மாவட்ட செய்திகள்

சுங்கச்சாவடியை சேதப்படுத்திய வழக்கு: வேல்முருகனுக்கு, 22–ந் தேதி வரை காவல் நீட்டிப்பு + "||" + Case of damaged customs duty: Valmurugan's police extension

சுங்கச்சாவடியை சேதப்படுத்திய வழக்கு: வேல்முருகனுக்கு, 22–ந் தேதி வரை காவல் நீட்டிப்பு

சுங்கச்சாவடியை சேதப்படுத்திய வழக்கு: வேல்முருகனுக்கு, 22–ந் தேதி வரை காவல் நீட்டிப்பு
சுங்கச்சாவடியை சேதப்படுத்திய வழக்கில் வேல்முருகனுக்கு 22–ந் தேதி வரை காவல் நீட்டிப்பு என உளுந்தூர்பேட்டை முதலாவது நீதித்துறை நடுவர் நீதிமன்ற நீதிபதி உத்தரவிட்டார்.

விழுப்புரம்,

காவிரி மேலாண்மை வாரியம் அமைக்க நடவடிக்கை எடுக்காத மத்திய அரசை கண்டித்து விழுப்புரம் மாவட்டம் உளுந்தூர்பேட்டை செங்குறிச்சியில் உள்ள சுங்கச்சாவடியை கடந்த ஏப்ரல் மாதம் 1–ந் தேதி தமிழக வாழ்வுரிமை கட்சி தலைவர் வேல்முருகன் தலைமையில் கட்சியினர் முற்றுகையிட்டு போராட்டம் நடத்தினர். அப்போது சுங்கச்சாவடி அடித்து நொறுக்கி சேதப்படுத்தப்பட்டது.

இது தொடர்பான வழக்கில் கடந்த 26–ந் தேதி கைது செய்யப்பட்ட வேல்முருகன், நீதிமன்ற காவலில் சென்னை புழல் சிறையில் அடைக்கப்பட்டார். இவருடைய நீதிமன்ற காவல் முடிவடைந்ததை தொடர்ந்து, உளுந்தூர்பேட்டை கோர்ட்டில் ஆஜர்படுத்துவதற்காக போலீசார் வேல்முருகனை நேற்று அழைத்து சென்றனர்.

ஆனால் உளுந்தூர்பேட்டை நீதிபதி, விழுப்புரம் கலெக்டர் அலுவலகத்தில் நடந்த கூட்டத்தில் பங்கேற்றதால் அவர் கேட்டுக்கொண்டதன் பேரில் வேல்முருகனை போலீசார், விழுப்புரம் கோர்ட்டில் ஆஜர்படுத்தினர்.

அங்கு இந்த வழக்கை விசாரித்த உளுந்தூர்பேட்டை முதலாவது நீதித்துறை நடுவர் நீதிமன்ற நீதிபதி (பொறுப்பு) லதா, வேல்முருகனுக்கு வருகிற 22–ந் தேதி வரை காவலை நீட்டித்து உத்தரவிட்டார். எனவே விழுப்புரம் கோர்ட்டில் இருந்து வேல்முருகனை போலீஸ் வேனில் ஏற்றி சென்னை புழல் சிறைக்கு போலீசார் அழைத்துச்சென்றனர்.



தொடர்புடைய செய்திகள்

1. சப்-இன்ஸ்பெக்டரை தாக்கிய பா.ஜனதா நிர்வாகி மீது வழக்கு போலீஸ் நிலையம் முற்றுகை-பரபரப்பு
மார்த்தாண்டம் மேம்பாலத்தில் ஏற்பட்ட மோதலில் போலீஸ் சப்-இன்ஸ்பெக்டரை தாக்கியதாக பா.ஜனதா நிர்வாகி மீது வழக்குப்பதிவு செய்யப்பட்டது. இதை கண்டித்து பா.ஜனதாவினர் போலீஸ் நிலையத்தை முற்றுகையிட்டதால் பரபரப்பு ஏற்பட்டது.
2. மருந்து கடைகளில் ஆய்வு; இருவர் மீது வழக்கு
அரியலூர் மாவட்டத்தில் பல கிராமங்களில் மர்ம காய்ச்சல் பரவி வரும் நிலையில் டெங்கு காய்ச்சல், பன்றி காய்ச்சல் போன்றவற்றால் நோயாளிகள் இறக்க நேரிடுகிறது.
3. ‘சர்கார்’ பட டிக்கெட்டுகளை கூடுதல் விலைக்கு விற்பதை தடுக்க கோரி வழக்கு; மதுரை ஐகோர்ட்டில் இன்று விசாரணை
‘சர்கார்‘ பட டிக்கெட்டுக்கு ரூ.1,000 வரை வசூலிப்பதாகவும், எனவே கூடுதல் தொகை வசூலிப்பதை தடுக்க கோரி மதுரை ஐகோர்ட்டில் வழக்கு தொடரப்பட்டுள்ளது. அந்த வழக்கு இன்று விசாரணைக்கு வருகிறது.
4. மீ டூ விவகாரத்தில் வழக்கு பதிவு செய்ய வேண்டும் - இந்து மக்கள் கட்சி தலைவர் அர்ஜுன்சம்பத் பேட்டி
மீ டூ விவகாரத்தில் யாராக இருந்தாலும் வழக்கு பதிவு செய்து கடும் நடவடிக்கை எடுக்க வேண்டும் என்று இந்து மக்கள் கட்சி தலைவர் அர்ஜுன் சம்பத் கூறினார்.
5. கோர்ட்டு வழக்கு முடிவுக்கு வந்ததும் உள்ளாட்சி தேர்தல் உறுதியாக நடத்தப்படும் - ஓ.பன்னீர்செல்வம் பேட்டி
கோர்ட்டு வழக்கு முடிவுக்கு வந்ததும் உள்ளாட்சி தேர்தல் உறுதியாக நடத்தப்படும் என்று திருப்பூரில் துணை முதல்–அமைச்சர் ஓ.பன்னீர்செல்வம் கூறினார்.