மாவட்ட செய்திகள்

குழந்தை தொழிலாளர் ஒழிப்பு விழிப்புணர்வு ஸ்கேட்டிங் ஊர்வலம் கலெக்டர் ஷில்பா தொடங்கி வைத்தார் + "||" + Child labor welfare awareness

குழந்தை தொழிலாளர் ஒழிப்பு விழிப்புணர்வு ஸ்கேட்டிங் ஊர்வலம் கலெக்டர் ஷில்பா தொடங்கி வைத்தார்

குழந்தை தொழிலாளர் ஒழிப்பு விழிப்புணர்வு ஸ்கேட்டிங் ஊர்வலம் கலெக்டர் ஷில்பா தொடங்கி வைத்தார்
பாளையங்கோட்டையில் குழந்தை தொழிலாளர் ஒழிப்பு விழிப்புணர்வு ஸ்கேட்டிங் ஊர்வலம் நடைபெற்றது. இதனை மாவட்ட கலெக்டர் ஷில்பா கொடியசைத்து தொடங்கி வைத்தார்.
நெல்லை

குழந்தை தொழிலாளர்கள் முறையை ஒழிப்பதற்கான விழிப்புணர்வு ஸ்கேட்டிங் ஊர்வலம், பாளையங்கோட்டையில் நேற்று நடந்தது. பாளையங்கோட்டை பஸ் நிலையத்தில் மாணவ-மாணவிகள் தங்களது கால்களில் ஸ்கேட்டிங் சக்கரங்களை பொருத்தி கொண்டு அணிவகுத்து புறப்பட்டனர். இந்த ஊர்வலத்தை மாவட்ட கலெக்டர் ஷில்பா கொடி அசைத்து தொடங்கி வைத்தார். இந்த ஊர்வலமானது வ.உ.சி. மைதானம், முருகன்குறிச்சி, வண்ணார்பேட்டை வழியாக கலெக்டர் அலுவலகத்தில் சென்று நிறைவடைந்தது.

தேசிய குழந்தை தொழிலாளர் திட்டத்தின்கீழ், மத்திய-மாநில அரசுகள் மூலம் குழந்தை தொழிலாளர் முறையை ஒழிப்பதற்கான முழுமையான நடவடிக்கை எடுக்கப்பட்டு வருகிறது. நெல்லை மாவட்டத்தில் இதுவரை 5,473 குழந்தை தொழிலாளர்கள் மீட்கப்பட்டு, முறையான பள்ளிகளில் சேர்க்கப்பட்டு உள்ளனர்.

மேலும் 5,408 குழந்தைகள் மீட்கப்பட்டு, அவர்களுக்கு தொழிற்கல்வி பயிற்றுவிக்கப்பட்டு, நல்வழிபடுத்தப்பட்டு உள்ளனர். தொழிலாளர்களாக கண்டறியப்படும் குழந்தைகள், இந்த திட்டத்தின் மூலம் நடத்தப்படும் சிறப்பு பயிற்சி மையங்களில் சேர்க்கப்பட்டு, ஒன்று அல்லது இரண்டு ஆண்டுகளில் கல்வியில் ஆர்வமூட்டப்பட்டு, முறையான பள்ளிகளில் சேர்க்கப்படுகின்றனர்.

பயிற்சி மையங்களில் சேர்க்கப்படும் குழந்தைகளுக்கு இலவசமாக கல்வி உபகரணங்கள், சீருடைகள், மதிய உணவு வழங்கப்படுகிறது. மேலும் ஊக்க தொகையாக குழந்தைகளின் வங்கி கணக்கில் மாதந்தோறும் ரூ.400 செலுத்தப்படுகிறது. சிறப்பு பயிற்சி மையங்களில் படித்த தற்போது கல்லூரியில் மேற்படிப்பு படிக்கும் 26 மாணவ-மாணவிகளுக்கு ஒரு கல்வி ஆண்டுக்கு ரூ.6 ஆயிரம் ஊக்கத்தொகை வழங்கப்பட்டு வருகிறது.

