மாவட்ட செய்திகள்

ரூ.34 ஆயிரம் கோடி கடன் தள்ளுபடி செய்ததில் மக்களை திசை திருப்ப பா.ஜனதா முயற்சி முதல்–மந்திரி குமாரசாமி பேட்டி + "||" + Rs 34,000 crore was disbursed on loan Divert people BJP is trying

ரூ.34 ஆயிரம் கோடி கடன் தள்ளுபடி செய்ததில் மக்களை திசை திருப்ப பா.ஜனதா முயற்சி முதல்–மந்திரி குமாரசாமி பேட்டி

ரூ.34 ஆயிரம் கோடி கடன் தள்ளுபடி செய்ததில் மக்களை திசை திருப்ப பா.ஜனதா முயற்சி முதல்–மந்திரி குமாரசாமி பேட்டி
ரூ.34 ஆயிரம் கோடி கடன் தள்ளுபடி விவகாரத்தில் மக்களை திசை திருப்ப பா.ஜனதா முயற்சிப்பதாக முதல்–மந்திரி குமாரசாமி தெரிவித்துள்ளார்.

பெங்களூரு,

ரூ.34 ஆயிரம் கோடி கடன் தள்ளுபடி விவகாரத்தில் மக்களை திசை திருப்ப பா.ஜனதா முயற்சிப்பதாக முதல்–மந்திரி குமாரசாமி தெரிவித்துள்ளார்.

பெங்களூருவில் நேற்று முதல்–மந்திரி குமாரசாமி நிருபர்களுக்கு பேட்டி அளித்தார். அப்போது அவர் கூறியதாவது:–

7 மாவட்டங்களில் தொழிற்சாலை

கூட்டணி ஆட்சியின் முதல் பட்ஜெட்டை தாக்கல் செய்துள்ளேன். பட்ஜெட்டில் பெட்ரோல், டீசல் மீதான வரியை உயர்த்தி இருப்பதை பற்றி மட்டும் பெரிதாக பேசுகிறார்கள். மத்தியில் பா.ஜனதா ஆட்சிக்கு வந்த பின்பு பெட்ரோல், டீசல் விலை உயர்ந்திருப்பது பற்றி யாரும் பேசுவதில்லை. பட்ஜெட்டில் ஏழை, எளிய குடும்பங்களை சேர்ந்த இளைஞர்களுக்கு வேலை வாய்ப்பு கொடுக்க 7 மாவட்டங்களில் தொழிற்சாலை அமைக்கப்படுவது குறித்து அறிவித்துள்ளேன். தொலைநோக்குடன் பல திட்டங்களை அறிவித்துள்ளேன்.

விவசாயிகள் கடன் ரூ.34 ஆயிரம் கோடி தள்ளுபடி செய்யப்பட்டுள்ளது. விவசாயிகள் கடன் படிப்படியாக தள்ளுபடி செய்யப்படும். அதற்கான எல்லா நடவடிக்கையும் எடுத்து வருகிறேன். ஹாசன், ராமநகர், மண்டியா மாவட்டங்களை சேர்ந்த விவசாயிகளின் பயன்பெறும் வகையில் கடன் தள்ளுபடி செய்திருப்பதாக குற்றச்சாட்டுகளை கூறுகிறார்கள். குறிப்பாக ஒக்கலிக சமுதாயத்தை சேர்ந்தவர்களுக்கு பட்ஜெட்டில் அதிக சலுகை வழங்கப்பட்டுள்ளதாகவும் தவறான குற்றச்சாட்டுகளை கூறி வருகின்றனர்.

கர்நாடகத்தின் வளர்ச்சி மட்டுமே...

நான் ஒரு சாதிக்கான முதல்–மந்திரி அல்ல. நான் விவசாயிகளுக்கான முதல்–மந்திரி. ரூ.34 ஆயிரம் கோடி கடன் தள்ளுபடி செய்யப்பட்டுள்ளதில் அதிக பயன்பெறுவது பெலகாவி, பாகல்கோட்டை, விஜயாப்புரா மாவட்டங்கள் ஆகும். பெலகாவி மாவட்டத்தில் ரூ.4,700 கோடியும், பாகல்கோட்டையில் ரூ.3 ஆயிரம் கோடிக்கும் அதிகமாகும். மண்டியா மாவட்டத்தை சேர்ந்த பொறுத்த வரை ரூ.1,500 கோடி தான் இருக்கிறது. அப்படி இருக்கும் போது வடகர்நாடக மாவட்டத்திற்கு முக்கியத்துவம் கொடுக்கவில்லை என்று எப்படி சொல்ல முடியும்.

கலபுரகி, பீதர், சித்ரதுர்கா, கொப்பல் மாவட்டங்களில் தொழிற்சாலை அமைக்கப்படும் என்று அறிவித்துள்ளேன். எந்த ஒரு குறிப்பிட்ட மாவட்டத்திற்கும் முன்னுரிமை கொடுக்கவில்லை. வடகர்நாடகம், தென்கர்நாடகம் என்ற பாகுபாட்டை நான் பார்ப்பது கிடையாது. கர்நாடகத்தின் ஒட்டு மொத்த வளர்ச்சி மட்டுமே எனது குறிக்கோள். அதனை கவனத்தில் கொண்டு தான் பட்ஜெட்டில் திட்டங்களை அறிவித்துள்ளேன். முந்தைய காங்கிரஸ் ஆட்சியில் கொண்டு வரப்பட்ட திட்டங்கள் அனைத்தும் தொடர்கிறது.

