காரைக்குறிச்சி, ஜெயங்கொண்டத்தில் குறுவட்ட அளவிலான சதுரங்க போட்டிகள்

இதில் 166 மாணவ- மாணவிகள் கலந்து கொண்டனர். போட்டியில் வெற்றி பெற்ற மாணவ-மாணவிகளுக்கு வட்டார கல்வி அலுவலர் கலியபெருமாள் மற்றும் ராசாத்தி ஆகியோர் பதக்கம் மற்றும் சான்றிதழ்களை வழங்கி பாராட்டினர். போட்டியின் நடுவர்களாக வந்தியதேவன், வீர பாண்டியன், சுரேஷ்குமார், விமல் ரவிச்சந்திரன், கொளஞ்சி ஆகியோர் செயல்பட்டனர்.

இதே போல் ஜெயங்கொண்டம் அரசு மேல்நிலைப்பள்ளியில் குறுவட்ட அளவிலான சதுரங்க போட்டி நேற்று நடந்தது. போட்டிகளில் 11, 14, 17 ஆகிய வயது பிரிவுகளில் 40 பள்ளிகளை சேர்ந்த 249 மாணவ-மாணவிகள் கலந்துகொண்டனர். போட்டிக்கு கங்கைகொண்டசோழபுரம் பள்ளி தலைமை ஆசிரியர் கிருஷ்ணமூர்த்தி தலைமை தாங்கினார். ஜெயங்கொண்டம் அரசு ஆண்கள் மேல்நிலைப்பள்ளி தலைமை ஆசிரியர் அண்ணாதுரை முன்னிலை வகித்தார். மாவட்ட உடற்கல்வி ஆய்வாளர் ராஜேந்திரன் தொடங்கி வைத்தார். மாவட்ட கல்வி அலுவலர் விஜயலட்சுமி போட்டியினை பார்வையிட்டார். முடிவில் கங்கைகொண்டசோழபுரம் உடற்கல்வி ஆசிரியர் குமார் நன்றி கூறினார்.