மாவட்ட செய்திகள்

வார விடுமுறையையொட்டி கொடைக்கானலில் குவிந்த சுற்றுலா பயணிகள் + "||" + Tourists accumulated in Kodaikanai on weekends

வார விடுமுறையையொட்டி கொடைக்கானலில் குவிந்த சுற்றுலா பயணிகள்

வார விடுமுறையையொட்டி கொடைக்கானலில் குவிந்த சுற்றுலா பயணிகள்
வார விடுமுறையையொட்டி, கொடைக்கானலில் சுற்றுலா பயணிகள் குவிந்தனர்.
ஜூலை.9-

‘மலைகளின் இளவரசி’ என வர்ணிக்கப்படும் கொடைக்கானலில் ஆண்டு முழுவதும் இதமான சீதோஷ்ண நிலை நிலவும். இதை அனுபவிப்பதற்காக தமிழகம் மட்டுமின்றி வெளிமாநிலம், வெளிநாடுகளில் இருந்து தினமும் ஏராளமான சுற்றுலா பயணிகள் வருகை தருவார்கள். குறிப்பாக விடுமுறை நாட்களில் சுற்றுலா பயணிகளின் கூட்டம் களைகட்டும்.

தற்போது கொடைக்கானலில் தென்மேற்கு பருவமழை அவ்வப்போது பெய்து வருகிறது. இதனால் இதமான சூழ்நிலை நிலவுகிறது. அதுமட்டுமின்றி 12 ஆண்டுகளுக்கு ஒரு முறை பூக்கும் நீலக்குறிஞ்சி பூக்களும் தற்போது பூத்து குலுங்குகின்றன. இதனால் கொடைக்கானலுக்கு சுற்றுலா பயணிகளின் வருகை அதிகரித்துள்ளது.

நேற்று வார விடுமுறையையொட்டி மோட்டார் சைக்கிள், கார், வேன் உள்ளிட்ட வாகனங்களில் அதிகாலை முதலே சுற்றுலா பயணிகள் குவிந்தனர். இதனால் நகரின் பல்வேறு இடங்களில் போக்குவரத்து நெரிசல் ஏற்பட்டது. போதுமான போலீசார் இல்லாததால் நகரின் போக்குவரத்தை சீரமைப்பதில் சிக்கல் ஏற்பட்டது. இருப்பினும் அப்பகுதியை சேர்ந்த பொதுமக்களே வாகன டிரைவர்களின் உதவியுடன் போக்குவரத்தை சீரமைத்தனர்.

சுற்றுலா பயணிகளின் வருகையையொட்டி சுற்றுலா இடங்கள் களைகட்டியது. பிரையண்ட் பூங்கா, பைன் மரக்காடுகள், மோயர்பாயிண்ட், பில்லர்ராக் உள்ளிட்ட இடங்களில் சுற்றுலா பயணிகளின் கூட்டம் அலைமோதியது. சுற்றுலா பயணிகளை மகிழ்விக்கும் வகையில் அவ்வப்போது மேகக்கூட்டங்கள் தரையிறங்கி சென்றன.

இதுதவிர படகுசவாரி, குதிரை சவாரி, சைக்கிள் சவாரி செய்வதிலும் சுற்றுலா பயணிகள் ஆர்வம் காட்டினர். சுற்றுலா பயணிகளின் வருகை அதிகரித்ததின் காரணமாக அதனை நம்பியிருந்த தொழிலாளர்கள் மகிழ்ச்சி அடைந்தனர்.


தொடர்புடைய செய்திகள்

1. தொடர் விடுமுறை காரணமாக பஞ்சலிங்க அருவியில் சுற்றுலா பயணிகள் உற்சாக குளியல்
தொடர்விடுமுறை காரணமாக பஞ்சலிங்க அருவியில் சுற்றுலா பயணிகள் உற்சாகமாக குளித்து மகிழ்ந்தனர்.
2. முதுமலை புலிகள் காப்பக சாலைகளில் செல்ல சுற்றுலா பயணிகளிடம் கட்டணம் வசூல்
முதுமலை புலிகள் காப்பக சாலைகளில் செல்ல சுற்றுலா பயணிகளிடம் கட்டணம் வசூலிக்கப்பட்டு வருகிறது.
3. தனுஷ்கோடி நடுக்கடலில் புதிதாக உருவான மணல் திட்டு; சுற்றுலா பயணிகள் ஆச்சரியத்துடன் பார்த்தனர்
கடல் நீரோட்ட மாற்றத்தால் தனுஷ்கோடி நடுக்கடலில் புதிதாக உருவான மணல் திட்டுகளை சுற்றுலா பயணிகள் ஆச்சரியத்துடன் பார்த்து சென்றனர்.
4. வேடசந்தூர் அருகே விபத்து: வேன் கவிழ்ந்து சுற்றுலா பயணிகள் 15 பேர் படுகாயம்
வேடசந்தூர் அருகே வேன் கவிழ்ந்து சுற்றுலா பயணிகள் 15 பேர் படுகாயம் அடைந்தனர்.
5. திம்பம் மலைப்பாதையில் கடமானை துரத்தி வந்த சிறுத்தை; நேரில் பார்த்த சுற்றுலா பயணிகள் சத்தமிட்டதால் ஓடியது
திம்பம் மலைப்பாதையில் கடமானை துரத்தி வந்த சிறுத்தையை சுற்றுலாப்பயணிகள் நேரில் பார்த்து சத்தமிட்டதால் ஓடியது.