மாவட்ட செய்திகள்

சேலத்தில் பரபரப்பு: காதலி அழைத்ததால் பெண் வேடமிட்டு பள்ளிக்குள் புகுந்த கல்லூரி மாணவர் + "||" + Sleeping in Salem: A girl student who entered the school after her girlfriend invited her

சேலத்தில் பரபரப்பு: காதலி அழைத்ததால் பெண் வேடமிட்டு பள்ளிக்குள் புகுந்த கல்லூரி மாணவர்

சேலத்தில் பரபரப்பு: காதலி அழைத்ததால் பெண் வேடமிட்டு பள்ளிக்குள் புகுந்த கல்லூரி மாணவர்
சேலத்தில் காதலி அழைத்ததால் பெண் வேடமிட்டு பள்ளிக்குள் புகுந்த கல்லூரி மாணவரை காவலாளி மடக்கி பிடித்த சம்பவம் பரபரப்பை ஏற்படுத்தி உள்ளது.
சேலம்,

சேலம் அன்னதானப்பட்டி பகுதியில் உள்ள ஒரு தனியார் பள்ளியில் நேற்று காலை ஆண்டு விழா நடைபெற்றது. இதையொட்டி போட்டிகள் மற்றும் கலைநிகழ்ச்சிகள் நடந்தது. அப்போது பர்தா அணிந்த ஒருவர் பள்ளிக்குள் நுழைந்து வேகமாக சென்றார். இவருடைய நடவடிக்கைகளை பார்த்ததும் பள்ளி காவலாளிக்கு சந்தேகம் ஏற்பட்டது. உடனே அவர் அந்த பர்தா அணிந்தவர் அருகே சென்று, ‘உன் பெயர் என்ன?, என்ன வகுப்பு படிக்கிறாய்?’ என்று கேட்டார்.


ஆனால், பர்தா அணிந்தவர் பேசாமல் தயங்கி நின்றார். தொடர்ந்து பள்ளி காவலாளி அதட்டி கேட்டபோது, பர்தாவிற்குள் இருந்தவர் ஆண் குரலில் பேசினார். அதன்பிறகுதான் பர்தா உடை அணிந்து வந்தது ஆண் என தெரியவந்தது. இதையடுத்து காவலாளி பர்தா அணிந்து பெண் வேடமிட்டு வந்த அந்த நபரை கட்டி அணைத்துக் கொண்டு கத்தினார்.

இதைக்கேட்டதும், முதலில் அங்கு நின்றவர்கள் காவலாளி தான் பெண்ணை கட்டிப்பிடிப்பதாக தவறாக நினைத்து ஓடிவந்தனர். ஆனால் அவர் அருகே சென்ற பிறகுதான் வாலிபர் ஒருவர் பெண் வேடமிட்டு பள்ளிக்குள் நுழைந்தது தெரியவந்தது. இதையடுத்து அவரை பிடித்து அங்கு பாதுகாப்பு பணியில் இருந்த அன்னதானப்பட்டி போலீசாரிடம் ஒப்படைத்தனர். பின்னர் அவரிடம் போலீசார் விசாரணை நடத்தினர்.

இதில் அவர் சேலம் அன்னதானப்பட்டியை சேர்ந்த 19 வயது வாலிபர் என்பதும், சேலத்தில் உள்ள ஒரு தனியார் கல்லூரியில் டிப்ளமோ இன் ஓட்டல் மேனேஜ்மென்ட் படித்து வருவதும் தெரியவந்தது. மேலும் வாலிபர் அதே பள்ளியில் படிக்கும் மாணவி ஒருவரை ஓராண்டாக காதலித்து வந்தார். காதலி அழைத்ததின் பேரில் பள்ளியில் நடக்கும் விழாவிற்கு அவர் பெண் வேடமிட்டு வந்துள்ளார். இந்த பர்தாவை அவருக்கு நண்பர் ஒருவர் கொடுத்துள்ளது விசாரணையில் தெரியவந்தது. அந்த வாலிபரிடம் போலீசார் தொடர்ந்து விசாரணை நடத்தி வருகின்றனர். இந்த சம்பவம் அங்கு பரபரப்பை ஏற்படுத்தியது. 


தொடர்புடைய செய்திகள்

1. காரியாபட்டியில் அரசு மகளிர் கல்லூரி அமைக்க வேண்டும்; பெண்கள் கூட்டமைப்பு மாநாட்டில் வலியுறுத்தல்
காரியாபட்டியில் அரசு பெண்கள் கல்லூரி மற்றும் மகளிர் போலீஸ் நிலையம் அமைக்க வேண்டும் என்று சமம் பெண்கள் கூட்டமைப்பு மாநாட்டில் வலியுறுத்தப்பட்டது.
2. திருமணமான 2 வாரத்தில் கல்லூரி ஆசிரியை, மாணவருடன் ஓட்டம்
கன்னியாகுமரி அருகே திருமணமான 2 வாரத்தில் கல்லூரி ஆசிரியை, மாணவருடன் மாயமானார். அவர்களை போலீசார் தேடி வருகிறார்கள்.
3. சென்னை புறநகர் பகுதிகளில் மாணவர்களின் கஞ்சா பழக்கம் தொடர்பாக 2 கல்லூரிகளுக்கு போலீசார் நோட்டீஸ்
சென்னை புறநகர் பகுதிகளில் கஞ்சா போதைக்கு கல்லூரி மாணவ–மாணவிகள் அடிமையாகி வருவது தொடர்பாக 2 பிரபல கல்லூரிகளுக்கு போலீசார் எச்சரிக்கை நோட்டீஸ் அனுப்பியுள்ளனர்.
4. தேர்வு பயத்தால் தஞ்சை சாஸ்த்ரா பல்கலைக்கழக மாணவர் தூக்குப்போட்டு தற்கொலை
தேர்வு பயத்தால் தஞ்சை சாஸ்த்ரா பல்கலைக்கழக மாணவர் தூக்குப்போட்டு தற்கொலை செய்துகொண்டார்.
5. தஞ்சை சாஸ்த்ரா பல்கலைக்கழக விடுதி அறையில் தூக்கில் பிணமாக தொங்கிய சட்டக்கல்லூரி மாணவர்
தஞ்சை சாஸ்த்ரா பல்கலைக்கழக விடுதி அறையில் சட்டக்கல்லூரி மாணவர் தூக்கில் பிணமாக தொங்கினார். அவரது சாவில் சந்தேகம் இருப்பதாக போலீசில் தந்தை புகார் அளித்துள்ளார்.