மாவட்ட செய்திகள்

சென்னையில் செல்போன் பறிப்பு சம்பவங்கள் அதிகரிப்பு + "||" + in Chennai Increase in cellphone flush cases

சென்னையில் செல்போன் பறிப்பு சம்பவங்கள் அதிகரிப்பு

சென்னையில் செல்போன் பறிப்பு சம்பவங்கள் அதிகரிப்பு
சென்னையில் செல்போன் பறிப்பு சம்பவங்கள் அதிகரித்துள்ளது. செல்போன் பறிப்பு குற்றவாளிகள் மீது கடுமையான நடவடிக்கை எடுக்க வேண்டும் என்று பொதுமக்கள் போலீசாருக்கு கோரிக்கை வைத்துள்ளனர்.
சென்னை,

சென்னையில் சமீப காலங்களாக செல்போன் பறிப்பு சம்பவங்கள் அதிகளவில் நடக்கிறது. சாலையில் செல்போனில் பேசிக்கொண்டு செல்பவர்களை கத்திமுனையில் மடக்கி மர்மநபர்கள் திடீர் தாக்குதல் நடத்துகிறார்கள். பெரும்பாலும் பெண்களை குறிவைத்து தாக்கி செல்போனை பறித்து சென்றுவிடுகிறார்கள். நேற்று முன்தினம் ஒரே நாளில் 10-க்கும் மேற்பட்ட இடங்களில் செல்போன் பறிப்பு சம்பவங்கள் நடந்ததாக புகார் வந்துள்ளது.


செல்போன் பறிப்பு கொள்ளையர்கள் எந்த ரூபத்தில் எப்படி வருவார்கள் என்பதை பொதுமக்களால் கணிக்க முடியவில்லை. நேற்று முன்தினம் இரவு சிந்தாதிரிப்பேட்டை, அயனாவரம், புரசைவாக்கம் பகுதிகளில் மர்மநபர்கள் செல்போன்களை பறித்து சென்றனர். கோட்டை அருகே உள்ள அன்னை சத்யா நகரைச் சேர்ந்த சரவணன் என்ற ஆட்டோ டிரைவர், சிந்தாதிரிப்பேட்டை மே தின பூங்கா அருகே நேற்று முன்தினம் இரவு தனது ஆட்டோவில் படுத்து தூங்கிக்கொண்டிருந்தார். அப்போது அங்கு வந்த 2 பேர் சரவணனின் செல்போனை பறித்துச்சென்றுவிட்டனர். ரோந்து போலீசார் செல்போன் பறிப்பில் ஈடுபட்ட வினோத், முத்துவீரன் ஆகிய இருவரை உடனடியாக மடக்கி பிடித்து கைது செய்துவிட்டனர்.

அயனாவரத்தைச் சேர்ந்த கார்த்திக் மாரிமுத்து என்பவர் நியூஆவடி சாலையில் நடந்து சென்றபோது அவரது செல்போன் பறிக்கப்பட்டது. மோட்டார் சைக்கிளில் வந்த மர்மநபர்கள் செல்போனை பறித்துச்சென்றனர். அயனாவரம் பச்சைக்கல் வீராசாமி தெருவைச் சேர்ந்த பானு என்பவர் தனது தாயாருடன் நடந்து சென்றுகொண்டிருந்தார். அப்போது அங்கு மோட்டார் சைக்கிளில் வந்த 2 மர்ம நபர்கள் பானு அணிந்திருந்த 1½ பவுன் தங்க சங்கிலியை பறித்துச்சென்றனர்.

இதேபோல புரசைவாக்கத்தில் நீலா என்ற பெண்ணிடம் அவரது கைப்பையை 2 மர்மநபர்கள் பறித்துச் சென்றனர். அந்த கைப்பைக்குள் அவரது செல்போன் இருந்தது குறிப்பிடத்தக்கது. புரசைவாக்கம் மேம்பாலம் அருகே மண்ணடியைச் சேர்ந்த முகம்மதுபஷீர் என்பவர் செல்போனில் பேசியபடி நின்றுகொண்டிருந்தார். அப்போது அங்கு வந்த 2 மர்மநபர்கள் முகம்மதுபஷீரிடம் செல்போனை பறித்து தப்பிச்சென்றுவிட்டனர்.

