மாவட்ட செய்திகள்

சாக்கு தட்டுப்பாடு: நெல் கொள்முதல் பணி பாதிப்பு விவசாயிகள் விரக்தி + "||" + Excellent excise farmers are concerned about the impact of paddy procurement

சாக்கு தட்டுப்பாடு: நெல் கொள்முதல் பணி பாதிப்பு விவசாயிகள் விரக்தி

சாக்கு தட்டுப்பாடு: நெல் கொள்முதல் பணி பாதிப்பு விவசாயிகள் விரக்தி
கபிஸ்தலம் பகுதியில் சாக்கு தட்டுப்பாட்டால் நெல் கொள்முதல் பணி பாதிக்கப்பட்டுள்ளது. இதனால் விவசாயிகள் விரக்தி அடைந்துள்ளனர்.
கபிஸ்தலம்,

தஞ்சை மாவட்டம் கபிஸ்தலம் பகுதியில் நெல், உளுந்து, எள், காய்கறி உள்ளிட்ட பண பயிர்கள் அதிகளவில் பயிரிடப்பட்டு வருகின்றன. கடந்த ஆண்டு (2017) ஆயிரம் ஏக்கருக்கும் மேலாக உளுந்து, எள், காய்கறி பயிர்கள் சாகுபடி செய்யப்பட்டு இருந்தது. கோடை காலத்தில் பெய்த மழையால் இந்த பயிர்கள் பாதிக்கப்பட்டன. உளுந்து, எள்ளின் விலை சரிவால் விவசாயிகள் நஷ்டத்தை சந்திக்க வேண்டி இருந்தது.


இதன் காரணமாக இந்த ஆண்டு (2018) கபிஸ்தலம் பகுதியை சேர்ந்த விவசாயிகள் கோடை காலத்தில் பண பயிர்களை கைவிட்டு நெல் சாகுபடியை மேற்கொண்டனர். இதில் நல்ல விளைச்சல் கிடைத்திருப்பதால் விவசாயிகள் மகிழ்ச்சி அடைந்துள்ளனர். தற்போது கோடை நெல் அறுவடை முடிந்து விட்டது. விளைந்த நெல்லை விவசாயிகள் அரசின் நேரடி கொள்முதல் நிலையங்களில் விற்பனை செய்து வருகிறார்கள்.

இந்த நிலையில் கபிஸ்தலம் மற்றும் சுற்று வட்டார கிராமங்களில் அமைக்கப்பட்டுள்ள கொள்முதல் நிலையங்களில் சாக்கு தட்டுப்பாடு நிலவுகிறது. இதனால் நெல் கொள்முதல் பணி பாதிக்கப்பட்டுள்ளது. இதனால் விவசாயிகள் விரக்தி அடைந்துள்ளனர்.

கொள்முதல் நிலையங் களில் விற்பனை செய்ய கொண்டு வரும் நெல்லை சேமித்து வைக்க வசதியாக தேவையான அளவு சாக்குகளை இருப்பு வைக்க வேண்டும் என விவசாயிகள் கோரிக்கை விடுத்துள்ளனர்.

இதுகுறித்து விவசாயிகள் கூறியதாவது:-

கபிஸ்தலம் பகுதியில் உள்ள நெல் கொள்முதல் நிலையங்களில் நெல்லை கொள்முதல் செய்வதற்கு சாக்குகள் இல்லை. இதனால் நெல்லை கொள்முதல் நிலையத்துக்கு கொண்டு வந்து தார்ப்பாயால் மூடி வைத்துள்ளோம்.

இப்பகுதியில் அடிக்கடி மழை பெய்வதால் நெல் மூட்டைகளை பாதுகாக்க சிரமமாக உள்ளது. இந்த பிரச்சினைக்கு சம்பந்தப்பட்ட அதிகாரிகள் விரைந்து தீர்வு காண வேண்டும். கொள்முதல் நிலையங்களில் சாக்குகளை அதிகளவில் இருப்பு வைக்க வேண்டும்.

இவ்வாறு விவசாயிகள் கூறினர். 


தொடர்புடைய செய்திகள்

1. குடிநீர் தட்டுப்பாட்டை தீர்க்ககோரி மணப்பாறை ஊராட்சி ஒன்றிய அலுவலகத்தை பெண்கள் முற்றுகை
குடிநீர் தட்டுப்பாட்டை தீர்க்ககோரி மணப்பாறை ஊராட்சி ஒன்றிய அலுவலகத்தை பெண்கள் முற்றுகையிட்டனர்.
2. அந்தூர் பகுதியில் குடிநீர் தட்டுப்பாடு: போராட்டம் நடத்த முயன்ற பொதுமக்கள்
பெரம்பலூர் மாவட்டம் குன்னம் அருகே உள்ள அந்தூர் கிராமத்தில் கடுமையாக குடிநீர் தட்டுப்பாடு ஏற்பட்டுள்ளது.
3. கஜா புயலால் மின் இணைப்பு துண்டிப்பு தஞ்சை, நாகை, திருவாரூர் மாவட்டங்களில் மெழுகுவர்த்தி தட்டுப்பாடு
கஜா புயலால் மின் இணைப்பு துண்டிக்கப்பட்டதால் தஞ்சை, நாகை, திருவாரூர் மாவட்டங்களில் மெழுகுவர்த்தி தட்டுப்பாடு நிலவுகிறது.
4. நிவாரண பணிகள் நடைபெறவில்லை என புகார் ஒரத்தநாட்டில் 3-வது நாளாக சாலை மறியல்
குடிநீர் உள்ளிட்ட நிவாரண பணிகள் சரிவர முழுவீச்சில் நடைபெறவில்லை எனக்கூறி ஒரத்தநாடு பகுதியில் நேற்று 3-வது நாளாக பொதுமக்கள் சாலை மறியல் போராட்டத்தில் ஈடுபட்டனர்.
5. குடிநீர் கேட்டு எம்.எல்.ஏ. வீடு முற்றுகை பேராவூரணியில் பரபரப்பு
பேராவூரணியில், குடிநீர் கேட்டு எம்.எல்.ஏ. வீடு முற்றுகையிடப்பட்டதால் பரபரப்பு ஏற்பட்டது.