மக்களை திசை திருப்ப முயற்சி

ரூ.34 ஆயிரம் கோடி கடனை தள்ளுபடி செய்ததில் விவசாயிகள் மற்றும் மக்களை திசை திருப்ப பா.ஜனதா முயற்சிக்கிறது. விவசாயிகளை காப்பாற்றவே கடனை தள்ளுபடி செய்தேன். விவசாயிகள் இதனை புரிந்து கொள்ள வேண்டும். ரூ.34 ஆயிரம் கோடி கடனை தள்ளுபடி செய்து, கொள்ளையர்களிடம் கொடுக்கவில்லை. விவசாயிகளிடம் தான் கொடுத்துள்ளேன். அந்த பணத்தை எனது வீட்டிற்கு எடுத்து செல்லவில்லை. விவசாயிகள் கடன் தள்ளுபடி விவகாரத்தில் பரப்பப்படும் தவறான தகவல்களை விவசாயிகள் நம்ப வேண்டாம். கடனை தள்ளுபடி செய்த பின்பும் விவசாயிகள் தற்கொலை செய்வது வேதனை அளிக்கிறது.

அதனால் விவசாயிகள் யாரும் தற்கொலை செய்யும் முடிவுக்கு வர வேண்டாம் என்று கைகளை கூப்பி கேட்டுக் கொள்கிறேன். இன்னும் 4 நாட்கள் மட்டும் பொறுமையாக இருங்கள். பட்ஜெட் மீது குறை கூறுபவர்களுக்கு விதானசவுதாவில் தக்க பதிலளிப்பேன். அதற்கு நான் தயாராக இருக்கிறேன். பா.ஜனதாவினருக்கு குற்றச்சாட்டு கூறுவது தவற வேறு இல்லை. பட்ஜெட் பற்றி அவர்களுக்கு எதுவும் தெரியாமல் குற்றச்சாட்டு கூறுகிறார்கள். பா.ஜனதாவினர் கூறும் குற்றச்சாட்டுகள் தவறு என்பதை ஆதாரங்களை வெளியிட்டு விதானசவுதாவில் தகுந்த பதிலளிப்பேன்.

இவ்வாறு குமாரசாமி கூறினார்.



தொடர்புடைய செய்திகள்

1. மதுவிற்கு எதிராக தந்தையுடன் வக்கீல் நந்தினி பிரசாரம்: பா.ஜ.க.வினர் தடுத்ததால் பரபரப்பு
காரைக்குடியில் மதுவிற்கு எதிராக பிரசாரம் செய்த வக்கீல் நந்தினி மற்றும் அவரது தந்தையை பா.ஜ.க.வினர் தடுத்து நிறுத்தியதால் பரபரப்பு ஏற்பட்டது.
2. தாராபுரத்தில் பெரியார் சிலை அவமதிக்கப்பட்ட விவகாரம்: கைதானவர் புகைப்படத்திற்கு பதிலாக வேறு ஒருவரின் படம் நடவடிக்கை எடுக்கக்கோரி போலீசில் பா.ஜனதா கட்சியினர் புகார்
தாராபுரத்தில் பெரியார் சிலை அவமதிப்பு செய்யப்பட்டது தொடர்பாக சமூக வலைத்தளங்களில் கைதானவரின் புகைப்படத்திற்கு பதிலாக வேறு ஒருவரின் புகைப்படம் இடம் பெற்று இருப்பதாகவும், இது தொடர்பாக நடவடிக்கை எடுக்க வேண்டும் என்று பாஜனதா கட்சியினர் போலீசில் புகார் செய்தனர்.
3. கேள்விகேட்க முயன்றபோது பாஜகவினர் தன்னை தாக்கியது உண்மைதான்-ஆட்டோ ஓட்டுநர்
தமிழிசையிடம் கேள்விகேட்க முயன்றபோது பாஜகவினர் தன்னை தாக்கியது உண்மைதான் என ஆட்டோ ஓட்டுநர் கதிர் தெரிவித்துள்ளார்
4. காவலர் பணிக்கான வயதுவரம்பு: கவர்னர் முடிவினை மறுபரிசீலனை செய்யவேண்டும் பாரதீய ஜனதா வலியுறுத்தல்
காவலர் பணிக்கான வயது வரம்பு வி‌ஷயத்தில் கவர்னர் கிரண்பெடி தனது முடிவினை மறுபரிசீலனை செய்யவேண்டும் என்று பாரதீய ஜனதா மாநில தலைவர் சாமிநாதன் எம்.எல்.ஏ. கூறினார்.
5. கோவா சட்டமன்றத்தில் பா.ஜ.க. பெரும்பான்மையை நிரூபிக்க வேண்டும்; காங்கிரஸ் கட்சி
கோவா சட்டமன்றத்தில் நம்பிக்கை வாக்கெடுப்பு நடத்தி பாரதீய ஜனதா தலைமையிலான அரசு பெரும்பான்மையை நிரூபிக்க உத்தரவிட வேண்டும் என ஆளுநரிடம் காங்கிரஸ் கட்சி வேண்டுகோள் விடுத்துள்ளது.