மாவட்ட செய்திகள்

11,12-ம் வகுப்புகளுக்கு போதுமான ஆசிரியர்கள் இல்லை மாணவ-மாணவிகள் குற்றச்சாட்டு + "||" + Classes for Class 11,12 Not enough teachers Student accusations

11,12-ம் வகுப்புகளுக்கு போதுமான ஆசிரியர்கள் இல்லை மாணவ-மாணவிகள் குற்றச்சாட்டு

11,12-ம் வகுப்புகளுக்கு போதுமான ஆசிரியர்கள் இல்லை மாணவ-மாணவிகள் குற்றச்சாட்டு
குருவாடி அரசு மேல்நிலைப்பள்ளியில் 11,12-ம் வகுப்புகளுக்கு போதுமான ஆசிரியர்கள் இல்லை என மாணவ-மாணவிகள் குற்றம் சாட்டியுள்ளனர்.
திருமானூர்,

அரியலூர் மாவட்டம் திருமானூர் அருகே உள்ள குருவாடியில் அரசு மேல் நிலைப்பள்ளி இயங்கி வருகிறது. இந்த பள்ளியில் 6-ம் வகுப்பு முதல் 12-ம் வகுப்பு வரை உள்ளது. திருமானூர் சுற்றுப்புற பகுதிகளில் உள்ள மாணவ-மாணவிகள் ஏராளமானோர் இந்த பள்ளியில் படித்து வருகின்றனர். கடந்த 2014-ம் ஆண்டு வரை உயர்நிலைப்பள்ளியாக இருந்த இந்த பள்ளி மேல் நிலைப்பள்ளியாக தரம் உயர்த்தப்பட்டு, 11 மற்றும் 12-ம் வகுப்பில் கணித பிரிவு மற்றும் கலைப்பிரிவு என இரண்டு வகுப்புகள் தொடங்கப்பட்டன. அதில் மாணவ-மாணவிகள் படித்து வருகின்றனர்.


மேல்நிலைப்பள்ளியாக தரம் உயர்த்தப்பட்ட ஆண்டு மட்டும் தான் 11, 12-ம் வகுப்பு கணித பிரிவு, கலைப்பிரிவுக்கு அனைத்து ஆசிரியர்கள் பணியாற்றினர். ஆனால் தற்போது 11, 12-ம் வகுப்புகளுக்கு பாடம் நடத்துவதற்கு போதுமான ஆசிரியர்கள் இல்லை என்று மாணவ-மாணவிகள் குற்றம் சாட்டுகின்றனர்.

கணித பிரிவில் கணக்கு பாடத்திற்கும், கலைப் பிரிவுக்கும் ஆசிரியர்கள் இல்லை என்றும் கூறப்படு கிறது. இதனால் 9, 10-ம் வகுப்புகளுக்கு பாடம் நடத்தும் ஆசிரியர்களே 11, 12-ம் வகுப்புகளுக்கு பாடம் நடத்துகின்றனர் என்று கூறப்படுகிறது. பாடங்கள் நடத்த போதிய ஆசிரியர்கள் இல்லாததால் 11, 12-ம் வகுப்பு படிக்கும் மாணவ-மாணவிகள் பாடங்களை படிக்க முடியாமல் தவித்து வருகின்றனர். மேலும், தற்போது இந்த பள்ளியில் கணினி அறிவியல் பாடப்பிரிவு தொடங்க கல்வித்துறை முடிவு செய்துள்ளது. எனவே இந்த அரசு பள்ளியில் 11,12-ம் வகுப்பில் உள்ள அனைத்து பாடப்பிரிவுகளுக்கும் ஆசிரியர்களை நியமிக்க கல்வித்துறை நடவடிக்கை எடுக்க வேண்டும் என்று மாணவ-மாணவிகள், அவரது பெற்றோர், சமூக ஆர்வலர்கள் கோரிக்கை விடுத்துள்ளனர்.

தொடர்புடைய செய்திகள்

1. அரசு பஸ்களில் ஏற்ற மறுப்பு, மாணவ, மாணவிகள் மறியல்
மணப்பாறையில் அரசு பஸ்களில் ஏற்ற மறுத்ததால் மாணவ, மாணவிகள் மறியலில் ஈடுபட்டனர்.
2. மின்சாரம் வழங்க வலியுறுத்தி தகட்டூர்-பஞ்சநதிக்குளம் கிராம மக்கள் சாலை மறியல் போக்குவரத்து பாதிப்பு
மின்சாரம் வழங்க வலியுறுத்தி தகட்டூர், பஞ்சநதிக்குளம் கிராம மக்கள் சாலை மறியல் போராட்டத்தில் ஈடுபட்டனர். இதனால் அப்பகுதியில் போக்குவரத்து பாதிக்கப்பட்டது.
3. குடிநீர் கேட்டு காலிக்குடங்களுடன் கிராம மக்கள் மறியல் சாலையில் மதுபாட்டில்களை வைத்து போராட்டத்திலும் ஈடுபட்டனர்
வடுவூர் அருகே குடிநீர் கேட்டு காலிக்குடங்களுடன் கிராம மக்கள் சாலை மறியலில் ஈடுபட்டனர். கண்ணாரப்பேட்டையில் சாலையில் மதுபாட்டில்களை வைத்து போராட்டத்திலும் ஈடுபட்டனர்.
4. சிறுபான்மையின மாணவ, மாணவிகள் கல்வி உதவித்தொகை பெற விண்ணப்பிக்கலாம்
மத்திய அரசால் சிறுபான்மையினராக அறிவிக்கப்பட்டுள்ள மாணவ, மாணவிகள் கல்வி உதவித்தொகை பெற விண்ணப்பிக்கலாம்.
5. சினிமாவில் பலாத்காரம் இல்லை: “பாலியல் சம்பவங்கள் சம்மதத்துடன்தான் நடக்கிறது” - நடிகை ஷில்பா ஷிண்டே
பாலியல் சம்பவங்கள் சம்மதத்துடன்தான் நடக்கிறது நடிகை ஷில்பா ஷிண்டே தெரிவித்துள்ளார்.