மாவட்ட செய்திகள்

தாயை கொன்று குழிதோண்டி புதைத்த தொழிலாளி கைது + "||" + Worker arrested for killing mother

தாயை கொன்று குழிதோண்டி புதைத்த தொழிலாளி கைது

தாயை கொன்று குழிதோண்டி புதைத்த தொழிலாளி கைது
தாயை கொன்று குழிதோண்டி புதைத்த தொழிலாளி கைது செய்யப்பட்டார். சந்தேகம் வராமல் இருக்க ஆட்டையும் கொன்று புதைத்தார்.

மயிலாடுதுறை,

நாகை மாவட்டம் மயிலாடுதுறை அருகே உள்ள கப்பூர் வாளவராயன்குப்பத்தை சேர்ந்த முத்தையன் மனைவி உய்யம்மாள் (வயது 82). இவரது மகன் கலியமூர்த்தி (58), விவசாய கூலித்தொழிலாளி. உய்யம்மாள் தனது மகனுடன் வசித்துவந்தார். அரசு முதியோர் உதவித்தொகையும் பெற்றுவந்தார்.

கடந்த 2 மாதங்களாக உய்யம்மாள் முதியோர் உதவித்தொகையை வாங்கவில்லை என்று தெரிகிறது. இதுகுறித்து கிராம தலைவர் கலியமூர்த்தியிடம் கேட்டதற்கு அவர் சரிவர பதில் தெரிவிக்கவில்லை.

இந்த நிலையில் பெரம்பூர் போலீஸ் நிலையத்தில் கலியமூர்த்தி தனது தாயை கொலை செய்து புதைத்துவிட்டதாக கூறி சரண் அடைந்தார். அவரிடம் போலீசார் நடத்திய விசாரணையில் கிடைத்த தகவல்கள் வருமாறு:–

உய்யம்மாள் உடல்நிலை சரியில்லாததால் படுக்கையிலேயே இருந்தார். இதனால் கலியமூர்த்தியால் தனது தாயை பராமரிக்க இயலவில்லை. கடந்த ஏப்ரல் மாதம் 17–ந் தேதி தாய்–மகனுக்கு இடையே வாக்குவாதம் ஏற்பட்டது. அப்போது கலியமூர்த்தி ஆத்திரத்தில் தாயை கீழே தள்ளியதாகவும், அதில் தலையில் காயம் அடைந்த அவர் சம்பவ இடத்திலேயே இறந்ததாகவும் தெரியவந்தது.

இந்த கொலை தொடர்பாக அக்கம், பக்கத்தினருக்கு சந்தேகம் ஏற்படாமல் இருக்க வீட்டில் இருந்த ஒரு ஆட்டை கலியமூர்த்தி வெட்டி கொன்றார். அந்த ஆடு உடல்நிலை சரியில்லாமல் இறந்துவிட்டதாக கூறி அதனை புதைக்க தனது வீட்டின் கொல்லைபுறத்தில் குழிதோண்டினார்.

அந்த குழிக்குள் தனது தாயின் உடலையும், ஆட்டையும் ஒன்றாக சேர்த்து கலியமூர்த்தி புதைத்தார். அவரது மனைவி பூசம் இதற்கு உடந்தையாக இருந்துள்ளார். இந்த விவரங்கள் போலீசாரின் விசாரணையில் தெரியவந்தது. இதைத்தொடர்ந்து போலீசார் வழக்குப்பதிவு செய்து கலியமூர்த்தியை கைது செய்தனர்.



தொடர்புடைய செய்திகள்

1. அருப்புக்கோட்டையில் வீடு, குடோனில் பதுக்கிய ரூ.1 லட்சம் புகையிலை பொருட்கள் பறிமுதல்; 5 பேர் கைது
அருப்புக்கோட்டையில் வீடு மற்றும் குடோன்களில் போலீசார் அதிரடி சோதனை நடத்தி ரூ.1 லட்சம் மதிப்புள்ள புகையிலை பொருட்களை பறிமுதல் செய்தனர்.
2. கருணாஸ் கைது விவகாரத்தில் சட்டம் கடமையை செய்துள்ளது - பொன்.ராதாகிருஷ்ணன், தமிழிசை கருத்து
கருணாஸ் கைது விவகாரத்தில் சட்டம் தன் கடமையை செய்துள்ளது என்று பொன்.ராதாகிருஷ்ணன், தமிழிசை சவுந்தரராஜன் கூறினர்.
3. கொலை முயற்சி வழக்கில் ஆஜராகாமல் 24 ஆண்டுகளாக ‘டிமிக்கி’ கொடுத்தவர் கைது
கொலை முயற்சி வழக்கு விசாரணையின் போது 24 ஆண்டுகளாக கோர்ட்டில் ஆஜராகாமல் ‘டிமிக்கி’ கொடுத்தவரை தனிப்படை போலீசார் மடக்கிப்பிடித்து கைது செய்தனர்.
4. ரூ.6½ லட்சம் போதைப்பொருளுடன் தம்பதி கைது
தானேயில் ரூ.6½ லட்சம் போதைப்பொருளுடன் தம்பதியை போலீசார் கைது செய்தனர்.
5. சிவகாசியில் பதுக்கி வைக்கப்பட்டிருந்த ரூ.1 கோடி பட்டாசுகள் பறிமுதல்; 3 பேர் கைது
சிவகாசி அருகே குடோன் மற்றும் லாரி செட்டில் பதுக்கி வைக்கப்பட்டிருந்த ரூ.1 கோடி மதிப்புள்ள பட்டாசுகளை வருவாய்த்துறையினர் பறிமுதல் செய்தனர். இது தொடர்பாக பட்டாசு கடையின் உரிமையாளர் மற்றும் லாரி செட் உரிமையாளரை கைது செய்தனர்.