மாவட்ட செய்திகள்

மேட்டூர் அணை திறப்பு இல்லை என கூறி தமிழக அரசு, விவசாயிகளை ஏமாற்றி விட்டது ஆ.ராசா குற்றச்சாட்டு + "||" + The Tamil Nadu government has cheated the farmers by claiming that Mettur dam is not open

மேட்டூர் அணை திறப்பு இல்லை என கூறி தமிழக அரசு, விவசாயிகளை ஏமாற்றி விட்டது ஆ.ராசா குற்றச்சாட்டு

மேட்டூர் அணை திறப்பு இல்லை என கூறி தமிழக அரசு, விவசாயிகளை ஏமாற்றி விட்டது ஆ.ராசா குற்றச்சாட்டு
12-ந் தேதி மேட்டூர் அணை திறப்பு இல்லை என கூறி தமிழக அரசு விவசாயிகளை ஏமாற்றி விட்டது என ஆ.ராசா குற்றம் சாட்டி உள்ளார்.
கும்பகோணம்,

தி.மு.க. தலைவர் கருணாநிதியின் பிறந்தநாள் விழாவையொட்டி கும்பகோணத்தில் நேற்று முன்தினம் இரவு தி.மு.க. பொதுக்கூட்டம் நடந்தது. கூட்டத்துக்கு தி.மு.க. வட்ட செயலாளர் கோவிந்தராஜன் தலைமை தாங்கினார். வட்ட செயலாளர் சபாபதி வரவேற்றார். மாநில பொதுக்குழு உறுப்பினர் ராசாராமன், நகர அவை தலைவர் செல்வராஜ், நகர துணை செயலாளர்கள் ரவிச்சந்திரன், விசாலாட்சி, ராஜேஷ்குமார், நகர பொருளாளர் கிருஷ்ணமூர்த்தி ஆகியோர் முன்னிலை வகித்தனர்.

கூட்டத்தில் முன்னாள் மத்திய மந்திரியும், தி.மு.க. கொள்கை பரப்பு செயலாளருமான ஆ.ராசா கலந்து கொண்டு பேசினார். அவர் பேசியதாவது:-

வருகிற 12-ந் தேதி மேட்டூர் அணை திறப்பு இல்லை என சட்டசபையில் முதல்-அமைச்சர் எடப்பாடி பழனிசாமி கூறி உள்ளார். இதன் மூலம் தமிழக அரசு விவசாயிகளை ஏமாற்றி விட்டது.

நீட் தேர்வில் இருந்து தமிழகத்துக்கு விலக்கு அளிக்க கூறி சட்டசபையில் நிறைவேற்றப்பட்ட தீர்மானம் எங்கு உள்ளது? என தெரியவில்லை. இதனால் நீட் தேர்வு விவகாரத்தில் குழப்பம் நீடிக்கிறது. நீட் தேர்வு பல உயிர்களை பலி வாங்கி விட்டது. தமிழக அரசிடம் நிர்வாக திறமை இல்லை.

தூத்துக்குடியில் ஸ்டெர்லைட் ஆலைக்கு எதிராக நடந்த போராட்டத்தின்போது போலீசார், இளம்பெண்ணின் வாயில் சுட்டனர். இதுபோன்ற சம்பவம் சுதந்திர போராட்ட காலத்தில் கூட நடந்தது இல்லை.

சொத்து குவிப்பு மேல்முறையீட்டு வழக்கில் சுப்ரீம் கோர்ட்டு அளித்த தீர்ப்பில், ஜெயலலிதா தனது சொத்துகளை பாதுகாப்பதற்காகவே சசிகலா, இளவரசி, திவாகரன் ஆகியோரை தன்னுடன் வைத்திருந்ததாக கூறப்பட்டுள்ளது. இதன் மூலம் அரசியல் மற்றும் ஜனநாயகத்தை ஜெயலலிதா படுகொலை செய்தது, மன்னிக்க முடியாததாகும்.

இவ்வாறுஅவர் பேசினார்.

தி.மு.க. மாவட்ட செயலாளர் கல்யாணசுந்தரம், அன்பழகன் எம்.எல்.ஏ., நகர செயலாளர் தமிழழகன் ஆகியோரும்பேசினர். கூட்டத்தில் முன்னாள் எம்.எல்.ஏ.க்கள் கல்யாணம், ராமலிங்கம், தி.மு.க. தலைமை செயற்குழு உறுப்பினர் ரவிச்சந்திரன், ஒன்றிய செயலாளர்கள் கணேசன், அசோக்குமார், தாமரைசெல்வன், தி.மு.க. மாவட்ட இளைஞர் அணி அமைப்பாளர் தட்சிணாமூர்த்தி உள்பட பலர் கலந்து கொண்டனர். முடிவில் வட்ட செயலாளர் குமார் நன்றி கூறினார். 


தொடர்புடைய செய்திகள்

1. கூட்டணி ஆட்சியை கவிழ்க்க மத்திய அரசு முயற்சி முதல்-மந்திரி பரபரப்பு குற்றச்சாட்டு
வருமானவரி மற்றும் அமலாக்கத்துறை மூலமாக கூட்டணி தலைவர்களுக்கு நெருக்கடி கொடுத்து ஆட்சியை கவிழ்க்க மத்திய அரசு முயற்சிப்பதாக முதல்-மந்திரி குமாரசாமி பரபரப்பு குற்றச்சாட்டு கூறியுள்ளார்.
2. நெல் கொள்முதலை நிறுத்தி வைத்து மத்திய அரசு உத்தரவு: விவசாயிகளை அழிக்கும் நடவடிக்கை பி.ஆர்.பாண்டியன் குற்றச்சாட்டு
நெல் கொள்முதலை நிறுத்தி வைத்து மத்திய அரசு பிறப்பித்துள்ள உத்தரவு, விவசாயிகளை அழிக்கும் நடவடிக்கை என தமிழக அனைத்து விவசாயிகள் சங்கங்களின் ஒருங்கிணைப்புக்குழு தலைவர் பி.ஆர்.பாண்டியன் குற்றம் சாட்டி உள்ளார்.
3. அறுவடைக்கு தயாரான நிலையில் நெல் கொள்முதல் நிலையங்கள் திறக்கப்படவில்லை விவசாயிகள் குற்றச்சாட்டு
குமரி மாவட்டத்தில் அறுவடைக்கு தயாரான நிலையில் நெல் கொள்முதல் நிலையங்கள் இன்னும் திறக்கப்படாததால் விவசாயிகள் கவலை அடைந்துள்ளனர்.
4. வருமான வரித்துறை கடிதம் கொடுத்த பிறகும் அமைச்சர் விஜயபாஸ்கர் மீது நடவடிக்கை எடுக்காமல் இருப்பது சரியல்ல
வருமான வரித்துறை கடிதம் கொடுத்த பிறகும் அமைச்சர் விஜயபாஸ்கர் மீது நடவடிக்கை எடுக்காமல் இருப்பது சரியல்ல என்று தஞ்சையில் முத்தரசன் கூறினார்.
5. 175 டி.எம்.சி. தண்ணீர் வீணாக கடலுக்கு சென்றதற்கு தமிழக அரசே காரணம் டாக்டர் ராமதாஸ் குற்றச்சாட்டு
இந்த ஆண்டு இதுவரையில், 175 டி.எம்.சி. தண்ணீர் வீணாக கடலுக்கு சென்று உள்ளது. இதற்கு தமிழக அரசே காரணம் என்று பா.ம.க. நிறுவனர் ராமதாஸ் குற்றம் சாட்டியுள்ளார்.