குழந்தை தொழிலாளர்களை பணியமர்த்தும் நிறுவனங்களுக்கு ரூ.50 ஆயிரம் அபராதம் விதிப்பதுடன், அந்த நிறுவனங்களின் மீது சட்டப்படி கடுமையான நடவடிக்கை எடுக்கப்படும். இவ்வாறு கலெக்டர் ஷில்பா கூறினார்.

குழந்தை தொழிலாளர் ஒழிப்பு விழிப்புணர்வு ஸ்கேட்டிங் ஊர்வலத்தில் கலந்து கொண்ட மாணவ-மாணவிகளுக்கு கலெக்டர் ஷில்பா பாராட்டு சான்றிதழ்களை வழங்கினார்.

நிகழ்ச்சியில் மாவட்ட வருவாய் அலுவலர் முத்துராமலிங்கம், நெல்லை உதவி கலெக்டர் மைதிலி, தேசிய குழந்தை தொழிலாளர் திட்ட இயக்குனர் சந்திரகுமார், திட்ட மேலாளர் விசுவநாதன், கள பணியாளர்கள் ரவீந்திரன், சேதுராமன், ராஜேஸ்வரி, தொழிலாளர் நல துறை அதிகாரிகள், சைல்டு லைன் பணியாளர்கள் மற்றும் அரசு அலுவலர்கள், மாணவ-மாணவிகள் கலந்து கொண்டனர்.

தொடர்புடைய செய்திகள்

1. டிரைவர்கள் விழிப்புணர்வுடன் இருந்தால் சாலை விபத்துக்களை தவிர்க்கலாம் போலீஸ் சூப்பிரண்டு ஸ்ரீநாத் பேச்சு
டிரைவர்கள் விழிப்புணர்வுடன் இருந்தால் பெரும்பாலான சாலை விபத்துக்களை தவிர்க்கலாம் என்று போலீஸ் சூப்பிரண்டு ஸ்ரீநாத் கூறினார்.
2. பிளாஸ்டிக் ஒழிப்பு பிரசாரத்தில் ஓய்வுபெற்ற தபால்காரர் சைக்கிளில் சென்று பாட்டுப்பாடி விழிப்புணர்வு ஏற்படுத்தினார்
குமரி மாவட்டத்தில் பிளாஸ்டிக் ஒழிப்பு பிரசாரத்தில் ஓய்வு பெற்ற தபால்காரர் நெல்சன் பிரகாஷ் ஈடுபட்டுள்ளார். அவர், சைக்கிளில் சென்று பாட்டுப்பாடி விழிப்புணர்வு ஏற்படுத்தினார்.
3. விபத்துகளை தடுக்க வாகன ஓட்டிகள் ஹெல்மெட் அணிய வேண்டும் துணை போலீஸ் சூப்பிரண்டு பேச்சு
விபத்துகளை தடுக்க வாகன ஓட்டிகள் ஹெல்மெட் அணிய வேண்டும் என விழிப்புணர்வு கூட்டத்தில் துணை போலீஸ் சூப்பிரண்டு முத்தமிழ்செல்வன் கூறினார்.
4. பனை மரங்களை காக்க வலியுறுத்தி இளைஞர்கள் சைக்கிளில் விழிப்புணர்வு பிரசாரம் மணப்பாறையில் வரவேற்பு
பனை மரங்களை காக்க வலியுறுத்தி இளைஞர்கள் சைக்கிள்களில் விழிப்புணர்வு பிரசாரம் மேற்கொண்டு வருகின்றனர். மணப்பாறை வந்த அவர்களுக்கு வரவேற்பு அளிக்கப்பட்டது.
5. கிருஷ்ணராயபுரம், நொய்யலில் பிளாஸ்டிக் பொருட்கள் ஒழிப்பு விழிப்புணர்வு கூட்டம்
கிருஷ்ணராயபுரம், நொய்யலில் பிளாஸ்டிக் பொருட்கள் ஒழிப்பு குறித்த விழிப்புணர்வு கூட்டம் நடைபெற்றது.