மாவட்ட செய்திகள்

திருவள்ளூர் மாவட்டத்தில் பூச்சி கொல்லி மருந்துகள் வாங்கும் போது விலைப்பட்டியல் வழங்கா விட்டால் நடவடிக்கை, கலெக்டர் எச்சரிக்கை + "||" + If the price list is not given when purchasing pest controls

திருவள்ளூர் மாவட்டத்தில் பூச்சி கொல்லி மருந்துகள் வாங்கும் போது விலைப்பட்டியல் வழங்கா விட்டால் நடவடிக்கை, கலெக்டர் எச்சரிக்கை

திருவள்ளூர் மாவட்டத்தில் பூச்சி கொல்லி மருந்துகள் வாங்கும் போது விலைப்பட்டியல் வழங்கா விட்டால் நடவடிக்கை, கலெக்டர் எச்சரிக்கை
திருவள்ளூர் மாவட்டத்தில் பூச்சி கொல்லி மருந்துகள் வாங்கும் போது விலைப்பட்டியல் வழங்கா விட்டால் கடும் நடவடிக்கை எடுக்கப்படும் என்று கலெக்டர் சுந்தரவல்லி எச்சரிக்கை விடுத்துள்ளார்.

திருவள்ளூர்,

திருவள்ளூர் மாவட்ட கலெக்டர் சுந்தரவல்லி விடுத்துள்ள செய்திக்குறிப்பில் கூறியிருப்பதாவது:–

திருவள்ளூர் மாவட்டத்தில் நேரடி உர மானிய திட்டத்தின் கீழ் விற்பனை முனைக்கருவிகள் தனியார் விற்பனை நிலையத்திற்கு 140 எண்ணிக்கையிலும், தொடக்க வேளாண்மை கூட்டுறவு வங்கிகளுக்கு 111 எண்ணிக்கையிலும் மொத்தம் 251 விற்பனை முனைக்கருவிகள் அரசால் வழங்கப்பட்டு தகுதி வாய்ந்த வல்லுனர்களால் முறையான பயிற்சிகளும் 3 கட்டங்களாக பிரித்து வழங்கப்பட்டுள்ளது. இந்த திட்டம் 1–1–2018 முதல் திருவள்ளூர் மாவட்டத்தில் நடைமுறைப்படுத்தப்பட்டு வருகிறது.

விவசாயிகள் நேரடி மானிய திட்டத்தில் தங்களுக்கு தேவையான உரம் வாங்கும் போது ஆதார் எண் மற்றும் கைவிரல் ரேகை பதிவுடன் மட்டுமே வாங்கி கொள்ளவேண்டும். மேலும் இணையதள விலைப்பட்டியல் பெற்று கொள்ள வசதிகள் செய்யப்பட்டுள்ளது. இருப்பினும் விலைப்பட்டியல் வழங்கப்படுவதில்லை என விவசாயிகளிடம் இருந்து புகார்கள் வந்துள்ளது.

விவசாயிகள் குறைதீர்க்கும் நாள் கூட்டத்திலும் விலை கொடுத்து வாங்கும் உரங்களுக்கும், பூச்சி மருந்துகளுக்கும் விலைப்பட்டியல் தருவதில்லை என ஊத்துக்கோட்டை பகுதியை சேர்ந்த விவசாயிகள் புகார் தெரிவித்துள்ளனர்.

இணையதள விலைப்பட்டியல் வழங்காத உரவிற்பனையாளர்கள் மீது உரக்கட்டுப்பாட்டு சட்டம் 1985–ன்படியும், பூச்சி கொல்லி மருந்துகளுக்கு முறையான பட்டியல் வழங்காத பூச்சி மருந்து விற்பனை நிலையத்தின் மீது பூச்சி கொல்லி மருந்து சட்டம் 1968–ன்படியும், கடும் நடவடிக்கை எடுக்க வேளாண் அதிகாரிகளுக்கு உத்தரவிடப்பட்டுள்ளது. விவசாயிகள் உரம் வாங்கும் போது தவறாமல் உரிய விலைப்பட்டியலை கேட்டு பெற்றுக்கொள்ளவேண்டும். விலை பட்டியலை உரமூட்டையில் உள்ள விலையுடன் சரிபார்த்து கொள்ளவேண்டும். ரசீதுகள் தரமறுக்கும் விற்பனை நிலையங்கள் குறித்து புகார் தெரிவிக்கலாம்.

