மாவட்ட செய்திகள்

டெல்லி பேரணியில் ஜி.எஸ்.டி. வரியில் இருந்து விலக்கு அளிக்க கோரி பிரதமரிடம் மனு + "||" + GSD in Delhi rally The petition to the Prime Minister demanding the exemption from tax

டெல்லி பேரணியில் ஜி.எஸ்.டி. வரியில் இருந்து விலக்கு அளிக்க கோரி பிரதமரிடம் மனு

டெல்லி பேரணியில் ஜி.எஸ்.டி. வரியில் இருந்து விலக்கு அளிக்க கோரி பிரதமரிடம் மனு
டெல்லி பேரணியில் ஜி.எஸ்.டி. வரியில் இருந்து விலக்கு அளிக்க கோரி பிரதமரிடம் மனு கொடுப்போம் என்று வணிகர் சங்கங்களின் பேரமைப்பு மாநில தலைவர் விக்கிரமராஜா கூறினார்.
திருச்சி,

தமிழ்நாடு வணிகர் சங்கங்களின் பேரமைப்பு மாநில தலைவரும், அகில இந்திய வணிகர்கள் சம்மேளனத்தின் தேசிய முதன்மை துணை தலைவருமான ஏ.எம். விக்கிரம ராஜா நேற்று திருச்சியில் நிருபர்களுக்கு பேட்டி அளித்தார். அப்போது அவர் கூறியதாவது:-


வரலாற்று சிறப்புமிக்க காந்திமார்க்கெட்டை கள்ளிக்குடி பகுதிக்கு மாற்றும் அறிவிப்பு கடந்த ஓராண்டு காலமாக வியாபாரிகள் மற்றும் பொதுமக்கள் மத்தியில் கடும் அச்சத்தை ஏற்படுத்தி உள்ளது.

காந்திமார்க்கெட் இடம் மாற்றம் செய்யப்பட்டால் 3 ஆயிரம் வியாபாரிகள் மற்றும் அவர்களை சார்ந்து இருக்க கூடிய 30 ஆயிரம் குடும்பத்தினர், பொதுமக்கள் பாதிக்கப்படுவார்கள். எனவே இந்த பிரச்சினை தொடர்பாக வணிகர் சங்கங்களின் பேரமைப்பு சார்பில் விரைவில் தமிழக முதல் - அமைச்சரை சந்தித்து பேச இருக்கிறோம்.

டெல்லியில் வருகிற 23, 24 மற்றும் 25-ந்தேதிகளில் அகில இந்திய வணிகர் சம்மேளனத்தின் பேரணி மற்றும் மாநாடு நடைபெற உள்ளது. 28 மற்றும் 18 சதவீத ஜி.எஸ்.டி. வரியில் இருந்து முழுமையாக விலக்கு அளிக்கவேண்டும், 5 மற்றும் 12 சதவீத ஜி.எஸ்.டி. வரி மட்டுமே வசூலிக்க வேண்டும். இப்படி செய்தால் தான் வரி ஏய்ப்பை தடுக்க முடியும், பெட்ரோல், டீசல் விலை உயர்வை கட்டுப்படுத்த அவற்றை ஜி.எஸ்.டி. வரி வரம்புக்குள் கொண்டு வரவேண்டும், 60 வயதான வியாபாரிகளுக்கு ஓய்வூதியம் வழங்கவேண்டும் என்ற கோரிக்கைகளை வலியுறுத்தி இந்த மாநாட்டில் தீர்மானங்கள் நிறைவேற்றப்படும். பேரணி முடிவில் பிரதமர் மோடியை சந்தித்து மனு கொடுக்க இருக்கிறோம்.

ஆன்லைன் வர்த்தகத்தினால் அமெரிக்காவில் ஏராளமான கடைகள் மூடப்பட்டு விட்டன. தமிழகத்திலும் அது போன்ற நிலை ஏற்படாமல் இருக்க ஆன்லைன் வர்த்தகத்துக்கு தடை விதிக்கவேண்டும். தமிழகத்தில் 50 ஆயிரத்துக்கும் மேற்பட்ட சிறு, குறு தொழிற்கூடங்கள் மூடப்பட்டு கிடக்கின்றன. இவற்றை திறக்க முதல் அமைச்சர் நடவடிக்கை எடுக்கவேண்டும். ஆந்திரா, தெலுங்கானா மாநிலங்கள் போட்டி போட்டுக்கொண்டு தொழிற்சாலைகள் அமைக்க அனுமதி கொடுத்து வருகிறார்கள். அதுபோன்ற ஒரு சூழலை தமிழகத்திலும் ஏற்படுத்த வேண்டும். அடுத்த ஆண்டு நடைபெற உள்ள பாராளுமன்ற தேர்தலில் வணிகர்களின் சக்தி என்ன என்பதை காட்ட இருக்கிறோம்.

இவ்வாறு அவர் கூறினார். பேட்டியின்போது மாநில பொதுச்செயலாளர் வெ. கோவிந்தராஜுலு உடன் இருந்தார். 


தொடர்புடைய செய்திகள்

1. கஜா புயலால் பாதிக்கப்பட்டவர்களின் கோரிக்கைகளை நிறைவேற்றாவிட்டால் போராட்டம் தீவிரம் அடையும் முத்தரசன் பேட்டி
கஜா புயலால் பாதிக்கப்பட்ட மக்களின் கோரிக்கைகளை நிறைவேற்றாவிட்டால் போராட்டம் தீவிரமடையும் என இந்திய கம்யூனிஸ்டு கட்சியின் மாநில செயலாளர் முத்தரசன் கூறினார்.
2. நாடாளுமன்ற தேர்தலில் காங்கிரஸ் கட்சியின் எதிர்காலம் பிரகாசமாக இருக்கிறது திருநாவுக்கரசர் பேட்டி
வருகிற நாடாளுமன்ற தேர்தலில் காங்கிரஸ் கட்சியின் எதிர்காலம் பிரகாசமாக இருக்கிறது என்று தமிழக காங்கிரஸ் தலைவர் திருநாவுக்கரசர் கூறினார்.
3. 8–ந் தேதி முதல் காலவரையற்ற வேலைநிறுத்தம் ஜாக்டோ– ஜியோ மாநில ஒருங்கிணைப்பாளர் பேட்டி
கோர்ட்டில் தீர்வு கிடைக்காவிட்டால் வருகிற 8–ந் தேதி முதல் காலவரையற்ற வேலைநிறுத்த போராட்டம் நடத்தப்படும் என்று ஜாக்டோ– ஜியோ மாநில ஒருங்கிணைப்பாளர் மாயவன் கூறினார்.
4. “நான்கு வழிச்சாலை திட்டத்தில் ஊழல் நடந்ததாக கூறுவது வேடிக்கையானது” பொன்.ராதாகிருஷ்ணன் பேட்டி
நான்கு வழிச்சாலை திட்டத்தில் ஊழல் நடந்ததாக கூறுவது வேடிக்கையானது என்று மத்திய மந்திரி பொன்.ராதாகிருஷ்ணன் கூறினார்.
5. இலங்கையில் யார் ஆட்சிக்கு வந்தாலும் தமிழர்களுக்கு நன்மை கிடைக்காது பழ.நெடுமாறன் பேட்டி
இலங்கையில் யார் ஆட்சிக்கு வந்தாலும் தமிழர்களுக்கு நன்மை கிடைக்காது என பழ.நெடுமாறன் கூறினார்.