போக்குவரத்தில் புரட்சியை ஏற்படுத்தப்போகும் தொழில்நுட்பங்கள்!

போக்குவரத்து வசதிகள் அதிகரித்திருக்கின்றன, பயண நேரம் குறைந்திருக்கிறது... இப்படி சொல்லிக்கொண்டே போகலாம்.

சரி, எதிர்காலத்தில் போக்குவரத்து எப்படியிருக்கும்? இப்படி ஒரு கேள்வியைக் கேட்டால், நான்கு தொழில்நுட்பங்கள்தான் எதிர்காலத்தில் மண், விண் போக்குவரத்தில் ஆதிக்கம் செலுத்தும் என்கிறார்கள் இத்துறை வல்லுநர்கள்.

அவர்கள் சொல்லும் அந்த 4 தொழில்நுட்பங்கள் பற்றி...




விண்வெளிப் பயணம்: ‘பால்கன் ஹெவி’ என்ற உலகின் மிகவும் சக்திவாய்ந்த ராக்கெட்டை ஸ்பேஸ்எக்ஸ் நிறுவனம் இந்த வருடத்தின் தொடக்கத்தில் விண்ணில் ஏவியது. அப்போது அந்நிறுவனத்தின் தலைவர் எலான் மஸ்க்குக்கு சொந்தமான சிவப்பு வண்ண காரே ராக்கெட்டில் பறந்து சென்றது. எதிர்காலத்தில் சுற்றுலாப் பயணிகளை விண்ணுக்கு அனுப்பத் திட்டமிட்டுள்ள ஸ்பேஸ் எக்ஸ், 2022-ல் செவ்வாய்க்குச் செல்லவும் திட்டமிட்டுள்ளது. ஆனால் ‘பயணிகளுக்கான’ கட்டணம்தான் எக்கச்சக்கமாக இருக்கும்!