கேமராக்கள் பொருத்த நடவடிக்கை எடுக்கப்பட்டு அதற்கான பணிகள் நடைபெற்று வருகிறது.

வேலூர் மாவட்டத்தில் வேலூர், அரக்கோணம், வாலாஜா, ஆற்காடு, காட்பாடி, குடியாத்தம், திருப்பத்தூர் என அனைத்து பகுதிகளிலும் உள்ள கோர்ட்டுகளில் கண்காணிப்பு கேமராக்கள் பொருத்தப்படுகிறது.

வேலூர் மாவட்டத்தில் முதல் கட்டமாக வேலூர் சத்துவாச்சாரியில் உள்ள ஒருங்கிணைந்த கோர்ட்டு வளாகத்தில் கண்காணிப்பு கேமராக்கள் பொருத்தப்படுகிறது. இங்கு புதிய கோர்ட்டு கட்டிடம், பழைய கோர்ட்டு கட்டிடம் என 2 கட்டிடங்களில் 20-க்கும் மேற்பட்ட கோர்ட்டுகள் செயல்பட்டு வருகிறது.

இந்த கோர்ட்டு அரங்குகள், கோர்ட்டுக்கு வெளிப்பகுதி, வாகன நிறுத்தங்கள், கோர்ட்டு நுழைவு வாயில்கள் என அனைத்துப் பகுதிகளிலும் 145 கண்காணிப்பு கேமராக்கள் பொருத்தப்படுகிறது. இதில் பெரும்பாலான கேமராக்கள் பொருத்தப்பட்டு விட்டன. அதேபோன்று மாவட்டம் முழுவதும் உள்ள கோர்ட்டுகளிலும் சேர்த்து மொத்தம் 500 கண்காணிப்பு கேமராக்கள் பொருத்தப்படுகிறது.

இந்த பணிகள் இன்னும் ஒரு மாதத்தில் முடிவடைந்து நடைமுறைக்கு கொண்டு வரப்படும் என்று அதிகாரிகள் தெரிவித்தனர்.



தொடர்புடைய செய்திகள்

1. திருமானூர் கொள்ளிடம் ஆற்றில் அமைக்கப்பட்ட மணல் குவாரியில் கண்காணிப்பு குழுவினர் மீண்டும் ஆய்வு
திருமானூர் கொள்ளிடம் ஆற்றில் அமைக்கப்பட்ட அரசு மணல் குவாரியை உயர்நீதிமன்றத்தால் நியமிக்கப்பட்ட கண்காணிப்பு குழுவினர் நேற்று மீண்டும் ஆய்வு செய்தனர்.
2. மாவட்டத்தில் குற்றங்களை தடுக்க 11 இடங்களில் கண்காணிப்பு கேமரா அமைச்சர் தொடங்கி வைத்தார்
நாமக்கல் மாவட்டத்தில் குற்றங்களை தடுக்கவும், வாகன போக்குவரத்தை கண்காணிக்கவும் 11 இடங்களில் கண்காணிப்பு கேமரா பொருத்தப்பட்டு உள்ளது. இவற்றின் இயக்கத்தை அமைச்சர் தங்கமணி நேற்று தொடங்கி வைத்தார்.
3. 54 இடங்களில் பொருத்தப்பட்ட கண்காணிப்பு கேமரா செயல்பாட்டை போலீஸ் சூப்பிரண்டு தொடங்கி வைத்தார்
திருவாரூரில் 54 இடங்களில் பொருத்தப்பட்ட கண்காணிப்பு கேமராக்களின் செயல்பாட்டை மாவட்ட போலீஸ் சூப்பிரண்டு மயில்வாகனன் தொடங்கி வைத்தார்.
4. வனப்பகுதியில் குற்றங்களை தடுக்க வனத்துறை அதிகாரிகள் தீவிர ரோந்து பணி
சித்தேரி வனப்பகுதிகளில் குற்றங்களை தடுக்கும் வகையில் வனத்துறை அதிகாரிகள் தீவிர ரோந்து பணியில் ஈடுபட்டனர்.