பெண் கடத்தலா? போலீசார் விசாரணை

வேப்பந்தட்டை,

பெரம்பலூர் மாவட்டம், வேப்பந்தட்டையை அடுத்துள்ள பிம்பலூரை சேர்ந்தவர் கருணாநிதி. இவரது மகள் சுகப்பிரியா (வயது 22). இந்நிலையில் நேற்று முன்தினம் இரவு திடீரென வீட்டிலிருந்த சுகப்பிரியாவை காணவில்லை. இதையடுத்து அவரை அவரது பெற்றோர் மற்றும் உறவினர்கள் பல்வேறு இடங்களில் தேடி பார்த்தனர். எங்கு தேடியும் அவர் கிடைக்கவில்லை. இதுகுறித்து கருணாநிதி வி.களத்தூர் போலீஸ் நிலையத்தில் புகார் கொடுத்தார். அதன் பேரில் போலீசார் வழக்குப்பதிவு செய்து சுகப்பிரியாவை யாரேனும் கடத்தி சென்றுள்ளனரா? என்பன உள்பட பல்வேறு கோணங்களில் விசாரணை நடத்தி வருகின்றனர்.