மாவட்ட செய்திகள்

மாவட்டத்தில் வாக்காளர் பட்டியல் சுருக்க திருத்தப்பணி + "||" + Abstract reconstruction of the district electoral rolls

மாவட்டத்தில் வாக்காளர் பட்டியல் சுருக்க திருத்தப்பணி

மாவட்டத்தில் வாக்காளர் பட்டியல் சுருக்க திருத்தப்பணி
விழுப்புரம் மாவட்டத்தில் வாக்காளர் பட்டியல் சுருக்க திருத்தப்பணி நடைபெற்று வருகிறது.
விழுப்புரம்

விழுப்புரம் மாவட்டத்தில் வாக்காளர் பட்டியல் சுருக்க திருத்தப்பணிகள் கடந்த மே மாதம் 15-ந் தேதி தொடங்கி நடைபெற்று வருகிறது. வருகிற 20-ந் தேதி வரை நடைபெற உள்ள இந்த பணியின்போது வாக்குச்சாவடி நிலை அலுவலர்கள் வீடு, வீடாக சென்று கள ஆய்வு செய்து வருகின்றனர்.

இந்த ஆய்வின்போது வீட்டில் உள்ளவர்கள் தங்கள் வீட்டில் 18 வயது நிரம்பியவர்களின் பெயரை வாக்காளர் பட்டியலில் சேர்க்க படிவம் 6-ஐ பூர்த்தி செய்து வழங்க வேண்டும். அதனுடன் வயதுக்கான ஆதார சான்றும், இருப்பிடத்திற்கு ஆதார சான்றுக்கான நகலையும், புகைப்படத்தையும் வழங்க வேண்டும்.

மேலும் கள ஆய்வின்போது வாக்காளர்கள் தங்கள் குடும்பத்தில் உயிரிழந்தவர்கள், குடிபெயர்ந்து சென்றவர்களை நீக்குவதற்கு படிவம் 7-ஐ பூர்த்தி செய்து வழங்க வேண்டும். வாக்காளர் பட்டியலில் பெயர் திருத்தம், புகைப்படம் திருத்தம் மேற்கொள்ள படிவம் 8ஏ-வை பூர்த்தி செய்து வழங்கலாம். இதற்காக வாக்காளர்கள் இணையவழியிலும் (nvsp.in) விண்ணப்பித்து பயன்பெறலாம்.

இந்த தகவலை கலெக்டர் சுப்பிரமணியன் தெரிவித்துள்ளார்.