கணவரை கொன்ற வழக்கில் கைதான மனைவி உள்பட 3 பேர் சிறையில் அடைப்பு

ஓமலூர்,

சேலம் மாவட்டம், தொளசம்பட்டியை அடுத்த ஊ.மாரமங்கலம் ஏரி அருகே கடந்த 7–ந்தேதி ஒருவர் கல்லால் தாக்கப்பட்டு பிணமாக கிடந்தார். அவரது பிணத்தை கைப்பற்றி தொளசம்பட்டி போலீசார் விசாரணை நடத்தினர். விசாரணையில் கல்லால் தாக்கி கொலை செய்யப்பட்டு பிணமாக கிடந்தவர் ஓமலூரை அடுத்த பண்ணப்பட்டி காக்கியானூரை சேர்ந்த சுரேஷ் என்பது தெரிய வந்தது.

இது தொடர்பாக போலீசார் நடத்திய விசாரணையில் கள்ளக்காதல் விவகாரம் காரணமாக சுரேஷ் படுகொலை செய்யப்பட்டு இருப்பது தெரிய வந்தது. இதையடுத்து அவரது மனைவி அலமேலுவை போலீசார் கைது செய்தனர். போலீசார் தேடுவதை அறிந்த அவரது கள்ளக்காதலன் சிந்தாமணியை சேர்ந்த ஜோதிடர் சுந்தரம் வி‌ஷம் குடித்து விட்டார். இதனால் அவரை அக்கம், பக்கத்தினர் மீட்டு சிகிச்சைக்காக ஓமலூர் அரசு ஆஸ்பத்திரியில் சேர்த்தனர். அங்கு சிகிச்சை பெற்று வருகிறார். இது தொடர்பாக நேற்று முன்தினம் சுந்தரத்தின் நண்பரான சேலம் கிச்சிப்பாளையத்தை சேர்ந்த கார்த்திகேயன்(28) என்பவரை போலீசார் கைது செய்தனர்.

இந்த கொலை வழக்கு தொடர்பாக சேலம் கிச்சிப்பாளையத்தை சேர்ந்த லோகேஸ்குமார்(23) என்பவரை போலீசார் தேடி வந்தனர். போலீசார் தேடுவதை அறிந்த அவர் நேற்று காலை ஓமலூர் போலீசில் சரண் அடைந்தார். அவரை போலீசார் கைது செய்தனர். கைதான 3 பேரிடம் போலீசார் விசாரணை நடத்தினார். போலீசில் அவர்கள் அளித்த வாக்குமூலத்தில் கூறி இருப்பதாவது–

தர்மபுரி மாவட்டம், பொம்மிடி பகுதியில் சுந்தரத்துக்கு சொந்தமான விவசாய நிலத்தில் சுரேஷ் தனது குடும்பத்தினருடன் வசித்து வந்தார். செம்மாண்டம்பட்டியில் குடி இருந்த போது ஜோதிடம் பார்க்க வந்த சுந்தரத்துக்கும், சுரேஷின் மனைவி அலமேலுவுக்கும் கள்ளத்தொடர்பு ஏற்பட்டது. இதனால் தனது கள்ளக்காதலியை சுந்தரம் பொம்மிடிக்கு அழைத்து வந்தார். ஆனால் சுரேஷ் சரிவர அங்கு வேலைக்கு செல்வதில்லை. இதனால் கணவன்–மனைவிக்கு இடையே அடிக்கடி குடும்ப தகராறு ஏற்பட்டது. சுரேசுக்கு குடிபழக்கம் இருந்ததால் அடிக்கடி மனைவியிடம் தகராறில் ஈடுபட்டார். 2 குழந்தைகளை அடிக்கடி அடித்து துன்புறுத்தி வந்தார்.