மாவட்ட செய்திகள்

நேரத்தோடு பணிக்கு வராத அரசு ஊழியர்கள் மீது நடவடிக்கை - அமைச்சர் கந்தசாமி உத்தரவு + "||" + Action on civil servants who do not work in time Minister Kandasamy orders

நேரத்தோடு பணிக்கு வராத அரசு ஊழியர்கள் மீது நடவடிக்கை - அமைச்சர் கந்தசாமி உத்தரவு

நேரத்தோடு பணிக்கு வராத அரசு ஊழியர்கள் மீது நடவடிக்கை - அமைச்சர் கந்தசாமி உத்தரவு
காரைக்கால் மாவட்டத்தில் நேரத்தோடு பணிக்கு வராத அரசுத்துறை ஊழியர்கள் மீது, துறை அதிகாரிகள் கடும் நடவடிக்கை எடுக்கவேண்டும். என புதுச்சேரி சமூக நலத்துறை அமைச்சர் கந்தசாமி உத்தரவிட்டுள்ளார்.

காரைக்கால்,

காரைக்கால் மாவட்ட காமராஜர் அரசு வளாகத்தில், நேற்று புதுச்சேரி சமூக நலத்துறை அமைச்சர் கந்தசாமி, தனது துறைசார்ந்த (சமூக நலத்துறை, ஆதிதிராவிடர் நலத்துறை, தொழிலாளர் நலத்துறை) அதிகாரிகளுடன் ஆலோசனைக்கூட்டம் நடத்தினார்.

கூட்டத்தில், அமைச்சர் கந்தசாமி பேசியதாவது:–

காரைக்காலில் ஆதிதிராவிடர் நலத்துறையின் கீழ் இயங்கும் இரண்டு மாணவர்கள் விடுதிகளை இன்று ஆய்வு செய்ததில் திருப்தி இல்லை. குறிப்பாக, மாணவர்களின் கட்டில், படுக்கை, தலையணை மற்றும் ஆடைகள் முறையான பராமரிப்பு இல்லாமல் அலங்கோலமாக உள்ளது. விடுதியின் சுற்றுவட்டார பகுதிகளும் அவ்வாறே உள்ளது. இனி வரும் காலங்களில் காரைக்காலில் உள்ள அனைத்து மாணவர்கள் விடுதிகளையும் சிறப்பாக பராமரிக்கவேண்டும். புதுச்சேரியை போல், காரைக்காலில் வேலைவாய்ப்பு முகாம்களை நடத்தி, மாணவர்களை வழிநடத்தவேண்டும். பெரும்பாலான அரசுத்துறைகளில் 80 சதவீதம் ஊழியர்கள் நேரத்தோடு பணிக்கு வரவில்லை. சம்பந்தப்பட்ட துறை அதிகாரிகள் இனி நேரத்தோடு பணிக்கு வராத ஊழியர்கள் மீது கடும் நடவடிக்கை எடுக்வேண்டும்.

இவ்வாறு அமைச்சர் கந்தசாமி பேசினார்.

முன்னதாக, ஆதிதிராவிடர் நலத்துறையின் கீழ் இயங்கும் காரைக்கால் முல்லைநகர், திருமலைராயன்பட்டினம் உள்ளிட்ட பகுதிகளில் உள்ள மாணவர்கள் விடுதியை அமைச்சர் கந்தசாமி ஆய்வு செய்தார். அதேபோல், காரைக்கால் காமராஜர் அரசு வளாகத்தி½உள்ள குடிமைப்பொருள் வழங்கல்துறை, சமூகநலத்துறை, ஆதிதிராவிடர் நலத்துறை, தொழிலாளர் நலத்துறை உள்ளிட்ட அரசுதுறைகளையும் அமைச்சர் ஆய்வு செய்தார். ஆய்வின் போது, திருமலைராயன்பட்டினத்தைச் சேர்ந்த கீதா ஆனந்தன் எம்.எல்.ஏ, கலெக்டர் கேசவன், சார்பு ஆட்சியர் விக்ராந்தராஜா மற்றும் பலர் உடன் இருந்தனர்.


தொடர்புடைய செய்திகள்

1. நாடாளுமன்றம், 4 மாநில சட்டசபை தேர்தல்களை முன்னிட்டு அதிகாரிகளை இடமாற்றம் செய்ய தேர்தல் கமி‌ஷன் உத்தரவு
அனைத்து மாநிலங்கள், யூனியன் பிரதேசங்களின் தலைமை செயலாளர்கள் மற்றும் தலைமை தேர்தல் அதிகாரிகளுக்கு இந்திய தேர்தல் கமி‌ஷன் ஒரு கடிதம் எழுதி உள்ளது. அதில், தேர்தல் கமி‌ஷன் கூறி இருப்பதாவது:–
2. கிராம சபை கூட்டங்கள் நடத்தலாம் தமிழகத்தில் தி.மு.க. ஆட்சி அமைக்க முடியாது அமைச்சர் கே.சி.கருப்பணன் பேட்டி
தமிழகத்தில் கிராம சபை கூட்டங்கள் நடத்தலாம். ஆனால் தி.மு.க. ஆட்சி அமைக்க முடியாது என அமைச்சர் கே.சி.கருப்பணன் கூறினார்.
3. கைப்பை, தேநீர் குவளை உள்ளிட்ட 14 பிளாஸ்டிக் பொருட்களுக்கு புதுச்சேரியில் மார்ச்- 1 முதல் தடை - முதல் அமைச்சர் அறிவிப்பு
தமிழகத்தைப்போல் புதுச்சேரியிலும் மார்ச் 1-ந்தேதி முதல் கைப்பை, தேநீர் குவளை உள்ளிட்ட 14 பிளாஸ்டிக் பொருட்களுக்கு தடை விதிக்கப்படுகிறது என்று முதல்-அமைச்சர் நாராயணசாமி அறிவித்தார்.
4. முதல்–அமைச்சர் பற்றி அவதூறாக பேசியதாக மு.க.ஸ்டாலின், ஈ.வி.கே.எஸ்.இளங்கோவன் மீது திருச்சி கோர்ட்டில் வழக்கு
முதல்–அமைச்சர் பற்றி அவதூறாக பேசியதாக மு.க.ஸ்டாலின், ஈ.வி.கே.எஸ்.இளங்கோவன் மீது திருச்சி கோர்ட்டில் வழக்கு தொடரப்பட்டது.
5. தமிழர்களின் பாரம்பரியத்தை பாதுகாத்து தமிழ் சமுதாயத்துக்கு பெருமை சேர்ப்போம் -அமைச்சர் நமச்சிவாயம் பொங்கல் வாழ்த்து
தமிழர்களின் பாரம்பரியத்தை கலாசாரத்தை பாதுகாத்து தமிழ் சமுதாயத்துக்கு பெருமை சேர்ப்போம் என அமைச்சர் நமச்சிவாயம் பொங்கல் வாழ்த்து தெரிவித்துள்ளார்.