மாவட்ட செய்திகள்

நாமக்கல்லில் கார், ஸ்கூட்டரை தீ வைத்து எரித்த என்ஜினீயர் கைது போலீஸ் விசாரணை + "||" + Police arrested an engineer who was burnt by fire and scooter in Namakkal

நாமக்கல்லில் கார், ஸ்கூட்டரை தீ வைத்து எரித்த என்ஜினீயர் கைது போலீஸ் விசாரணை

நாமக்கல்லில் கார், ஸ்கூட்டரை தீ வைத்து எரித்த என்ஜினீயர் கைது போலீஸ் விசாரணை
நாமக்கல்லில் வீட்டின் முன் நிறுத்தி இருந்த கார் மற்றும் ஸ்கூட்டரை தீ வைத்து எரித்த வழக்கில் என்ஜினீயரை போலீசார் கைது செய்தனர். தொடர்ந்து அவரிடம் போலீசார் விசாரணை நடத்தி வருகிறார்கள்.
நாமக்கல்,

நாமக்கல் இ.பி.காலனி ராம்நகரை சேர்ந்தவர் கல்யாணசுந்தரம். இவர் நைஜீரியா நாட்டில் வேலை பார்த்து வருகிறார். இவரது மனைவி ராஜேஸ்வரி (வயது49) மகள் வனிதாவுடன் நாமக்கல்லில் வசித்து வருகிறார். கடந்த 1-ந் தேதி இவர்களின் வீட்டின் முன்பு நிறுத்தி இருந்த கார் மற்றும் ஸ்கூட்டருக்கு மர்ம நபர் தீ வைத்து விட்டு சென்று விட்டார்.


இதில் கார் மற்றும் ஸ்கூட்டர் முற்றிலும் தீயில் எரிந்து சாம்பல் ஆனது. இந்த சம்பவம் குறித்து நாமக்கல் போலீசார் வழக்குப்பதிவு செய்து விசாரணை நடத்தி வந்தனர். மேலும் அப்பகுதியில் உள்ள கண்காணிப்பு கேமராவில் பதிவான காட்சியை போலீசார் பார்வையிட்டபோது, நள்ளிரவில் மோட்டார் சைக்கிளில் ஹெல்மெட் அணிந்து வந்த வாலிபர் இந்த சம்பவத்தில் ஈடுபட்டு இருப்பது தெரியவந்தது.

இதை தொடர்ந்து போலீசார் நடத்திய விசாரணையில், அவர் மல்லசமுத்திரத்தை சேர்ந்த ராஜபிரியன் (29) என்பதும், சேலத்தில் உள்ள தனியார் நிறுவனம் ஒன்றில் சாப்ட்வேர் என்ஜினீயராக பணியாற்றி வருவதும் தெரியவந்தது. இதையடுத்து நேற்று அவரை கைது செய்தனர்.

ராஜபிரியன் எதற்காக ஹெல்மெட் அணிந்து ராஜேஸ்வரி வீட்டு முன் நிறுத்தி இருந்த கார், ஸ்கூட்டருக்கு தீ வைத்து உள்ளார். அவருக்கும், அந்த குடும்பத்தினருக்கும் முன்விரோதம் இருக்கிறதா? அல்லது வேறு ஏதேனும் காரணமா? என்பது குறித்து போலீசார் விசாரித்து வருகின்றனர். இது தொடர்பாக ராஜேஸ்வரி குடும்பத்தினரிடமும் போலீசார் விசாரித்து வருகின்றனர். 

தொடர்புடைய செய்திகள்

1. இந்து முன்னணி நிர்வாகி கைதை கண்டித்து போலீஸ் நிலையத்தை முற்றுகையிட்ட கிராம மக்கள்
இந்து முன்னணி நிர்வாகி கைது செய்யப்பட்டதை கண்டித்து கன்னிவாடி போலீஸ் நிலையத்தை கிராம மக்கள் முற்றுகையிட்டனர்.
2. மணல் கொள்ளை குறித்து சி.பி.சி.ஐ.டி. விசாரணையை மாவட்டம் முழுவதும் நடத்த வேண்டும் இந்திய கம்யூனிஸ்டு வலியுறுத்தல்
மணல் கொள்ளை குறித்து சி.பி.சி.ஐ.டி. விசாரணையை மாவட்டம் முழுவதும் நடத்த வேண்டும் என்று இந்திய கம்யூனிஸ்டு வலியுறுத்தி உள்ளது.
3. தஞ்சை மாவட்டத்தில் குற்றங்களில் ஈடுபடுபவர்கள் மீது கடும் நடவடிக்கை புதிதாக பதவி ஏற்ற போலீஸ் சூப்பிரண்டு மகேஷ்வரன் பேட்டி
தஞ்சை மாவட்டத்தில் குற்றங்களில் ஈடுபடுபவர்கள் மீது கடும் நடவடிக்கை எடுக்கப்படும் என்று புதிதாக பதவி ஏற்ற போலீஸ் சூப்பிரண்டு மகேஷ்வரன் கூறினார்.
4. சிறை கைதி மர்ம சாவால் காலியான இடம்: சப்- இன்ஸ்பெக்டர் இல்லாத பாகூர் போலீஸ் நிலையம்
சிறை கைதி இறந்த விவகாரத்தில் பணி இடைநீக்கம் செய்யப்பட்டதால் பாகூர் போலீஸ் சப்- இன்ஸ்பெக்டர் பணியிடம் காலியாக உள்ளது.
5. பல்லடம் அருகே பனியன் நிறுவன தொழிலாளி சாவு விசாரணை நடத்துமாறு போலீசில் மனைவி புகார்
பல்லடம் அருகே வெளியில் சென்று விட்டு வீடு திரும்பிய பனியன் நிறுவன தொழிலாளி இறந்தார். இது தொடர்பாக விசாரணை நடத்த வேண்டும் என்று போலீசில் அவருடைய மனைவி புகார் செய்துள்ளார்.