மாவட்ட செய்திகள்

சிந்தாதிரிப்பேட்டையில் ‘டாஸ்மாக்’ கடை திறப்புக்கு எதிர்ப்பு + "||" + In Chintadripet TASMAC Resistance to shop opening

சிந்தாதிரிப்பேட்டையில் ‘டாஸ்மாக்’ கடை திறப்புக்கு எதிர்ப்பு

சிந்தாதிரிப்பேட்டையில் ‘டாஸ்மாக்’ கடை திறப்புக்கு எதிர்ப்பு
சென்னை சிந்தாதிரிப்பேட்டையில் ‘டாஸ்மாக்’ கடை திறப்புக்கு எதிர்ப்பு தெரிவித்து, அரசியல் கட்சியினர் மற்றும் பொதுமக்கள் நேற்று போராட்டத்தில் ஈடுபட்டதால் பரபரப்பு ஏற்பட்டது.
சென்னை,

சென்னை சிந்தாதிரிப்பேட்டை சாமிநாதன் தெருவில் ‘டாஸ்மாக்’ கடை புதிதாக நேற்று பகல் 12 மணிக்கு திறக்கப்பட இருந்தது. இதற்கு அப்பகுதி மக்களிடம் கடும் எதிர்ப்பு கிளம்பியது. இதையடுத்து தி.மு.க. கட்சியின் சேப்பாக்கம் பகுதி செயலாளர் எஸ்.மதன்மோகன் தலைமையில் நேற்று காலை அந்த ‘டாஸ்மாக்’ கடை முன்பு போராட்டம் நடந்தது. இதில் தி.மு.க.வினர் மற்றும் அப்பகுதி பொதுமக்களும் ஏராளமானோர் பங்கேற்றனர்.


போராட்டத்தில் அ.தி.மு.க. நிர்வாகி தட்சிணாமூர்த்தி, பா.ஜ.க. நிர்வாகி கஜேந்திரன், காங்கிரஸ் சர்க்கிள் தலைவர் சண்முகம் உள்ளிட்டோரும் ஆதரவாளர்களும் பங்கேற்றனர். குடியிருப்பு பகுதியில் ‘டாஸ்மாக்’ கடை திறக்கக்கூடாது என்று தொடர் கோஷங்கள் எழுப்பப்பட்டது.

இதனைத்தொடர்ந்து போராட்டத்தில் ஈடுபட்டோரிடம் போலீசார் பேச்சுவார்த்தையில் ஈடுபட்டனர். ஆனால் அதில் சமரசம் ஏற்படவில்லை. இதையடுத்து ‘டாஸ்மாக்’ நிறுவன மாவட்ட மேலாளர் முருகன், தாசில்தார் தமிழ்ச்செல்வி ஆகியோர் சம்பவ இடத்துக்கு வந்து, போராட்டக்காரர்களுடன் பேச்சுவார்த்தை நடத்தினர்.

பேச்சுவார்த்தையின் முடிவில், அந்த தெருவில் ‘டாஸ்மாக்’ கடை திறக்கப்படாது என்று அதிகாரிகள் பொதுமக்கள் மத்தியில் உறுதி அளித்தனர். அதனைத்தொடர்ந்து போராட்டம் கைவிடப்பட்டது.


தொடர்புடைய செய்திகள்

1. சுற்றுலா வாகனங்கள் நிறுத்தும் இடத்தில்: போலீசார் இரும்பு தடுப்புகளை வைத்ததற்கு டிரைவர்கள் எதிர்ப்பு
கூடலூரில் சுற்றுலா வாகனங்கள் நிறுத்தும் இடத்தில் போக்குவரத்து போலீசார் நள்ளிரவு இரும்பு தடுப்புகளை வைத்தனர். இதை அறிந்த டிரைவர்கள் திரண்டு வந்து எதிர்ப்பு தெரிவித்தனர்.
2. உயர்மின் கோபுரம் அமைக்க எதிர்ப்பு தெரிவித்து கள்ளிப்பாளையத்தில் 17-ந்தேதி காத்திருப்பு போராட்டம் - விவசாய சங்கங்களின் கூட்டமைப்பு ஆலோசனை கூட்டத்தில் முடிவு
உயர்மின் கோபுரங்கள் அமைக்க எதிர்ப்பு தெரிவித்து வருகிற 17-ந்தேதி கள்ளிப்பாளையத்தில் காத்திருப்பு போராட்டம் நடத்தப்படும் என்று விவசாய சங்கங்களின் கூட்டமைப்பு ஆலோசனை கூட்டத்தில் முடிவு செய்யப்பட்டது.
3. உத்தரகாண்டில் எதிர்ப்பு: ‘கேதார்நாத்’ படத்துக்கு தடை
உத்தரகாண்டில் கேதார்நாத் படத்துக்கு எதிர்ப்பு தெரிவிக்கப்பட்டுள்ளது.
4. சபரிமலை மேற்பார்வை குழுவுக்கு எதிர்ப்பு: கேரள அரசின் மனுவை அவசரமாக விசாரிக்க சுப்ரீம் கோர்ட்டு மறுப்பு
சபரிமலை மேற்பார்வை குழுவுக்கு எதிரான கேரள அரசின் மனுவை அவசரமாக விசாரிக்க சுப்ரீம் கோர்ட்டு நீதிபதிகள் மறுப்பு தெரிவித்தனர்.
5. 3 வங்கிகள் இணைப்புக்கு எதிர்ப்பு - நாடு முழுவதும் 26-ந்தேதி வங்கிகள் வேலை நிறுத்தம்
3 வங்கிகள் இணைப்புக்கு எதிர்ப்பு தெரிவித்து, நாடு முழுவதும் 26-ந்தேதி வங்கிகள் வேலை நிறுத்தத்தில் ஈடுபட முடிவு செய்துள்ளது.

அதிகம் வாசிக்கப்பட்டவை