மாவட்ட செய்திகள்

ராமநாதபுரம் அருகே முன்விரோதம் காரணமாக பட்டப்பகலில் வாலிபர் கழுத்தை அறுத்து கொலை + "||" + cut the young man's neck and kill him

ராமநாதபுரம் அருகே முன்விரோதம் காரணமாக பட்டப்பகலில் வாலிபர் கழுத்தை அறுத்து கொலை

ராமநாதபுரம் அருகே முன்விரோதம் காரணமாக பட்டப்பகலில் வாலிபர் கழுத்தை அறுத்து கொலை
ராமநாதபுரம் அருகே முன்விரோதத்தில் வாலிபர் கழுத்தை அறுத்து கொலை செய்யப்பட்டார். இந்த சம்பவம் தொடர்பாக போலீஸ் நிலையத்தில் அரிவாளுடன் வியாபாரி சரண் அடைந்தார்.

ராமநாதபுரம்

ராமநாதபுரம் அருகே உள்ள வாலாந்தரவை தெற்கூர் பகுதியை சேர்ந்த பொன்னுக்கிளி என்பவருடைய மகன் சிவா என்ற சிவக்குமார்(வயது 22). சென்னையில் உள்ள ஓட்டல் ஒன்றில் வேலை பார்த்து வருகிறார். இவருடைய பெரியப்பா கோவிந்தன். இவருடைய மகள் கண்ணகி என்பவரை அதேபகுதியை சேர்ந்த முனியாண்டி மகன் இளநீர் வியாபாரி வைத்தீஸ்வரன்(24) கடந்த ஆண்டு காதலித்து திருமணம் செய்து கொண்டாராம். இதுதொடர்பாக இவர்களுக்குள் தகராறு ஏற்பட்டுஉள்ளது.

இந்த தகராறு காரணமாக சிவக்குமாரின் தந்தை பொன்னுக்கிளி அளித்த புகாரின் அடிப்படையில் கேணிக்கரை போலீசார் கடந்த ஆண்டு வைத்தீஸ்வரன் உள்ளிட்ட 4 பேர் மீது வழக்குப்பதிவு செய்துள்ளனர். இந்த நடவடிக்கைக்கு சிவக்குமார்தான் காரணம் என்று வைத்தீஸ்வரன் ஆத்திரத்தில் இருந்துள்ளார். இதன் காரணமாக இவர்கள் இருவருக்கும் இடையே அடிக்கடி தகராறு ஏற்பட்டு வந்துள்ளது.

இந்த நிலையில் கடந்த 11–ந்தேதி சென்னையில் இருந்து சிவக்குமார் ஊருக்கு வந்திருந்தார். இதுபற்றி தகவல் அறிந்த வைத்தீஸ்வரன் அவரை பழிவாங்க திட்டமிட்டார். இதன்படி நேற்று காலை அந்த பகுதியில் உள்ள ஒரு பெட்டிக்கடையில் சிவக்குமார் பொருட்கள் வாங்கி கொண்டிருந்தபோது அங்கு மோட்டார் சைக்கிளில் வந்த வைத்தீஸ்வரன் வாலிபர் சிவக்குமாரை பின்பக்கமாக பிடித்து இழுத்து, தான் வைத்திருந்த அரிவாளால் கழுத்தை அறுத்து விட்டு தப்பி ஓடிவிட்டார். ரத்த வெள்ளத்தில் சிவக்குமார் அந்த இடத்திலேயே துடிதுடித்து பரிதாபமாக பலியானார்.

இந்த சம்பவம் பற்றி அறிந்த கேணிக்கரை போலீஸ் இன்ஸ்பெக்டர் செந்தில்குமரன் தலைமையிலான போலீசார் அங்கு விரைந்து சென்று பிணத்தை கைப்பற்றி விசாரணை செய்தனர்.

இந்நிலையில் சிவக்குமாரை பழிதீர்த்த ஆத்திரம் தீர்ந்த நிலையில் வைத்தீஸ்வரன் அரிவாளுடன் கேணிக்கரை போலீஸ் நிலையத்தில் சரண் அடைந்தார். இந்த சம்பவம் தொடர்பாக கேணிக்கரை போலீசார் வழக்குப்பதிவு செய்து வைத்தீஸ்வரனை கைது செய்தனர். வாலாந்தரவை பகுதியில் கடந்த சில தினங்களுக்கு முன்னர் 2 பேர் வெட்டி கொலை செய்யப்பட்ட பரபரப்பு அடங்கும் முன் மற்றொரு வாலிபர் கழுத்தை அறுத்து கொலை செய்யப்பட்டு இருப்பது அந்த பகுதியில் பெரும் பரபரப்பை ஏற்படுத்தி உள்ளது.


தொடர்புடைய செய்திகள்

1. போலி சிம் கார்டு வாங்கிய வழக்கில் ஸ்ரீவில்லிபுத்தூர் கோர்ட்டில் 2 மாவோயிஸ்டுகள் ஆஜர் கோவை போலீஸ் சூப்பிரண்டுக்கு எதிராக கோ‌ஷமிட்டதால் பரபரப்பு
சிவகாசியில் போலி சிம் கார்டு வாங்கிய வழக்கில் ஸ்ரீவில்லிபுத்தூர் மாவட்ட முதன்மை கோர்ட்டில் ஆஜர்படுத்தப்பட்ட பெண் உள்பட 2 மாவோயிஸ்டுகள் கோவை போலீஸ் சூப்பிரண்டுக்கு எதிராக கோ‌ஷமிட்டனர்.
2. முன்விரோதம் காரணமாக வாலிபரை கொலை செய்ய கத்தியுடன் பதுங்கிய 2 பேர் கைது
முன்விரோதம் காரணமாக வாலிபரை கொலை செய்ய கத்தியுடன் பதுங்கி இருந்த 2 பேரை போலீசார் கைது செய்தனர்.
3. பதவி நீட்டிப்பு விவகாரம்: போலீஸ் டி.ஜி.பி.க்கு எதிரான மனு ஐகோர்ட்டில் தள்ளுபடி
பணி நீட்டிப்பு விவகாரம் தொடர்பாக டி.ஜி.பி. டி.கே.ராஜேந்திரனுக்கு எதிரான மனுவை தள்ளுபடி செய்து மதுரை ஐகோர்ட்டு உத்தரவிட்டது.
4. மரத்தில் பிணமாக தொங்கிய கால்டாக்சி டிரைவர் அடித்து கொலையா? போலீசார் விசாரணை
மறைமலைநகரில் மரத்தில் கால்டாக்சி டிரைவர் பிணமாக தொங்கினார். அவர் அடித்து கொலை செய்யப்பட்டாரா? என்பது குறித்து போலீசார் விசாரணை செய்து வருகின்றனர்.
5. விவசாயி உயிரோடு எரித்து கொலை தற்கொலை செய்ததாக நாடகமாடிய மனைவி உள்பட 2 பேர் கைது
அரியலூர் அருகே, விவசாயி உயிரோடு எரித்து கொலை செய்யப் பட்டார். மேலும் அவர் தற்கொலை செய்து கொண்டதாக நாடக மாடிய மனைவி உள்பட 2 பேரை போலீசார் கைது செய்தனர்.