செல்போன் பறிப்பு சம்பவங்கள் தொடர்பாக போலீஸ் நிலையங்களில் புகார் கொடுக்க சென்றால் போலீசார் புகாரை வாங்க மறுப்பதாக குற்றச்சாட்டு எழுந்துள்ளது. செல்போன் பறிப்பு சம்பவங்களை போலீசார் சாதாரண சம்பவங்களாக கருதி உடனடியாக எவ்வித நடவடிக்கையும் எடுப்பதில்லை என்றும் சொல்லப்படுகிறது.

செல்போன் பறிப்பு சம்பவங்கள் தொடர்பாக பொதுமக்கள் கொடுக்கும் புகார் மனுக்கள் மீது, உடனடியாக கடும் நடவடிக்கை எடுக்க வேண்டும் என்று பொதுமக்கள் போலீசாருக்கு வேண்டுகோள் வைத்துள்ளனர். செல்போன் பறிப்பு சம்பவங்களில் ‘சைபர் கிரைம்’ போலீசார் உதவியோடு முன்பு கடும் நடவடிக்கை எடுக்கப்பட்டது. தற்போது அதுபோன்ற நடவடிக்கைகள் எடுக்கப்படுவதில்லை. மீண்டும் ‘சைபர் கிரைம்’ போலீசார் உதவியோடு செல்போன் பறிப்பு கொள்ளையர்கள் மீது கடும் நடவடிக்கை எடுக்க வேண்டும் என்ற கோரிக்கை வலுத்துள்ளது.


தொடர்புடைய செய்திகள்

1. ‘ஏடீஸ்’ கொசுக்கள் மூலம் சென்னையில் டெங்கு காய்ச்சல் பரவுகிறது அரசு மருத்துவமனைகளில் 17 பேர் சிகிச்சைக்கு அனுமதி
சென்னையில் டெங்கு காய்ச்சல் பரவுகிறது. அரசு மருத்துவமனைகளில் 17 பேர் சிகிச்சைக்காக அனுமதிக்கப்பட்டுள்ளனர்.
2. சென்னையில், போதை நபர்கள் விரட்டிச்சென்ற வடமாநில வாலிபர் பஸ் மோதி சாவு
சென்னையில் போதை வாலிபர்கள் விரட்டிச் சென்றபோது, வடமாநில வாலிபர் பஸ் மோதி பரிதாபமாக இறந்தார். இதுதொடர்பாக போதை வாலிபர்கள் மீது கொலை வழக்குப்பதிவு செய்ய போலீசார் நடவடிக்கை எடுத்துவருகிறார்கள்.
3. சென்னையில், தமிழர் தேசிய கூட்டமைப்பினர் ஆர்ப்பாட்டம்
ராஜீவ்காந்தி கொலை கைதிகளை விடுதலை செய்ய வலியுறுத்தி தமிழர் தேசிய கூட்டமைப்பின் சார்பில் சென்னையில் நேற்று ஆர்ப்பாட்டம் நடந்தது.
4. குறைந்தபட்ச கட்டணம் ரூ.5 என்று ‘ஸ்டிக்கர்’ ஒட்டப்பட்டது சென்னையில் மேலும் 300 சாதாரண கட்டண பஸ்கள்
சென்னையில் பயணிகளை கவருவதற்காக, மாநகர போக்குவரத்து கழகம் மேலும் சாதாரண கட்டண பஸ்களை இயக்குகிறது. அவற்றில் குறைந்தபட்ச கட்டணம் ரூ.5 என்ற ஸ்டிக்கரையும் ஒட்டி உள்ளது.
5. சென்னையில் மின்சார பஸ்கள் இயக்க திட்டம்: லண்டனில் அமைச்சர் எம்.ஆர்.விஜயபாஸ்கர் ஆலோசனை
சென்னையில் மின்சார பஸ்கள் இயக்குவது குறித்து லண்டனுக்கு சென்று நிபுணர்களுடன் அமைச்சர் எம்.ஆர்.விஜயபாஸ்கர் ஆலோசனை நடத்தினார்.