மாவட்ட செய்திகள்

திருச்சி முதன்மை கல்வி அதிகாரி அலுவலகத்தை முற்றுகையிட முயற்சி இந்திய மாணவர் சங்கத்தினர் கைது + "||" + The Indian Students' Association is trying to sabotage the Trichy Primary Education Officer's office

திருச்சி முதன்மை கல்வி அதிகாரி அலுவலகத்தை முற்றுகையிட முயற்சி இந்திய மாணவர் சங்கத்தினர் கைது

திருச்சி முதன்மை கல்வி அதிகாரி அலுவலகத்தை முற்றுகையிட முயற்சி இந்திய மாணவர் சங்கத்தினர் கைது
திருச்சியில் முதன்மை கல்வி அதிகாரி அலுவலகத்தை முற்றுகையிட முயன்ற இந்திய மாணவர் சங்கத்தினர் 16 பேரை போலீசார் கைது செய்தனர்.
திருச்சி,

திருச்சி மாவட்டத்தில் தனியார் மற்றும் அரசு உதவி பெறும் பள்ளிகளில் கட்டணம் அதிகம் வசூலிக்கப்படுவதாகவும், கட்டணத்திற்கான ரசீது எதுவும் தரப்படுவது இல்லை எனவும், தனியார் பள்ளிகளில் கல்வி கட்டணம் தொடர்பான அறிவிப்பு பலகை வைக்க வேண்டும், அரசு பள்ளிகளில் அடிப்படை வசதிகளை மேம்படுத்த வேண்டும் என்பன உள்பட பல்வேறு கோரிக்கைகளை வலியுறுத்தி இந்திய மாணவர் சங்கத்தினர் பாலக்கரையில் உள்ள மாவட்ட முதன்மை கல்வி அதிகாரி அலுவலகத்தை முற்றுகையிட்டு போராட்டம் நடத்தப்படும் என அறிவித்திருந்தனர். இந்த போராட்டத்திற்கு போலீசார் அனுமதி மறுத்திருந்தனர். ஆனால் திட்டமிட்டபடி போராட்டம் நடைபெறும் என இந்திய மாணவர் சங்கத்தினர் அறிவித்திருந்தனர்.


இந்தநிலையில் நேற்று காலை போராட்டம் நடத்த சங்கத்தின் மாநில செயற்குழு உறுப்பினர் அருணன் தலைமையில் நிர்வாகிகள் மரக்கடை அருகே நேற்று காலை கூடினர். இதனால் முதன்மை கல்வி அதிகாரி அலுவலகம் முன்பு பாதுகாப்பு பணிக்காக போலீசார் குவிக்கப்பட்டனர். மாணவர் சங்கத்தினர் மரக்கடையில் இருந்து ஊர்வலமாக முதன்மை கல்வி அதிகாரி அலுவலகத்தை நோக்கி புறப்பட்டு வந்தனர். அப்போது சையது முர்துசா மேல்நிலைப்பள்ளி அருகே போராட்டக்காரர்களை போலீசார் தடுத்து நிறுத்தினர். அப்போது போலீசாருடன், மாணவர் சங்கத்தினர் வாக்குவாதத்தில் ஈடுபட்டனர். தொடர்ந்து அலுவலகத்தை முற்றுகையிட செல்ல புறப்பட்டனர். போலீசார் அவர்களை தடுத்து நிறுத்தி குண்டுகட்டாக தூக்கி கைது செய்து அருகில் உள்ள மண்டபத்தில் தங்க வைத்தனர். இதில் மொத்தம் 16 பேர் கைது செய்யப்பட்டனர். கைதானவர்கள் அனைவரும் மாலையில் விடுவிக்கப்பட்டனர். 


தொடர்புடைய செய்திகள்

1. போக்குவரத்து கழக தொழிற்சங்கத்தினர் போராட்டம்
ஜெயங்கொண்டம் அரசு போக்குவரத்து கழக கிளை வாயில் முன்பு போக்குவரத்து கழக தொழிற்சங்கத்தினர் தொடர் முழக்க போராட்டத்தில் ஈடுபட்டனர்.
2. ஓசூர், தர்மபுரியில் போக்குவரத்து தொழிலாளர்கள் தொடர் முழக்க போராட்டம்
கோரிக்கைகளை வலியுறுத்தி தொ.மு.ச., சி.ஐ.டி.யு, ஏ.ஐ.டி.யு.சி, எச்.எம்.எஸ், டி.டி.எஸ்.எப். உள்பட பல்வேறு போக்குவரத்து தொழிலாளர்கள் சங்கத்தின் சார்பில், நேற்று அனைத்து பணிமனைகளிலும் தொடர் முழக்க போராட்டம் நடைபெற்றது.
3. சபரிமலையில் போலீஸ் குவிப்பு, சன்னிதானத்தில் போராட்டத்தில் ஈடுபட்டதாக 200 பேர் மீது வழக்குப்பதிவு
பெண்களுக்கு எதிர்ப்பு தெரிவித்து பக்தர்கள் போராட்டம் நடைபெறும் நிலையில் சபரிமலையில் போலீஸ் பாதுகாப்பு அதிகரிக்கப்பட்டுள்ளது.
4. ஆர்.டி.ஓ. மீது நடவடிக்கை எடுக்கக்கோரி திருவள்ளூர் கலெக்டர் அலுவலகம் முற்றுகை
விடுதலை சிறுத்தைகள் கட்சியின் மாநில அரசியல் குழு செயலாளர் நீலவானத்து நிலவன் தலைமையில் பள்ளிப்பட்டு மற்றும் ஆர்.கே.பேட்டை பகுதியை சேர்ந்த மலைவாழ் மக்கள் திருவள்ளூர் கலெக்டர் அலுவலகத்தை முற்றுகையிட்டு கண்டன கோஷங்களை எழுப்பினார்கள்.
5. திருவாரூர் கலெக்டர் அலுவலகம் முன்பு ரேஷன் கடை பணியாளர்கள் போராட்டம் பெண்கள் உள்பட 65 பேர் கைது
திருவாரூரில் நேற்று 3-வது நாளாக வேலை நிறுத்த போராட்டத்தையொட்டி ரேஷன் கடை பணியாளர்கள் கலெக்டர் அலுவலகம் முன்பு முற்றுகை போராட்டத்தில் ஈடுபட்டனர். இதில் 14 பெண்கள் உள்பட 65 பேரை போலீசார் கைது செய்தனர்.