<
மணல் கடத்தல்; டிரைவர் கைது
பொன்னை ஆற்றில் இருந்து மணல் கடத்திய லாரி டிரைவர் கைது செய்யப்பட்டார்.
பள்ளிப்பட்டு,
திருவள்ளூர் மாவட்டம் பள்ளிப்பட்டு தாலுகா ஆர்.கே.பேட்டை பகுதியில் சிலர் மணல் கடத்துவதாக ஆர்.கே.பேட்டை போலீசாருக்கு ரகசிய தகவல் கிடைத்தது. இதைத்தொடர்ந்து போலீசார் கீரை சாத்து பகுதியில் வாகன சோதனையில் ஈடுபட்டனர்.
அப்போது வேலூர் மாவட்டம் பொன்னை பகுதியில் இருந்து மிக வேகமாக வந்த ஒரு லாரியை மடக்கி பிடித்து சோதனை செய்தனர். அதில் பொன்னை ஆற்றில் இருந்து மணல் கடத்தி வந்தது தெரியவந்தது.
லாரி டிரைவரான நேசனூர் கிராமத்தை சேர்ந்த சுரேஷ் (வயது 24) என்பவரை போலீசார் கைது செய்து லாரியை பறிமுதல் செய்தனர். லாரி உரிமையாளரான பள்ளிப்பட்டு தாலுகா சின்ன நாகபூண்டி கிராமத்தை சேர்ந்த ரஞ்சித் என்பவரை போலீசார் தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