மேலும் அனைத்து விவசாயிகளும் அந்தந்த பகுதி வட்டார வேளாண்மை விரிவாக்க மைய அலுவலர்களை அணுகி பயிருக்கு ஏற்ப என்ன உரம், என்ன பூச்சி கொல்லி மருந்து, எவ்வளவு பயன்படுத்த வேண்டும், எப்படி பயன்படுத்த வேண்டும் என்ற விவரங்களை தெரிந்து கொண்டு பிறகு அதனை பயன்படுத்த வேண்டும் என அந்த செய்திக்குறிப்பில் தெரிவிக்கப்பட்டுள்ளது.



தொடர்புடைய செய்திகள்

1. தாராபுரம் சப்–கலெக்டர் அலுவலகத்தில் பட்டாவை திரும்ப வழங்க வலியுறுத்தி மண்டியிட்டு பிச்சை கேட்கும் போராட்டம்
பட்டாவை திரும்ப வழங்க வலியுறுத்தி தாராபுரம் சப்–கலெக்டர் அலுவலகத்தில் மண்டியிட்டு பிச்சை கேட்கும் போராட்டம் நடத்தியவர்களால் பரபரப்பு ஏற்பட்டது.
2. கடந்த 2 ஆண்டுகளில் 32,471 மாணவர்களுக்கு விலையில்லா சைக்கிள் கலெக்டர் கணேஷ் தகவல்
புதுக்கோட்டை மாவட்டத்தில் கடந்த 2 ஆண்டுகளில் 32,471 மாணவர்களுக்கு விலையில்லா சைக்கிள் வழங்கப்பட்டு உள்ளது என்று கலெக்டர் கணேஷ் தெரிவித்து உள்ளார்.
3. 3-வது சுரங்கம் அமைக்க: ‘என்.எல்.சி.க்கு நிலம் கொடுக்கமாட்டோம்; நிர்பந்தம் செய்தால் தற்கொலை செய்வோம்’ - கருத்துக்கேட்பு கூட்டத்தில் கிராம மக்கள் அறிவிப்பு
3-வது சுரங்கம் அமைக்க என்.எல்.சி.க்கு நிலம் கொடுக்கமாட்டோம், நிர்பந்தம் செய்தால் தற்கொலை செய்வோம் என்று கருத்துக்கேட்பு கூட்டத்தில் கலெக்டர் முன்பு கிராம மக்கள் அறிவித்தனர்.
4. ஈரோடு கலெக்டர் வீட்டுக்கு இறந்த சிறுமியின் உடலை கொண்டு செல்ல முயன்றவர் கைது
இறந்த சிறுமியின் உடலை ஈரோடு கலெக்டர் வீட்டுக்கு கொண்டு செல்ல முயன்றவர் கைது செய்யப்பட்டார். போலீஸ் சோதனையை மீறி மோட்டார் சைக்கிளில் எடுத்து சென்றதால் பரபரப்பு ஏற்பட்டது.
5. கோவில்பட்டி உதவி கலெக்டர் அலுவலகத்தை விவசாயிகள் முற்றுகை பாதிக்கப்பட்ட பயிர்களுக்கு இழப்பீடு வழங்க கோரிக்கை
படைப்புழு தாக்குதலால் பாதிக்கப்பட்ட பயிர்களுக்கு இழப்பீடு வழங்க வலியுறுத்தி, கோவில்பட்டி உதவி கலெக்டர் அலுவலகத்தை விவசாயிகள் முற்றுகையிட்டனர்.

அதிகம் வாசிக்கப்பட்டவை