மாவட்ட செய்திகள்

திருட்டு பழி சுமத்தியதால் தூக்குப்போட்டு வாலிபர் தற்கொலை + "||" + Theft committed suicide by throwing the blame

திருட்டு பழி சுமத்தியதால் தூக்குப்போட்டு வாலிபர் தற்கொலை

திருட்டு பழி சுமத்தியதால் தூக்குப்போட்டு வாலிபர் தற்கொலை
திருவிடைமருதூர் அருகே திருட்டு பழி சுமத்தியதால் வாலிபர் தூக்குப்போட்டு தற்கொலை செய்து கொண்டார்.
திருவிடைமருதூர்,

தஞ்சை மாவட்டம் திருவிடைமருதூர் அருகே உள்ள சிவபுரம் மாரியம்மன்கோவில் தெருவை சேர்ந்தவர் சேகர். இவருடைய மகன் குருபிரசாத்(வயது18). கடந்த சில தினங்களுக்கு முன்பு இவரது வீட்டின் அருகே ஒரு தங்க சங்கிலி கேட்பாரற்று கீழே கிடந்தது. இந்த சங்கிலியை எடுத்த குருபிரசாத் ஒரு அடகுக்கடையில் அடகு வைத்து பணம் வாங்கியதாக கூறப்படுகிறது. இந்நிலையில் அதே பகுதியை சேர்ந்த செல்வராஜ் என்பவர் தனது குழந்தையின் சங்கிலியை காணவில்லை என தேடினார். இதை அறிந்த குருபிரசாத் தனது தாயாரிடம் நடந்த விஷயங்களை கூறியுள்ளார்.

இதனால் குருபிரசாத்தின் பெற்றோர், செல்வராஜ் குடும்பத்தினரிடம் நடந்த விவரங்களை கூறி மகன் அடகு வைத்திருந்த சங்கிலியை மீட்டு செல்வராஜ் குடும்பத்தினரிடம் கொடுத்தனர். குருபிரசாத் தனக்கு திருட்டு பட்டம் சுமத்தி விட்டார்களே என நினைத்து மிகுந்த மன உளைச்சலில் இருந்தார். இந்நிலையில் நேற்று செக்காங்கண்ணி சாலையில் உள்ள வேப்பமரத்தில் குருபிரசாத் தூக்குப்போட்டு தற்கொலை செய்து கொண்டார். இது குறித்து திருவிடைமருதூர் போலீசார் வழக்குப்பதிவு செய்து விசாரணை நடத்தி வருகிறார்கள்.



தொடர்புடைய செய்திகள்

1. நாகர்கோவிலில் பயங்கரம்: கலப்பு திருமணம் செய்த வாலிபர் வெட்டிக் கொலை
நாகர்கோவிலில் கலப்பு திருமணம் செய்த வாலிபரை வெட்டிக் கொலை செய்த வழக்கில் 4 பேர் கொண்ட கும்பலை போலீசார் வலைவீசி தேடி வருகிறார்கள்.
2. கடைமடை பகுதிக்கு தண்ணீர் வராததால் விவசாயி தற்கொலை பயிர்கள் கருகியதால் வி‌ஷம் குடித்தார்
நாகை அருகே கடைமடை பகுதிக்கு தண்ணீர் வராததால் பயிர்கள் கருகின. இதனால் வி‌ஷம் குடித்து விவசாயி தற்கொலை செய்து கொண்டார்.
3. கோவில் உண்டியலை உடைத்து திருடிய வாலிபர் கைது
கறம்பக்குடி அருகே கோவிலில் இருந்த உண்டியலை உடைத்து திருடிய வாலிபரை போலீசார் கைது செய்தனர்.
4. மணப்பாறையில் குடிபோதையில் காருக்கு தீ வைத்த வாலிபர் கைது
மணப்பாறையில் குடிபோதையில் காருக்கு தீ வைத்த வாலிபரை, கண்காணிப்பு கேமராவில் பதிவான காட்சியை வைத்து போலீசார் பிடித்து கைது செய்தனர்.
5. சொத்தை பிரித்து தராததால் ஆத்திரம்: தந்தையை அடித்துக்கொன்ற வாலிபர் கைது
சொத்தை பிரித்து தராததால் ஆத்திரமடைந்து தந்தையை அடித்துக் கொன்ற வாலிபரை போலீசார் கைது செய்தனர். மேலும் அவர் விசாரணையில் பரபரப்பு வாக்குமூலம் அளித்துள்ளார்.