<
மோட்டார் சைக்கிள் மோதி முதியவர் பலி வாலிபர் கைது
மோட்டார் சைக்கிள் மோதிய முதியவர் சிகிச்சை பலனின்றி பரிதாபமாக உயிரிழந்தார்.
சென்னை,
சென்னை பழைய வண்ணாரப்பேட்டை, மொட்டை கார்டன் பகுதியை சேர்ந்தவர் சாமுவேல் ஸ்டீபன் (வயது 23). இவர் நேற்று முன்தினம் இரவு சென்னை காமராஜர் சாலையில் மோட்டார் சைக்கிளில் வந்து கொண்டு இருந்தார். அந்த வழியாக சுமார் 70 வயது மதிக்கத்தக்க முதியவர் ஒருவர் சாலையை கடக்க முயன்றார்.
அப்போது எதிர்பாராதவிதமாக சாமுவேல் ஸ்டீபன் ஓட்டி வந்த மோட்டார் சைக்கிள் முதியவர் மீது மோதியது. இதில் தூக்கிவீசப்பட்ட முதியவருக்கு தலை, கால் மற்றும் கையில் பலத்த காயம் ஏற்பட்டது. அதேபோல், சாமுவேல் ஸ்டீபனும் காயம் அடைந்தார்.
அக்கம்பக்கத்தினர் இருவரையும் மீட்டு சிகிச்சைக்காக ராயப்பேட்டை மருத்துவமனைக்கு அனுப்பி வைத்தனர். முதியவரை மேல் சிகிச்சைக்காக ராஜீவ்காந்தி மருத்துவமனையில் அனுமதித்தனர்.
அங்கு அவர் சிகிச்சை பலனின்றி பரிதாபமாக உயிரிழந்தார். இதுபற்றி அண்ணாசதுக்கம் போக்குவரத்து புலனாய்வு பிரிவு போலீசார் வழக்குப்பதிவு செய்து அந்த முதியவர் யார்? எந்த பகுதியை சேர்ந்தவர்? என விசாரித்து வருகின்றனர். மேலும், விபத்தை ஏற்படுத்திய மோட்டார் சைக்கிளை ஓட்டி வந்த சாமுவேல் ஸ்டீபனை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
